REENGANNA 1:50 - WUKE SUSI WATTI'U AL᷊AL᷊USASSA

⁵⁰ Doloṛṛa'e i mangitou mamaresi Rasang-Ku ringannu al᷊awo'u saranapane. Manaran mangitou eteudde mamasanna Rasang-Ku ringannu saranapane apiddu mamaresi. I mangitou ṛinone maddasanna uapal᷊iwutta rasanna udde.

REENGANNA 1:50 Iomraidhean Croise

2 TAWARIKH 24:6

Ana waugu udde i tou namago si Imam Yoyada, piaṛṛa'i mangitou, ana see nabbisara, “Wal᷊inewe i Musa allangngu Mawu buatte nandolokku tumanangnge iapawaekka wose tadea'u ipangapia Rasannu Mawu? Orassa indi, anio manga taumatan Lewi udde tawe iwata'i papa iapaammulu wose wuassu tumana'u Yehuda wuṛṛu Yerusalem?” (

NEHEMIA 12:22

Aranna su ola'u tembonannu amonannu taumatan Lewi wuṛṛu amonannu imam buatte niwoṛṛetta sutempo manga Imam Bahewa manansunna indi: Elyasib, Yoyada, Yohanan wuṛṛu Yadua. Woṛṛetta udde nasue sutempo Darius uaparenta naola'a Persia.

NEHEMIA 12:47

Sutempon Zerubabel wuṛṛu lai sutempon Nehemia, anambon tumana'u Israel mangonggollu sasamba hunan ipanipussa awussa miallo-miallon mangangantari wuṛṛu mandariagga ngara wahewallu Wal᷊en Mawu. Tumana'a nangonggollu sasamba niṛṛae su manga taumatan Lewi wuṛṛu manga taumatan Lewi lai nangonggolla su manga imam wageangnge apan buatte nitantunna.

NEHEMIA 12:8

Manga taumatan Lewi: Piaṛṛa'u aantari aadiangkamanna: i Yesua, i Binui, i Kadmiel, i Serebya, i Yehuda wuṛṛu i Matanya.

NEHEMIA 13:22

Wua'udde manga taumatan Lewi ta'u nirolokka mapaamattu lal᷊aghun pamamaresi watanganne wuṛṛu mandiagga manga ngara wahewalla ipallu'adda tadea'u manga taumata mangaddatta allon Sabat. I ya'u niumal᷊iomanna, “Oh Ruata, naungewe i ya'u ana waugu olangnge udde lai, wuṛṛu akkanaawe i ya'u uasul᷊ungngu ringannu darangngu-Nu apan wahewalla.”

NEHEMIA 13:5

Elyasib nangonggolla si Tobia sambau wabbo'a wahewalla apan ṛinone nisaddia hunan panahipunanna sasamba gandumma, amania, manga mananalangnga musikka wuṛṛu mandariaga ngara wahewallu Wal᷊en Mawu.

DARALO 122:4

Ete isindi manga walahanna nirumanta, manga walahanna nipilen Mawu, tadea'u maadiangkamanna si Tou uasul᷊ungngu parenta-Ne.

SASABANGNGA 31:18

Napawe buatte naggahatton i Musa su puiddu Wowon Sinai, Ruata nangonggola si tou ruan kul᷊appa watu apan buatte niwoṛṛetannu Ruata ringannu manga tita-Ne.

SASABANGNGA 38:21

Eteindi arannu logamma apan nipaatta sulal᷊ummu Rasannu Mawu, tampan batu rarua ringannu Mapul᷊o Titan Duata udde sinahipunna. Manga aranna niola'a wuassu parentan i Musa wuṛṛu niatokku manga taumatan Lewi apan mammanara su al᷊ungngu piaṛṛa'i Itamar, ana'i Imam Harun.

REENGANNA 1:53

Arawe manga taumatan Lewi ṛinone maddasanna mamal᷊iwutta Rasang-Ku. I mangitou ṛinone mallu'adda tadea'u tawe taumata mangundanine, ma'oman sara i Ya'u masa'u wuṛṛu makkuumanna walahannu Israel.”

REENGANNA 10:21

Wua'udde manga taumatan Kehat inaite ringannu uapasanna manga saranapa na'ukkassa. Amungkangngu i mangitou ma'omate su tampa paddasananna manansunna, Rasannu Mawu iapararisikka apia.

REENGANNA 17:7

Ana see i Musa nangaddon manga ta'inna udde sulal᷊ummu Rasannu Mawu, su saruannu Wantallu Pa'aire.

REENGANNA 18:5

Tumba'u i'o, Harun, wuṛṛu al᷊aṛṛanangngu apan ṛinone mammanara su Wabbo'a Na'ukkassa wuṛṛu su mezbah, tadea'u i Ya'u tate lai masa'u su walahannu Israel.

REENGANNA 2:17

Wua'udde, su pattangngannu anambon tantaran Israel, u'amatta ṛuanganni Lewi ringannu uapasanna Rasannu Mawu. Ere lai i mangitou naddasanna, aroddi lai i mangitou u'amatta, sambau-sambau su tampane tumuṛṛuttu manga waneṛṛan mangitou.

REENGANNA 20:11

Ana see i Musa namatten ta'inna udde wuṛṛu nipuulli tou su wuiddu watu udde paarua. Ne nangelekke ua'e ringannu masassaga, na'oman sara taumata wuṛṛu winatangnga wotongngete ma'inumma.

REENGANNA 4:15

Mawu nabbisara si Musa wuṛṛu si Harun, “Su tempo i yamiu manggohakku paddasananna, i Harun wuṛṛu al᷊aṛṛanangnge ṛinone sumutta sulal᷊ummu Rasang-Ku wuṛṛu manaappa anambon saranapa wuṛṛu aolangnge apan uaraddo isudde. Napawe wua'udde, manga taumatan Kehat wotongngete rumanta mamasanna. Arawe tawe wotongnge i mangitou ma'ellega, mangundani ara'e mangindinga manga saranapa udde, ana waugu buatte niṛṛae huna-U. Amungkangngu udde olaanni mangitou lai, i mangitou sarun mate. Nariaddi tadea'u manga taumatan Kehat udde tawe mapappassa wuassu ṛuanganni Lewi, i Harun wuṛṛu al᷊aṛṛanangnge ṛinone mapamanaran sangkatou-sangkatou su wallati mangitou apan ṛinone iapiddi mangitou. Eteudde manaran taumatan Kehat su tempo Rasang-Ku iingkatta. I Eleazar ana'i Harun, uariaga ahewallu Rasang-Ku, lanan sol᷊o, amania, sasamba gandumma ia'imbe mamiallo, lanan lal᷊aghu wuṛṛu sarangkanambone apan uaraddo sulal᷊ummu Rasangku udde.”

REENGANNA 4:3

ana see namoṛṛettu arannu anambon esakka apan uukke tallun pul᷊o maddatingngu liman pul᷊o, apan botongnge mammanara su Rasannu Mawu.

REENGANNA 8:19

wuṛṛu manga taumatan Lewi udde Ta'u itantilla si Harun wuṛṛu al᷊aṛṛanangnge, tadea'u wotongnge mammanara hunan taumatan Israel sulal᷊ummu Rasang-Ku. See lai tadea'u i mangitou madorongnga aampungnga si Ya'u hunan balahannu Israel tadea'u balahanna udde tawe aemaannu asasilaka amungkangngu i mangitou rumanta tumaniten marani watukku tampa apan na'ukassa udde.”

REENGANNA 8:20

Ana waugu udde i Musa, i Harun wuṛṛu anambon taumatan Israel nangonggolu taumatan Lewi su Mawu, ere buatte nirolokku Mawu si Musa.

REENGANNA 8:22

Taumatan Israel tinumuṛṛutta al᷊awo'u parenta Mawu si Musa su ola'u taumatan Lewi. Ringannu aroddi taumatan Lewi naasomba taṛṛino mammanara sulal᷊ummu Rasannu Mawu su al᷊ungngu piaṛṛa'i Harun wuṛṛu al᷊aṛṛanangnge.

SONDAPPA 15:5

Napawe wua'udde i ya'u naasilo Wal᷊e Mawu su surga nawu'a, wuṛṛu Rasannu Mawu udde sulal᷊umme.