PANDARIADDI 9:2 - WUKE SUSI WATTI'U AL᷊AL᷊USASSA

² Al᷊awo'u manu'u winalanganna wuṛṛu inassa see lai manga winatangnga waine sarun mata'unnu. I mangitou sarangkanambone sulal᷊ummu taṛṛinonu.

PANDARIADDI 9:2 Iomraidhean Croise

PANDARIADDI 1:21

Ne, Ruata nandiadite manga winatangnga wawallu tahal᷊oangnga, wuṛṛu al᷊awo'u hatin arariadianna apan mabbiakka sulal᷊ummu ua'e, see lai al᷊awo'u hatin manu'u arnalanganna. Ruata mal᷊uassa ma'ellega olangnge udde.

PANDARIADDI 1:26

Wua'udde Ruata nabbisara, “Orassa indi i ate ma'ola'a taumata ere lihiddi Ite wuṛṛu nassul᷊ungngi Ite. I mangitou sarun uataṛṛino manga inassa, manga manu'u winalanganna, wuṛṛu al᷊awo'u winatangnga waine, mawae ete maṛṛaro aroddi lai matengnga, mapia ete wahewalla aroddi lai maradio'a.”

PANDARIADDI 1:28

Wua'udde Ruata nangal᷊amatta si mangitou ringannu wisara “Paṛṛitete ringannu paanambo tadea'u papapulunnu mamanua su ahewallu runia wuṛṛu mamarenta sarangkanambone udde. I yamiu Ta'u iapamanara mallu'adda manga inassa, manga manu'u winalanganna, wuṛṛu manga winatangnga matengnga waine.

PANDARIADDI 2:19

Ne i Tou nanganute leta'a sangkangkumma wuṛṛu na'ola'e al᷊awo'u lihiddu winatangngu ammaranne wuṛṛu winatangngu winalanganna. Sarangkanambone niapiddu Ruata ringannu taumata udde niapaasilo su taumata udde, tadea'u i tou mangonggollu aranne su manga winatangnga udde. Eteudde al᷊amonan binatangngu ammaranne wuṛṛu winalanganna naasomba aranne sambau-sambau.

PANDARIADDI 35:5

Su tempo i Yakub wuṛṛu ammul᷊annu amonanne inaite, Ruata nandantan atata'utta su tumana'u manga soa maranine, na'oman sara i mangitou tawe nangenggenna si Yakub wuṛṛu ammul᷊annu amonanne.

PANDARIADDI 9:1

Ruata nangal᷊amatta si Nuh wuṛṛu al᷊aṛṛanangnge lapiddu nabbisara, “Pabbalage ringannu manambo, tadea'u papapulunnu mamanua su ahewallu runia.

PANDARIADDI 9:3

Sarangkanambone udde wotongnge maola'a annu, ere lai manga sasuanna ma'elomma; sarangkanambone Ta'u ionggolla si'o maola'a annu.

AYUB 39:11

Wotongngewe i'o mangasakku auatanne apan matohassa, wuṛṛu manantillu manaranu apan mawakkatta si tou?

YEHEZKIEL 34:25

I Ya'u sarun makkiinnu pa'aire ringanni mangitou, apan uariaga atatammudi mangitou. I Ya'u sarun mallimbuakka anambon binatangnga mal᷊aṛṛaga wuassu ahewallu wanua, ma'oman sara manga domba-Ku wotongnge matana'a ringannu matammuda su manga wadda'a wuṛṛu matiilla su manga mahurangnge.

HOSEA 2:18

Sutempo udde i Ya'u sarunma'ola'a paaire ringannu al᷊awo'u hatin binatangnga tadea'u i mangitou tate manal᷊asa'u uma-U. I Ya'u sarun mapaaddon al᷊awo'u pangalo wuṛṛu manahangginna manga ahiddu pangalo wuassu wanuan uma-U udde, wuṛṛu ma'ola'a si mangitou mabbiakka ringannu mal᷊angnganna wuṛṛu matammudda.

IMAMATTA 26:22

I Ya'u sarun mandantan manga winatanga mal᷊aṛaga su pattangnganni yamiu. Manga winatanga udde sarun tumambo manga anangu, mamate winatanga papadul᷊ianannu wuṛṛu mamate si yamiu, na'oman sara reengannu mabbal᷊i addio'a, wuṛṛu manga lal᷊anna su wanuanu mabbal᷊i mal᷊annaba.

IMAMATTA 26:6

I Ya'u sarun mallu'adda wanuanu ma'oman sara i yamiu wotongnge matiilla ringannu matammudda wuṛṛu tawe mata'utti sai-sai. Manga winatangnga mal᷊aṛṛaga sarun Ta'u iapaawul᷊i wuassu wanua udde, wuṛṛu tate lai pangalo su wanuanu.

YAKOBUS 3:7

Al᷊awo'u winatangnga mal᷊aṛṛaga, manu'u winalanganna, winatangnga tuttondon tianne wuṛṛu inassa wotongnge ṛaroanna, wuṛṛu suete niṛṛaron taumata.