PANDARIADDI 9:6 - WUKE SUSI WATTI'U AL᷊AL᷊USASSA

⁶ Taumata niola'a lihidde ere i Ya'u; ana waugu udde, isai-sai apan mamate taumata, i tou sassane sarun pateannu taumata lai.

PANDARIADDI 9:6 Iomraidhean Croise

PANDARIADDI 4:14

I'o nallimbuakka si Ya'u wuassu leta'a indi, marau wua dingan-Nu. I Ya'u sarun maola'a mamamal᷊intadda apan tawe tampa atatanaanna su runia, wuṛṛu i Ya'u sarun pateannu al᷊awo'u taumata apan massomba'u.”

PANDARIADDI 42:22

I Ruben nabbisara, “Wal᷊inewe dorone i ya'u buatte nabbisara si yamiu tadea'u ana'a udde arie lal᷊eoanna. Arawe i yamiu madiri maddaringikka. Ne orassa indi papatene niwal᷊issanna si ite.”

PANDARIADDI 5:1

Ete indi manga arannu papapulunni Adam. (Su tempo Ruata nandiaddi taumata, i Tou na'ola'a si mangitou ere lihiddu Ruata sassane.

2 SAMUEL 4:11

Lembon awakkatanne lai ṛuumanna apan sarun ta'u iema'a su taumata lal᷊eo apan buatte namate taumata tawe sal᷊ane wuṛṛu tantal᷊anna mattiilla su wal᷊ene sassane! Orassa indi ya'u mabbal᷊issa si'o su ola'u pamamate udde, wuṛṛu manginsue si yamiu wuassu wowon dunia indi!”

1 MARARATU 2:9

Arawe eteindi tanata'u si'o: arie pabbala'a i tou mapallossa wuassu ṛuumanna. I ya'u masingkatta i'o pande; nariaddi, salaiwe i tou timmadete, paddea'e tadea'u i tou iṛṛuumanna pateanna.”

2 MARARATU 11:1

Napawe i ratu wawine i Atalya naasingkatta manungku Ratu Ahazia, anangnge, natete, i tou namarenta tadea'u amonanni Ahazia sarangkanambone pateanna.

2 MARARATU 11:16

I mangitou nanametta si tou, ana see niapidda watukku wal᷊en araratuanna. I tou nipate poiaroddi su saruannu ngara Pasallangannu Awal᷊o.

2 MARARATU 11:20

Tumanangnge sarangkanambone lullala'a, ne soa mal᷊angngante wuṛṛu i Atalya buatte nipate.

2 TAWARIKH 33:24

Manga mamanaran araratuanni Ratu Amon naammulla nilumawangnga si tou wuṛṛu i tou nipate su wal᷊en araratuanna.

DARALO 51:4

Ukkasawe al᷊awo'u al᷊al᷊eo; waresiwe i ya'u wuassu rosa'u.

SASABANGNGA 20:13

Imbaṛṛangnga mamate.

AMSAL 28:17

Sangkatou taṛṛa pate sarun uapendamma sidutu a'enggenanna maddatingngu papatene; tawe saran sangkatou apan wotongnge manaṛṛangnga si tou.

MANNANASE 3:3

tempo ipamate wuṛṛu tempo ipangapia, tempo ipanggohakka wuṛṛu tempo ipa'ola'a.

IMAMATTA 24:17

Isai apan namate taumata waine ṛinone iṛṛuumanna pateanna.

REENGANNA 35:16

Arawe amungkangngu sangkatou nappaattu ahidda atta'a ara'e watu ara'e alu ipamate taumata waine, taumata udde taṛṛa pate; i tou nassal᷊a wuṛṛu ṛinone iṛṛuumanna pateanna.

REENGANNA 35:25

Ammul᷊annu ṛuanganna ṛinone manamba'a taumata apan buatte namate ringannu tawe nipattatudda su saruannu wawansagu manga tuṛṛangngu apan nipate. Taumata udde ṛinone iapidda apia watukku soa pattillindumanne, su tampa i tou tinumal᷊angngu watanganne. I tou ṛinone matanaa isudde ma'oman sara taumata apan su tempo udde nabbal᷊i Imam Bahewalla natete; wua'udde i tou wotongngete mapul᷊e watukku ampungnga atatanaanne. Arawe amungkangngu i tou nate su soa pattillindumanna su tampa i tou tinumal᷊angngu watanganne, ana see niasangkal᷊anna wuṛṛu nipaten tuṛṛangngu taumata apan natete, ne ola'u pabbawal᷊issa udde wal᷊inewe pamamate.

REENGANNA 35:33

Amungkangngu inolaanni yamiu aroddi, yamiu mandal᷊eo leta'a apan wawanuanni yamiu. Pamamate maal᷊al᷊eo wanua; nariaddi tawe dal᷊anne waine ipamaresi wanua udde tumba'u ringannu manawutta niawan taṛṛa pate udde.

MATIUS 26:52

Mawu Yesus nabbisara su mallal᷊aṛṛenggen-Ne udde, “Sutta'e apia hal᷊elenu su ṛomane, ana waugu anambon taumata apan ahide hal᷊ele sarun pateannu hal᷊ele.

ROMA 13:4

Ana waugu tembonanne udde, allangngu Ruata apan mammanara hunane ipadde'a apapianu. Arawe amungkangngu i'o ma'ola'a al᷊al᷊eo, i'o ṛinone mata'utti tou, ana waugu wal᷊inewe tawe mangal᷊ene i tou maṛṛuumannu taumata. Ete i tou allangngu Ruata, apan mangngonggolu ṛuumannu Ruata su manga taumata apan ma'ola'a al᷊al᷊eo.

1 KORINTUS 11:7

Esakka tawe wotongnge mappaattu tatindunga, ana waugu i tou naal᷊ihida hambarannu inolaan-Ne wuṛṛu awawantugu Ruata. Arawe wawine maola'a hambarannu awawantugu esakka,

TAHIUL᷊E 19:11

“Arawe wal᷊ine lai amungkangngu sangkatou nangampanga seenne wuṛṛu ringannu nipattudda wuṛṛu naungnga lal᷊eo namate si tou, ana see tinumal᷊angnga su wallatu sambau soa tatal᷊anganna madea'a piaddu mongontolla.

TAHIUL᷊E 5:17

Imbaṛṛangnga mamate.

YAKOBUS 3:9

I ite mappaatta ipaadiangkamanna su Ruata Iamangngi ite, arawe lai ipammontoga sansul᷊ungngu taumata, apan suete niola'a tumuṛṛuttu lihiddu Ruata.

SONDAPPA 13:10

“Taumata apan ṛinone iṛṛuumanna, atonna i tou sarun iṛṛuumanna. Wuṛṛu taumata apan ṛinone pateannu hal᷊ele, atonna i tou sarun pateannu hal᷊ele. Ana waugu udde walahannu Ruata ṛinone matammuda wuṛṛu matuṛṛuta.”

MAL᷊AṚṚUUNGNGA 9:56

Etearoddi olangnge Mawu Ruata nabbal᷊issa si Abimelekh su ola'u al᷊al᷊eo apan buatte niolangnge su saruannu iamange, su tempo i tou namate siri pitu pul᷊o su atoune manga tuṛangnge.

1 SAMUEL 15:33

Ana see i Samuel nabbisara, “Ere lai hal᷊elenu apan buatte na'ola'a manambo inangnga apan niawul᷊iannu anangnge, aroddi lai inangngu sarun awul᷊iannu anangnge.” Ana see i Samuel nanattadda si Agag su saruannu mezbah su Gilgal.