REENGANNA 11:12 - WUKE SUSI WATTI'U AL᷊AL᷊USASSA

¹² Apa i ya'u nangilloṛṛo ara'e nanungkangngi mangitou udde? Anio I'o nandolo'u naola'a na'al᷊ihidda sangkatou inangnga uawawa ana'a addio'a, na'oman sara i ya'u sidutu mappadul᷊i si mangitou su al᷊o'engngu amatanna watukku leta'a apan nipa'ire-Nu su al᷊amona mangitou?

REENGANNA 11:12 Iomraidhean Croise

PANDARIADDI 13:15

i ya'u sarun mangonggolla si'o wuṛṛu su papulunnu ahewallu leta'a apan a'ellehannu udde tadea'u maola'a pussaanu saran mal᷊annu-l᷊annu.

PANDARIADDI 24:7

Mawu, Ruata apan uataṛṛino langitta, buatte nangapi'u wuassu wal᷊en iamangku wuṛṛu wuassu wanua manga tuṛṛangku, wuṛṛu i Tou buatte nassalu si ya'u manungku i Tou sarun mangonggolu wanua indi su papapulungku. I Tou lai sarun mandolokku mala'ekan-Ne mantul᷊ungngu, tadea'u i'o wotongnge maasomba sangkatou awingngu ana'u wua poiaroddi.

PANDARIADDI 26:3

I Ya'u sarun mallu'adda wuṛṛu mangal᷊amatta si'o. Ahewallu wageangngu leta'a indi sarun Ta'u ionggolla si'o wuṛṛu su papapulunnu. I Ya'u sarun manipussu paaire apan buatte Ta'u nionggolla si Abraham iamangngu.

PANDARIADDI 50:24

Wisarane su manga tuṛṛangnge, “Papate'u maranite, arawe Ruata sarun sidutu mammadul᷊i si yamiu wuṛṛu mamiaṛṛa'i yamiu sumabangnga wuassu wanua indi, watukku wanua apan buatte pina'ire-Ne ringannu sasalu si Abraham, i Ishak wuṛṛu si Yakub.”

2 MARARATU 10:1

I Ratu Ahab uatahuanna pitun pul᷊o ana'a wuṛṛu pulunna su soa Samaria. Ana waugu udde i Yehu ningirimmu suratta watukku Samaria, su manga mabawuwunna ana'a wuṛṛu pulunni Ahab wuṛṛu su manga piaṛṛange ana see su manga tembonannu soa udde. Tingikku suratta udde arendi,

2 MARARATU 10:5

Ana waugu udde tembonannu wal᷊en araratuanna wuṛṛu tembonannu soa suadio'a ringannu manga matatimmadu soa wuṛṛu manga mabawuwunna ana'i Ahab udde nangirimmu watti'a indi si Yehu, “Yami uasuṛṛubbawa si Tuanga wuṛṛu walate i Tuanga mandolokki yami. Yami tawe mamile sisai-sai maola'a ratu. Ola'e apa apan mapia tumuṛuttu aellegi Tuanga.”

SASABANGNGA 13:11

I Musa nabbisara su walahannu Israel, “Mawu sarun manguntuddi yamiu watukku wanua Kanaan apan nipa'ire-Ne ringannu sasalu si yamiu wuṛṛu iupungngu al᷊amonanu. Napawe leta'a udde naola'e pussaanu,

SASABANGNGA 13:5

Ringannu sasalu Mawu naddiandi su iupungngu al᷊amonanu tadea'u manantilla si yamiu wanuan balahannu Kanaan, Het, Amori, Hewi wuṛṛu Yebus. Napawe Mawu nangapiddi yamiu su wanua apan ala wuṛṛu masuwukka udde, suapan tonna sulal᷊ummu wul᷊anna Abib, i yamiu ṛinone ma'ola'a lal᷊aghun ramea indi.

SASABANGNGA 33:1

Ana see Mawu nabbisara si Musa, “Tatanga'e tampa indi wuṛṛu roote suadio'a ringannu walahanna apan niapiddu wuassu Mesir udde watukku wanua apan Ta'u pina'ire si Abraham, si Ishak wuṛṛu si Yakub see lai papapulunni mangitou.

SASABANGNGA 6:8

Anambon tanata Mawu indi nipasingkatti Musa su walahannu Israel, arawe i mangitou maddiri maddaringikka si Musa, ana waugu pattaṛṛuallanganna apan maṛṛagissa udde naaola'a si mangitou niawul᷊iaten antimma.

YESAYA 40:11

Naal᷊ihidda sangkatou mallal᷊u'adda winatangnga i Tou napaddul᷊i ammul᷊an-Ne; i Tou sassane nangammulli mangitou. Manga ana'u domba nisal᷊uru-Ne, ringannu masaṛṛionto'a i Tou mangngehetta manga inangngene.

YESAYA 49:15

Mawu sinumimbakka, wisara-Ne, “Wotongngewe sangkatou inangnga maabul᷊in anangnge, wuṛṛu tawe mandangngu anangnge sidutu? Salaiwe i tou maabul᷊ine i Ya'u tawe maabul᷊inu!

YESAYA 49:23

Manga ratu ere iamangngi yamiu, wuṛṛu manga wo'i ere inangnga. I mangitou sarun umal᷊intudda mangaddatta si'o wuṛṛu sumallungngu watanganne si'o. Ne i'o sarun maasingkatta manungku i Ya'u Mawu; taumata apan uaantimma si Ya'u tawe sumassilla.”

YEHEZKIEL 34:23

I Ya'u sarun manenegu sangkatou ratu apan ere allang-Ku Daud, tadea'u maola'a mallal᷊u'addi mangitou, wuṛṛu i tou sarun mappadul᷊i si mangitou.

YOHANES 10:11

Tumba'u i Ya'u mallal᷊u'adda apan mapia. Mallal᷊u'adda mapia mannantillu niawa-Ne ipanal᷊i manga domba-Ne.

1 KORINTUS 4:15

Ana waugu ete i ya'u naola'a iamangngi yamiu, salaiwe asinungka ere taumatan Saṛṛani, yamiu uatahuante mapul᷊o ṛiwu su atoune huru. Sulal᷊ummu wiakku ere manga taumata apan uaaukka ringanni Kristus, i ya'u naola'a iamangngi yamiu, ana waugu ete i ya'u nangapiddu Watti'u Al᷊al᷊uassa si yamiu su ola'i Kristus.

GALATIA 4:19

Manga al᷊aṛṛana'u arangnguanna! I ya'u orassa indi uatataṛṛanga lai ana waugu i yamiu. I ya'u uatataṛṛanga ere sangkatou inangnga apan uatataṛṛanga su tempo mangunsiwe. I ya'u sidutu sarun matataṛṛanga, amungkangu pallal᷊agun Kristus taambe nusippa su wadangu!

TAHIUL᷊E 1:31

wuṛṛu su wadda'a. I yamiu naasilo ereapa Mawu Ruatanu nangapiddi yamiu ringannu sal᷊amatta su al᷊o'engngu amatanna udde naddatingngu tampa indi, tawe paddaṛṛalanne naal᷊ihidda sangkatou iamangnga uasal᷊uru anangnge.

1 TESALONIKA 2:7

Arawe i yami masaṛṛionto'a su tempo i yami uatana'a su wallatti yamiu, ere sangkatou inangnga uapaddul᷊i al᷊aṛṛanangnge.