PANDARIADDI 9:3 - WUKE SUSI WATTI'U AL᷊AL᷊USASSA

³ Sarangkanambone udde wotongnge maola'a annu, ere lai manga sasuanna ma'elomma; sarangkanambone Ta'u ionggolla si'o maola'a annu.

PANDARIADDI 9:3 Iomraidhean Croise

PANDARIADDI 9:2

Al᷊awo'u manu'u winalanganna wuṛṛu inassa see lai manga winatangnga waine sarun mata'unnu. I mangitou sarangkanambone sulal᷊ummu taṛṛinonu.

IMAMATTA 22:8

I tou imbaṛṛangnga uminassa ṛemessu winatangnga apan nate sassane ara'e nate niaṛṛattu winatangnga mal᷊aṛṛaga. Amungkangngu i tou niuminassa, i tou mabbal᷊i ma'arantinna. Ete i Ya'u Mawu.

ROMA 14:14

Ana waugu i ya'u uaaukke ringannu Mawu Yesus, ne i ya'u mangke mangngimanna manungku tawe saran sambau anna apan maarosa; arawe olangnge udde maarosa sangkatou taumata, amungkangngu taumata udde massunna manungku udde maarosa.

ROMA 14:17

Ana waugu amungkangngu Ruata mangatokku pabbawiakku sangkatou, apa apan wotongnge annananni tou ara'e inumanne, tawe tumanin mahuna. Ahunanne eteudde manungku taumata udde tuttuṛṛutta apulun Ruata, maapendamma al᷊al᷊uassu naungnga wuṛṛu mannengkamma al᷊al᷊uassa apan nionggolu Ghaṛṛahon Ruata.

ROMA 14:20

Ariewe, ana waugu hatton anna, i'o manggohakku apa apan buatte nimmanara Duata. Al᷊awo'u anna udde wotongnge iwo'o; arawe amungkangngu anna iwabboonu udde maarosa taumata waine, i'o nassal᷊ate.

ROMA 14:3

Taumata apan u'anna tawe mamile, arie mangadio'a taumata apan u'anna tumba'u anna buatte tinantunne; wuṛṛu taumata apan tumba'u u'anna anna buatte tinantunne, arie lai mapaasal᷊an taumata apan u'anna alawo'u anna, ana waugu Ruata suete nanarimmatti tou.

1 KORINTUS 10:23

Unnu taumata, “I ite wotongnge ma'ola'a al᷊awo'u apa ipaapulun kite.” Atonna! Arawe tawe anambon apa ipaapulun kite udde pia gunane. “I ite wotongnge ma'ola'a walate naungngi ite” – arawe tawe sarangkanambone ipaapulun kite udde maatamba pabbiaṛṛani ite.

1 KORINTUS 10:31

Al᷊awo'u apa apan a'olaanni yamiu – tuṛṛangnga umanna ara'e tuṛṛangnga ma'inumma – ola'e sarangkanambone udde ipamantuga Ruata.

TAHIUL᷊E 12:15

Arawe walate i yamiu mamate winatangngi yamiu wuṛṛu uminassa su al᷊awo'u tampa i yamiu uatana'a. I yamiu wotongnge umanna al᷊awo'u anna apan nionggolu Mawu Ruatanu si i yamiu. Su al᷊awo'u taumata, mawae waresi ara'e marosa, wotongnge uminassa ṛemessa udde, ere lai yamiu wotongnge uminassa ṛemessu kijang ara'e rusa.

KOLOSE 2:16

Ana waugu udde, imbaṛṛanganga mamalan taumata mapaasal᷊an kamiu su ola'u umanna ara'e ma'inumma ua'e, ara'e su ola'u manga allo wahewan agama, ara'e manga ramean wul᷊anna wakku, ara'e su ola'u allon Sabatta.