REENGANNA 1:53 - WUKE SUSI WATTI'U AL᷊AL᷊USASSA

⁵³ Arawe manga taumatan Lewi ṛinone maddasanna mamal᷊iwutta Rasang-Ku. I mangitou ṛinone mallu'adda tadea'u tawe taumata mangundanine, ma'oman sara i Ya'u masa'u wuṛṛu makkuumanna walahannu Israel.”

REENGANNA 1:53 Iomraidhean Croise

1 TAWARIKH 23:32

I mangitou lai nionggol᷊annu manara iapal᷊u'adda Rasannu Mawu wuṛṛu aiapasumbala manga tuṛṛangngi mangitou, eteudde manga imam papapulunni Harun, sulal᷊ummu mappaamattu pattataṛṛamawu sutampa udde.

2 TAWARIKH 13:10

Yami sidutu massubba Mawu Ruatan kami wuṛṛu tawe manantangngi Tou. Manga imam si yami sidutu wuassu papapulunni Harun, wuṛṛu manga taumatan Lewi sidutu uasumbala si mangitou.

2 TAWARIKH 13:11

Suapan marua allo wuṛṛu wawallo i mangitou mannambunnu amania wuṛṛu mangonggollu sasamba itattambunna su Mawu, lapiddu mangngatokku roti ia'imbe. Suapan maṛṛabbi i mangitou mande'omma manga sol᷊o su leddan sol᷊o wul᷊awanna. Yami sidutu uararingikka manga parentan Mawu, arawe i yamiu buatte nanantangngu Mawu.

YEREMIA 23:15

Mawu Apan Lembontaṛṛino nabbisara, “Sarun Ta'u ionggolla su manga nabi su Yerusalem udde sasuanna mapetta iapaanna wuṛṛu pasangkadda iapa'inumma, ana waugu i mangitou buatte naaola'a taumata su ahewallu wanua tate mangaddatta si Ya'u.”

YEREMIA 5:31

manga nabi mangngawusu, manga imam mangngimbe tumuṛṛuttu apulun naungnge sassane wuṛṛu i yamiu uma-U mappulun inolaanna udde. Arawe apa apan sarun olaanni yamiu napawe nia'omante allo panginsueanne?”

IMAMATTA 10:6

Ana see i Musa nabbisara si Harun wuṛṛu manga anangnge waine, eteudde i Eleazar wuṛṛu i Itamar, “Arie pabbala'a utangngu tawe aṛṛoanna, wuṛṛu arie panggesa'a laungngu apan mapal᷊iatta'a manungku iraddua massusa wuṛṛu lullal᷊o. Amungkangngu iradua ma'ola'a aroddi, iradua sarun mate, wuṛṛu anambon ṛuangannu Israel asa'uannu Mawu. Arawe anambon taumatan Israel waine wotongnge lumal᷊on duang katou apan nate ana waugu putungnga wuassu Mawu.

REENGANNA 1:50

Doloṛṛa'e i mangitou mamaresi Rasang-Ku ringannu al᷊awo'u saranapane. Manaran mangitou eteudde mamasanna Rasang-Ku ringannu saranapane apiddu mamaresi. I mangitou ṛinone maddasanna uapal᷊iwutta rasanna udde.

REENGANNA 1:54

Ne taumatan Israel tinumuṛṛutta al᷊awo'a apan nirolokku Mawu si Musa.

REENGANNA 16:46

ana see i Musa nabbisara si Harun, “Anute tampan putungngu, wuṛṛu loṛṛoiten waṛṛan putungnga wuassu mezbah wuṛṛu taṛṛoin amania su wowone. Apira'e paal᷊ihakke ringannu ṛuanganna wuṛṛu pa'ola'e lal᷊aghu pangangampunga rosa si mangitou. Paal᷊ihakka! Asasa'u Mawu sinumawudde wuṛṛu al᷊aṛṛusa'itta mannattakke.”

REENGANNA 16:9

Apa i yamiu maṛṛingidda manungku indi hatto addio'a manungku Ruatan Israel namile si yamiu wuassu manga taumatan Israel tadea'u i yamiu wotongnge mangundanin Tou, wuṛṛu mammanara su Rasan-Ne, see lai mammanara hunan taumatan Israel wuṛṛu mangimbe si mangitou?

REENGANNA 17:7

Ana see i Musa nangaddon manga ta'inna udde sulal᷊ummu Rasannu Mawu, su saruannu Wantallu Pa'aire.

REENGANNA 2:17

Wua'udde, su pattangngannu anambon tantaran Israel, u'amatta ṛuanganni Lewi ringannu uapasanna Rasannu Mawu. Ere lai i mangitou naddasanna, aroddi lai i mangitou u'amatta, sambau-sambau su tampane tumuṛṛuttu manga waneṛṛan mangitou.

REENGANNA 3:23

I Elyasaf ana'i Lael uatembonanna ṛuanganna udde. Sulal᷊ummu paddasanannu taumatan Israel, ṛuanganna udde namile tampa su samba'an baṛṛatta su liuddu Rasannu Mawu.

REENGANNA 3:29

I Elisafan ana'i Uziel uatembonanna ṛuanganna udde. Sulal᷊ummu paddasananna, ṛuanganna udde namile tampa su samba'an timukku Rasannu Mawu.

REENGANNA 3:35

I Zuriel ana'i Abihail uatembonanna ṛuanganna udde. Sulal᷊ummu paddasananna, ṛuanganna udde namile tampa su samba'an sawannakka wuassu Rasanna Mawu.

REENGANNA 3:38

Sulal᷊ummu paddasananna, i Musa wuṛṛu i Harun see al᷊aṛṛanangnge ṛinone mamile tampa su saruannu Rasannu Mawu, su samba'an da'i. I mangitou niapamanara mallaghun patataṛṛamawun balahannu Israel su Wabbo'a Na'ukkassa. Wal᷊ine wuassi mangitou, isai-sai apan ma'annamma ma'ola'a manara udde ṛinone iṛṛuumanna pateanna.

REENGANNA 31:30

Wuassu wageangnge apan nionggola su ṛuangannu Israel, ṛinone i'o manganu sambau wuassuapan liman pul᷊o mawae wuassu manga taumata nisametta, aroddi lai wuassu sapi, keledai, domba wuṛṛu ambinga. Tantil᷊a'e sarangkanambone udde su taumatan Lewi apan uapadul᷊i Rasang-Ku.”

REENGANNA 31:47

Ere buatte nirolokku Mawu, i Musa nanganu sambau wuassu liman pul᷊o su atoune taumata nasametanna wuṛṛu winatangnga papadul᷊iananna, ana see nitantilla su manga taumatan Lewi apan mammanara su Rasannu Mawu.

REENGANNA 8:19

wuṛṛu manga taumatan Lewi udde Ta'u itantilla si Harun wuṛṛu al᷊aṛṛanangnge, tadea'u wotongnge mammanara hunan taumatan Israel sulal᷊ummu Rasang-Ku. See lai tadea'u i mangitou madorongnga aampungnga si Ya'u hunan balahannu Israel tadea'u balahanna udde tawe aemaannu asasilaka amungkangngu i mangitou rumanta tumaniten marani watukku tampa apan na'ukassa udde.”

2 TIMOTIUS 4:2

Ṛinone i'o mamasingkatu watti'a wuassu Ruata udde, wuṛṛu sidutu mammata'a tadea'u taumata maddaringikka, apa i mangitou maapulu ara'e maddiri. Ṛinone i'o mapaangimannu taumata, manta'en pasasal᷊a, wuṛṛu mangonggolu sasasa si mangitou. Aṛṛa'ete taumata ringannu anambon asasabbare.

1 SAMUEL 6:19

Arawe ana waugu taumatan Bet-Semes udde nangintanno sulal᷊ummu Wantallu Paairen Mawu, pitun pul᷊o su atoune suwallatti mangitou nipaten Mawu. Ana see tumana'u soa nilumal᷊o ana waugu Mawu nandanta si mangitou sambau asasilaka apan aroddi ahewalle.