REENGANNA 11:20 - WUKE SUSI WATTI'U AL᷊AL᷊USASSA

²⁰ arawe sambul᷊anna tuudda al᷊annune i yamiu u'inassa, ma'oman sara i yamiu rumadda'a wuṛṛu mammuta ana waugu inassa udde. Olangnge udde mariaddi ana waugu i yamiu buatte nanol᷊a'u Mawu apan udde su pattangnganni yamiu. Wuṛṛu ana waugu i yamiu buatte nilumuai su saruan-Ne wuṛṛu sunumal᷊iomanna manungku i yamiu buatte nanantangngu leta'u Mesir.”

REENGANNA 11:20 Iomraidhean Croise

2 SAMUEL 12:10

Ana waugu i'o tawe tinumuṛṛutta si Ya'u wuṛṛu i'o nanganu awingngi Uria, ne suapan papapulunnu piaddu mate iapate.

DARALO 106:15

I Tou nangonggolu apa apan raddoronganni mangitou, arawe lai sa'itta apan nirumanta si mangitou.

SASABANGNGA 16:13

Su tempo wawallo nirumantate manga manu'a puyuh aroddi anambone na'oman sara ahewallu padasanana tate asiloanna, wuṛṛu su tempo marua'allo sinumossokke wal᷊angngukka namal᷊iwutta paddasananna.

SASABANGNGA 16:3

Unni mangitou, “Mappianne unnu wisara yami buatte nipate Mawu su Mesir. Poiaroddi yami mattingkadio'a wotongnge umaianna uminasa ṛemessa wuṛṛu umanna roti ma'oman sara mal᷊aidda. Arawe i yamiu nangapidi yami isindi tadea'u yami sarangkanambone mate amal᷊unusana.”

SASABANGNGA 16:8

Mawu sarun mangonggolu ṛemessa si yamiu su tempo wawallo, wuṛṛu roti su tempo marua'allo ma'oman sara i yamiu mal᷊aidda, ana waugu Mawu buatte naaringikke si yamiu massa'u si Tou. Amungkangngu i yamiu massa'u si yami, i yamiu ere massa'u Mawu.”

AMSAL 27:7

Amungkangngu mal᷊aidda, pul᷊a lai itola; amungkangngu mal᷊unussa, iapa mapetta lai pendamanna matemangnga.

MALEAKHI 1:6

Mawu Apan Lembontaṛṛino nabbisara su manga imam, “Sangkatou ana'a mangngaddatta iamangnge, wuṛṛu sangkatou mangangimbe mangngaddatta mawune. I Ya'u indi Iamangngu; anio i yamiu tawe mangaddatta si Ya'u? I Ya'u indi Tuangngu; anio i yamiu tawe mata'u-U? I yamiu mallobbossa si Ya'u, arawe i yamiu ma'iwal᷊o, ‘Ringannu olangnge ereapa i yami mallobbossa Si'o?’

REENGANNA 11:13

Pa'ellege, i mangitou sidutu mapparannu maddorongnga inassa. Wuṛṛu i ya'u maddea'a ṛemessa suapa iapa'inassa su anambon taumata udde?

REENGANNA 11:19

I yamiu uminassa tawe manungku tumba'u massalo ara'e dua allo, ara'e lima allo ara'e mapul᷊o allo, wuṛṛu tawe tumba'u ruan pul᷊o su allone,

REENGANNA 11:21

Ana see i Musa nabbisara su Mawu, “Walahanna apan iappiaṛṛa'u indi sarangkanambone 600.000 su atoune. Ereapa I'o mabbisara manungku sarun mangonggolu Remessa si mangitou sulal᷊ummu sambul᷊anna al᷊annune?

REENGANNA 14:3

Ipa'ura Mawu nangapiddi ite watukku wanua udde? Tanne i ite mate sulal᷊ummu pangalo wuṛṛu manga awingngi ite see al᷊aṛṛana'i ite iasametti mangitou. Wal᷊inewe mappianne mabelengke su Mesir!”

REENGANNA 14:4

Ana see i mangitou uahahattote sangkatou ringannu waine, “Mappianne i ite mamile sangkatou piaṛṛangnge wuṛṛu mabelengke watukku Mesir!”

REENGANNA 16:13

Taambe nawusa lai i'o nangapiddi yami sinumabbangnga wuassu leta'u Mesir apan masuwukka udde tadea'u mamate si yami su wadda'a indi? Rinonewe i'o mamarenta si yami lai?

REENGANNA 20:4

Anio i yamiu mangapiddi yami watukku wadda'a indi? Apa tadea'u yami mate su sambau ringannu winatangngi yami?

REENGANNA 21:5

wuṛṛu sussamboṛṛete su Ruata wuṛṛu si Musa. I mangitou nabbisara, “Anio I'o nangapiddi yami sinumabbangnga wuassu Mesir? Apa tadea'u mamate si yami su wadda'a indi? Isindi tawe anna, wuṛṛu ua'e lai tawe. Yami nuallen anna apan mal᷊esabba indi!”

WATTI'U MANGA RASUL 13:41

‘Panutukka paapia-pia, ei yamiu manga taumata apan ma'apulu mangal᷊uandaga! I yamiu sarun maherangnga see mate! Ana waugu su tempo indi ya'u tantal᷊anna ma'ola'a manga apa apan tawe pangimananni yamiu sassane salaiwe pia taumata mannal᷊a'a si yamiu.’ ”

1 TESALONIKA 4:8

Taumata apan tawe madaringikka al᷊aṛṛa'a indi wal᷊inewe tawe madaringikka taumata, arawe tawe madaringikka Ruata apan nangonggollu Ghaṛṛaho-Ne susi si yamiu.

YOSUA 24:27

Wua'udde i Yosua nabbisarate anambon taumata udde, “Watu indi maola'a tialan kite. Anambon bisara apan niwisaran Mawu si ite, buatte niwisara su saruannu watu indi. Nariadi ete watu indi apan maola'a tiala su saruanni yamiu, mapaanaungngi yamiu tadea'u tawe lumawanna Ruatanu.”

1 SAMUEL 10:19

I Ya'u buatte namallossi yamiu wuassu anambon asansara wuṛṛu asasusa, arawe orassa indi Ya'u, Ruatanu nitol᷊a'i yamiu, ana waugu i yamiu maddorongnga tadea'u i Ya'u mangonggollu sangkatou ratu si yamiu. Ne aroddite, paammulle su saruang-Ku, Mawunu, tumuṛṛuttu walahanna wuṛṛu ṛuangannu.’ ”

1 SAMUEL 2:30

I Ya'u, Mawu Ruatan Israel, dorone buatte naddiandi, amonannu wuṛṛu ṛuangannu sarun mangimbe si Ya'u maola'a imam sarangkal᷊o'enge. Arawe orassa indi Ya'u maddiriten olangnge udde lai! Ana waugu apan mangngaddatta si Ya'u, sarun Ta'u addatanna arawe isai mallobbossa si Ya'u, sarun Ta'u lobbosanna lai.