REENGANNA 10:33 - WUKE SUSI WATTI'U AL᷊AL᷊USASSA

³³ Napawe walahannu Israel nanantangken Sinai, wowone atatanaannu Mawu, i mangitou niumamatta tallu allo al᷊annune. Wantallu P'aaire Mawu sidutu ia'apidda malliu roro si mangitou ipaddea'a tampa paddasananni mangitou.

REENGANNA 10:33 Iomraidhean Croise

DARALO 95:11

Ne i Ya'u nassalu sulal᷊ummu asasa'u-U, i mangitou sarun tawe maasutta su wanua udde maddea'a maasomba pangillol᷊oanna suadio'a ringang-U.”

SASABANGNGA 19:3

wuṛṛu i Musa sinuma'a wowone udde inai maisasomban Duata. Mawu nabbisara si Musa wuassu wowone udde wuṛṛu nandolokki tou niapaal᷊iata su taumatan Israel, papapulunni Yakub.

SASABANGNGA 3:1

Su tempo udde i Musa mallu'adda manga domba wuṛṛu manga ambingngi Yitro, la'iananne, imam su leta'u Midian. Su tempo i tou tantal᷊anna mangngul᷊uga winatangnga udde watukku samba'an badda'a lol᷊okka, i tou na'omate su Wowon Sinai, wowone apan susi.

YESAYA 11:10

Tempone sarun dumanta sangkatou ratu pallaṛṛiten Daud maola'a punnu aellegu manga walahanna. I mangitou sarun dumanta ringanni tou, wuṛṛu tampa atatanaanne mangke raddaloanna.

YESAYA 28:12

Mawu nangonggollu tampa pangillol᷊oanna si yamiu sarangkanambone, arawe i yamiu maddiri maddaringikka si Tou.

YESAYA 66:1

Mawu nabbisara, “Langitta uddewe adderan araratuang-Ku, wuṛṛu runia pangangaddoannu ledda-U. Nariaddi wal᷊en saṛṛene ereapa sarun Ta'u iapararisikka maola'a atatanaang-Ku, wuṛṛu tampa ereapa sarun pamanuang-Ku?

YEREMIA 3:16

Ana see napawe i yamiu niatambante anambone su wanua indi, taumata tate mabbisara lai su ola'u Wantallu Paaire-U. I mangitou tate lai maṛṛingidda ara'e mannaungnga lai, ewe'e i mangitou lai tate mappandumma ara'e mallanginnu Wantallu Pa'aire waine.

YEREMIA 31:2

Su wadda'u anne i Ya'u mapal᷊iatta'u darangngu-U si mangitou apan buatte napallossa wuassu papate. Sutempo umattu Israel maddea'a atatammudda,

YEREMIA 6:16

Mawu nabbisara uman-Ne, “Darisikke su pappengannu lal᷊anna, wuṛṛu panutudde paapia-pia! Pa'iwal᷊ote manga lal᷊annu al᷊amona, wuṛṛu suapa apan apianne suwallanne. Amatte su lal᷊anna udde, tadea'u i yamiu mabbiakka matammudda.” Arawe i mangitou nabbisara, “Tawe, i yami maddiri umamatta su lal᷊anna udde!”

YEHEZKIEL 20:6

Sutempo udde i Ya'u nassalu sarun mangapiddi mangitou sumabbanga wuassu Mesir mattuddan banua apan Ta'u nipile ionggolla si mangitou. Wanua udde ala wuṛṛu masuwukka, leta'a apan apianne su ahewallu runia.

REENGANNA 10:12

Ana see taumatan Israel ualal᷊ol᷊osse mangingkatta manantangngu wadda'u Sinai, wuṛṛu winabbawa udde nattaala su tempo i mangitou na'omate su wadda'u Paran.

TAHIUL᷊E 1:33

apan u'amatta su saruannu maddea'a tampan paddasananni yamiu. I Tou mammantingiddu lal᷊anna si yamiu su tempo ṛabbi sulal᷊ummu pal᷊iaṛṛannu putungnga wuṛṛu su tempo allo sulal᷊ummu pal᷊iaṛṛannu winabbawa.”

TAHIUL᷊E 31:26

“Anute wuken Titan Duata indi, wuṛṛu sahipunte su sandiṛṛannu wantallu Pa'airen Mawu Ruatanu, tadea'u sidutu sasahipunanna isudde maola'a sambau tatiala su walahannu udde.

TAHIUL᷊E 9:9

I ya'u sinuma'a wowone tadea'u manengkamma watun pa'aire apan niola'u Mawu si yamiu. Appatu pul᷊o su allone wuṛṛu appatu pul᷊o su ṛabbine al᷊annune i ya'u uatana'a su puiddu wowone udde ringannu tawe umanna ara'e ma'inumma.

IBRANI 13:20

Ruata suete napaawiakku Mawung kite Yesus Kristus wuassu papate. Ana waugu papate-Ne udde i Tou orassa indi naola'a Mallal᷊u'adda Mawantuga si ite, eteudde manga dombane. Papate-Ne udde lai mannohassa pa'aire apan tawe pangudusanne apan niola'u Ruata ringanni ite.

YOSUA 4:7

ṛinone i yamiu mamasingkatta si mangitou ua'en Sal᷊ukku Yordan natta'ala su tempo Wantalu Pa'aire Mawu niapidda tinumumbe sal᷊ukka udde. Manga watu sarun sidutu mapaanaungngu walahannu Israel al᷊awo'a apan nariaddi isindi.”

MAL᷊AṚṚUUNGNGA 20:27

Sutempo udde Wantallu Paairen Duata ta'e su Betel, wuṛṛu i Pinehas ana'i Eleazar, pulunni Harun, manarane imam. Ne walahannu Israel naiwal᷊ote Mawu, “Mawu, apa ṛinone i yami inai apia mamangalo manga tuṛangngi yami manga taumatan Benyamin udde, ara'e i yami mangillol᷊on pangalo indi?” Mawu sinumimbakka, “Pangaloite i mangitou! Tiṛabbi i Ya'u sarun mangonggolu auntunganna si yami.”

1 SAMUEL 4:3

Sutempo tantara lambene apan niawaddo udde nabelengke surasanna, manga piaṛṛa'u Israel nabbisara, “Anio Mawu namalan kite niawaddon taumatan Filistin su allo indi? Wette i ite mangal᷊appa Wantallu Paairen Mawu su Silo, wuṛṛu iapiddi ite isindi, tadea'u Mawu mangontolla si ite wuṛṛu manal᷊amatta si ite wuassu seetta.”