REENGANNA 11:1 - WUKE SUSI WATTI'U AL᷊AL᷊USASSA

¹ Su sambau allo walahanna udde manattakke sussal᷊iomanna su Mawu su ola'u asasusa mangitou. Naaringikka manga sasal᷊iomanna udde, Mawu nasa'u wuṛṛu nandantan putungnga si mangitou. Putungnga udde nilumewa su wallati mangitou wuṛṛu nanutungnga sambageanganna wuassu paddasananna.

REENGANNA 11:1 Iomraidhean Croise

PANDARIADDI 38:10

Inolaanne udde naasa'u Mawu, wuṛṛu Mawu namate si tou lai.

2 SAMUEL 11:27

Wua'udde napawe nasuete tempon lullal᷊o, i Daud nandolokka niapaal᷊appa wawine udde iapidda watukku wal᷊en araratuanna, ne i tou naola'e awingngi Daud. Manga pira wul᷊anna wua'udde i tou nangunsiwete sangkatou ana'a esakka. Arawe Mawu tawe mal᷊uassa su inolaanni Daud udde.

2 MARARATU 1:12

“Amungkangu atonna i ya'u allangngu Ruata,” sasimbakki Elia, “ṛinone putungnga sumossokka wuassu langitta wuṛṛu manutungnga si'o see lai anambon mallal᷊aṛenggenu ma'oman sara masue!” Orassa udde lai sinumossoke putungnga wuassu Ruata wuṛṛu nanutungnga tembonannu tantara udde see lai siri liman pul᷊o tantarane na'oman sara masue.

AYUB 1:16

Sutempo i tou ta'e uahahatto, nirumantate lai allangnga aruane wuṛṛu nabbisara, “Manga domban Tuangnga wuṛṛu mallal᷊u'adde buatte niamettu sawallo na'oman sara nate abbi. Tumba'u allangngu sassane apan naatal᷊angnga na'oman sara napabbal᷊o si Tuangnga.”

DARALO 106:18

Putungnga niumonto'a nanametta ammul᷊anni mangitou, nangepoddu sarangkanambone apan buatte na'ola'a al᷊al᷊eo.

DARALO 78:21

Naaringikka udde Ruata nasa'u wuṛṛu nanoṛṛobba al᷊aṛṛanang-Nge ringannu putungnga; asasa'u-Ne su saruanni mangitou aatambante,

DARALO 78:63

Manga umbasanni mangitou niepoddu putungnga, taweddu maawingngu manga maṛualan mangitou.

SASABANGNGA 16:7

Tiṛṛabbi marua allo i yamiu sarun maasilo semakku darantan Mawu. Mawu ma'aringikka si yamiu mangke massa'u si Tou; ore, su Mawu, ana waugu yami indi tumba'u tuttuṛṛutta apa apan buatte nirolokku Mawu.

SASABANGNGA 16:9

Wua'udde i Musa nabbisara si Harun, “Doloṛṛa'a i mangitou sarangkanambone sumaruanna Mawu, ana waugu i Tou naaringikke sasungkutti mangitou.”

YESAYA 10:17

Ruata apan na'ukkassa, Asasemakku Israel, sarun ma'ola'a ṛenggammu putungnga sulal᷊ummu allo massallo manutungnga abbi al᷊awo'a, sara lai ahuranganna ṛoaanna.

YESAYA 30:33

Ro'en dorone buatte niriahi tampa panutunganna si ratun Asyur. Tampa udde mal᷊al᷊umma wuṛṛu mal᷊alakka, loṛṛone alum putungnga apan ua'ombo. Mawu sarun makkenggamma ringannu maniuppu singangu-Ne apan naal᷊ihidda sal᷊ukku belerangnga.

YESAYA 33:14

Manga taumata marosa su Sion mangngiladdu atata'utta. Unni mangitou, “Laṛṛawessu Ruata naal᷊ihidda putungnga apan lukkengngamma sarangkal᷊o'enge. Wotongngewe piaddu maataṛṛangnga sulal᷊ummu putungnga apan ma'apate udde?”

LAL᷊ALLU 3:39

Anio taumata sidutu sussal᷊iomanna napawe i tou iṛṛuumanna ana waugu manga rosane?

YEHEZKIEL 20:36

ere lai buatte Ta'u niola'a su saruannu al᷊amonanu su Wadda'u Sinai. I Ya'u Mawu Apan Atanggaṛṛanne buatte nabbisara.

IMAMATTA 10:2

Ne Mawu nandantan putungnga apan nanutungnga sitarua na'oman sara nate su Rasannu Mawu.

NAHUM 1:5

Manga wowone mangngiladda su saruan-Ne; wuṛṛu wuidda lai nabbal᷊i niumolokka abbi. Napawe Mawu rumanta, runia mangngiladda, runia wuṛṛu anambon tumanangnge mangngindo.

HABAKUK 3:5

I'o nandolokku radda'a u'amatta su saruan-Nu wuṛṛu papate uatantalongnga su liddu Mawu.

REENGANNA 10:33

Napawe walahannu Israel nanantangken Sinai, wowone atatanaannu Mawu, i mangitou niumamatta tallu allo al᷊annune. Wantallu P'aaire Mawu sidutu ia'apidda malliu roro si mangitou ipaddea'a tampa paddasananni mangitou.

REENGANNA 11:18

Orassa indi wal᷊oa'e su balahanna udde; ukkasse watangannu hunan tiṛṛabbi yamiu sarun uminassa ṛemessa. Mawu buatte naddaringikka si yamiu lulluai wuṛṛu ma'ial᷊are manungku i yamiu maapulu uminassa ṛemessa, wuṛṛu manungku wiakku mappianne su tempo i yamiu su Mesir. Orassa indi Mawu mangonggolu ṛemessa si yamiu, wuṛṛu i yamiu wotongnge uminassa.

REENGANNA 12:2

Unni tarua, “Apa tumba'u wuassi Musa Mawu nabbisara? Wal᷊inewe wuassi ite lai i tou mabbisara?” Mawu naddaringikka sarangkanambone apan niwisaran tarua.

REENGANNA 14:2

I mangitou sussamboṛṛe si Musa wuṛṛu si Harun wuṛṛu nabbisara, “Mappianne i ite nate su Mesir ara'e su wadda'a indi! Mappianne i ite mate!

REENGANNA 14:22

manungku wuassu manga taumata indi tawe saran sangkatou apan ta'e wiakka sumutta su wanua apan Ta'u pina'ire su iupungngu al᷊amona mangitou. Ana waugu i mangitou maddiri tumuṛṛutta si Ya'u, wuṛṛu sidutu mammal᷊intongnga si Ya'u. Sumbal᷊i i mangitou naasilote semaaka wuassu Mawu apan lullansiangnga, wuṛṛu manga al᷊aṛṛindu'a apan Ta'u niola'a su Mesir wuṛṛu su wadda'a.

REENGANNA 14:27

“Sara tingngera manga taumata lal᷊eo udde sussamboṛṛe si Ya'u? Anambon sasal᷊iomanni mangitou i Ya'u na'aringikke.

REENGANNA 14:28

Iraddua ṛinone sumimbakka si mangitou arendi: Mawu nabbisara, ‘I Ya'u massalu sulal᷊ummu arang-Ku apan wiakka manungku i yamiu sarun Ta'u olaanna ere lai buatte niwisaran kamiu su saṛuang-Ku. I Ya'u, Mawu, buatte nabbisara.

REENGANNA 16:11

Amungkangngu i'o wuṛṛu manga mallal᷊aṛṛenggenu sumamboṛṛe su saruanni Harun, mangke atonna i yamiu lullawangnga Mawu!”

REENGANNA 16:35

Ana see Mawu nandantan putungnga nanoṛṛobba 250 su atoune apan nangonggolu sasamba amania udde.

REENGANNA 17:5

Ta'innu taumata apan i Ya'u nipile sarun massolla. Ringannu olangnge udde i Ya'u sarun mapata'allu manga sasamboṛṛen taumata apan sidutu sussamboṛṛe si yamiu.”

REENGANNA 21:5

wuṛṛu sussamboṛṛete su Ruata wuṛṛu si Musa. I mangitou nabbisara, “Anio I'o nangapiddi yami sinumabbangnga wuassu Mesir? Apa tadea'u mamate si yami su wadda'a indi? Isindi tawe anna, wuṛṛu ua'e lai tawe. Yami nuallen anna apan mal᷊esabba indi!”

1 KORINTUS 10:10

I ite tawe wotongnge lai sumungkuta, ere buatte niola'u sangkawageanganna wuassi mangitou rorone, na'oman sara i mangitou nipaten Mala'ekattu Papate.

TAHIUL᷊E 25:18

I mangitou tawe mata'uttu Mawu Ruata wuṛṛu ana see namangalo si yamiu wuassu liudde su tempo i yamiu nal᷊otakke wuṛṛu nallome, ana see namate manga taumatanu apan ringannu masahadda niumamatta su liudde.

TAHIUL᷊E 32:22

Asasa'u-U sarun sumawudda naal᷊ihidda putungnga apan nanoṛṛobba naddatingngu runian taumata nate. Putungnga udde nanutungnga runia wuṛṛu al᷊awo'u lal᷊oṛṛone, wuṛṛu manga wowone na'oman sara manga ṛamunne.

TAHIUL᷊E 9:22

See lai su Tabera, Masa wuṛṛu Kibrot-Taawa, i yamiu naasa'u lai Mawu.

IBRANI 12:29

Ana waugu Ruatang kite ere putungnga apan maatutungnga.

YAKOBUS 5:4

I yamiu tawe namaekka lal᷊antaku manga taumata apan mammanara su wawail᷊annu. Orassa indi paddaringikke sasal᷊iomanni mangitou! Manga taumata apan nangammullu wuan bawail᷊annu, mangngintul᷊i ma'iontolla wuṛṛu aintul᷊in mangitou na'omate su tal᷊ingan Duata, Ruata Lembon Mataṛṛino.

YUDAS 1:16

Manga taumata udde siddutu sussungkuta wuṛṛu mapaasal᷊an taumata waine. I mangitou mabbiakka tuttuṛṛutta manga apulun naungngi mangitou apan marosa. I mangitou taṛṛa watti'u watanganni mangitou sassane, wuṛṛu massal᷊o'u taumata ana see maasomba auntunganna.”