PANDARIADDI 8:21 - WUKE SUSI WATTI'U AL᷊AL᷊USASSA

²¹ Hal᷊urun sasamba apan mawangngi udde naal᷊uassa naungngu Mawu, wuṛṛu i Tou nabbisara sulal᷊ummu naungnga, “I ya'u tate lai mamontoga runia indi ana waugu inolaannu taumata; i Ya'u masingkatta manungku ro'en i tou ta'e dario'a, ṛingirannu taumata udde lal᷊eo. I ya'u tate saran paassa mamate alawo'u riadianna wiakka naal᷊ihidda ere buatte Ta'u niola'a indi.

PANDARIADDI 8:21 Iomraidhean Croise

PANDARIADDI 3:17

Ana see Ruata nabbisara su esakka udde, “I'o uararingikka manga wisaran awingngu ana see niumanna wua apan Ta'u nisingadda annanannu. Ana waugu pallal᷊agunu udde, niawontohante leta'a. I'o sarun mammanara masahadda su al᷊o'engngu pabbiaṛṛannu tadea'u leta'a indi wotongnge mangonggollu anna apan uatimu si'o.

PANDARIADDI 4:12

Amungkangngu i'o massuanna, leta'a sarun tawe mangonggollu hessine; i'o sarun maola'a mamamal᷊intadda apan tawe tampa atatanaanna su runia.”

PANDARIADDI 5:29

I Lamekh nabbisara, “Ana'a indi sarun mangonggollu sasumbala su tempo i ite mammanara masahadda, mabbailla leta'a apan niwontohannu Mawu.” Ana waugu udde i Lamekh nanagon ana'a udde i Nuh.

PANDARIADDI 6:13

Ana see Ruata nabbisarate si Nuh, “I ya'u buatte nakkawessa manginsue wiakku al᷊awou'u riadianna. I ya'u sarun mamate si mangitou suadio'a ringannu runia, ana waugu runia napeneten araṛṛagissi mangitou.

PANDARIADDI 6:17

I ya'u sarun mandantan manawangnga ipamate al᷊awo'u riadianna apan mabbiakka su runia. Sarangkanambone su runia sarun mate,

PANDARIADDI 6:5

Mawu na'ellega tumaniten dal᷊eo manga taumata su runia; anambon ṛingiranni mangitou sidutu lal᷊eo.

PANDARIADDI 6:7

na'oman sara nabbisara, “I ya'u sarun mamate apan buatte Ta'u niola'a udde, wuṛṛu lai al᷊awo'u manu'u winalanganna wuṛṛu winatangnga waine, ana waugu ya'u sinumassilla buatte nandiaddi si mangitou.”

AYUB 14:4

Wotongngewe taumata apan marosa mandantan inolaanna apan nasuungnga?

DARALO 51:5

Ana waugu i ya'u mangnga'u manga pasasal᷊a'u, rosa'u sidutu nanaungangku.

DARALO 58:3

Tawe, i yamiu manggol᷊agu al᷊al᷊eo, wuṛṛu mangngal᷊iba'ukka su wanua indi.

DARALO 58:4

Taumata lal᷊eo nial᷊iwunete ro'en ta'e su illoṛṛo i mangitou mallingate napawe niasungkangke.

SASABANGNGA 29:18

Onggol᷊a'e domba esakka sarangkanambone udde su wowon mezbah maola'a sasamba itattambunna. Hal᷊urune ma'al᷊uassa naung-Ku.

SASABANGNGA 29:25

Ana see anute roti udde wuassi mangitou wuṛṛu tambuna'e su wowon mezbah, su wowon aonggolla itattambunna udde. Hal᷊urun sasamba udde ma'al᷊uassa naung-Ku.

AMSAL 20:9

Apa pia taumata apan wotongnge mabbisara, “Naungku waresi, i ya'u nal᷊iute wuassu rosa?”

MANNANASE 7:20

Su runia indi tawe sangkatou taumata apan nasuungnga; taweddu sidutu apan ma'ola'a apapia wuṛṛu tawe saran paassa na'ola'a rosa.

YESAYA 47:12

Panidutute al᷊awo'u daroanu wuṛṛu wali'imatanu, apan mamma katta si'o ro'en i'o ta'e addio'a. Isai masingkatta udde pia gunane si'o, tadea'u ipamata'utta manga seennu.

YESAYA 47:15

Eteudde huna manga taṛṛa si'atta si'o apan ma'anambo manaranu ro'en i'o ta'e addio'a; sangkatou-sangkatou inaite nanantangngu; taweddu nirumanta mantul᷊ungngu.”

YESAYA 48:8

I Ya'u masingkatta i'o tawe apangimananna, ro'en dorone i'o tinumelengnga mapontol᷊osanna. Ana waugu udde i'o waggan olangnge udde, tawe sampaddi wisara apan na'oma su tal᷊inganu.

YESAYA 53:6

I ite sarangkanambone nial᷊iwune ere domba, sambau-sambau maddea'a lal᷊anne sassane. Mawu buatte nangema'a si tou al᷊al᷊eo kite sarangkanambone.

YESAYA 65:6

Ṛuumanni mangitou uawoṛṛette su saruang-Ku. Atonna, i Ya'u tawe matatana'a mal᷊annabba. I Ya'u buatte nabbal᷊issa al᷊al᷊eo mangitou

YEREMIA 17:9

Naungngu taumata tawe iaṛṛangngo, mappandeanna wuassu al᷊awo'a wuṛṛu tumaniten bahewalla raddangnge.

YEREMIA 18:12

Arawe i mangitou sarun sumimbakka, ‘Apa hunane? I yami sidutu mannan tuṛṛutta apulung kami sassane! I yami sambau-sambau sarun ma'ola'a apulun naungngi yami apan dal᷊eo!’ ”

YEREMIA 8:6

I Ya'u buatte naddaringikka mapia-pia, arawe i yamiu buatte nabbisara su ereapa olangnge. Tawe saran sangkatou wuassi yamiu sumassillu inolaanna apan dal᷊eo. Taweddu mabbisara, ‘Apate pasasal᷊a'u?’ I yamiu sarangkanambone maddea'a lal᷊annu sassane naal᷊ihidda awal᷊o sinumutta su tampan papangaloanna.

YEHEZKIEL 20:41

Napawe i yamiu Ta'u niapidda sinumabbangnga wuassu manga wanua sutampa i yamiu nisal᷊iawukka, i Ya'u sarun mangammulli i yamiu wuṛṛu manengkamma al᷊awo'u sasambanu itattambunna. Ne anambon balahanna maasingkatte manungku i Ya'u indi Ruata Apan na'ukkassa.

IMAMATTA 1:13

Ana see taumata udde ṛinone mangukkassa tinaine wuṛṛu palangngu winatangnga udde. Wua'udde manga imam ṛinone mangonggolu sarangkanambone su Mawu, wuṛṛu manambunna su wowon mezbah. Hal᷊urun sasamba itattambunna udde ma'al᷊uassa naungngu Mawu.

IMAMATTA 1:17

Wua'udde manu'u winalanganna udde ṛinone latto'anna su punnu papaidde, arawe papaidde tawe wotongnge mabassutta. Ana see manu'a udde ṛinone itambunna su wowon mezbah. Hal᷊urun sasamba itattambunna udde ma'al᷊uassa naungngu Mawu.

IMAMATTA 1:9

Ana see taumata udde ṛinone mangukkasa tinaine see palangngu sapi udde, wuṛṛu imam apan uamanara ṛinone manambunnu sarangkanambone. Hal᷊urun sasamba itattambunna udde ma'al᷊uassa naungngu Mawu.

IMAMATTA 26:31

manga soanu sarun Ta'u wal᷊uanna mabbal᷊i tuidda, manga tampa patataṛamawuannu Ta'u ṛimunsaanna wuṛṛu manga sasambanu tawe Ta'u seengkamanna.

IMAMATTA 4:31

Anambon tawan binatangnga udde ṛinone anuanna naal᷊ihidda su sasamban paddarame. Tawane udde ṛinone itambunnu manga imam su wowon mezbah, tadea'u hal᷊urune ma'al᷊uassa naungngu Mawu. Etearoddi olangnge imam mangngonggolu sasamba ipangampunganga rosan tumana'u soa, ne taumata udde sarun ampungannu Mawu.

IMAMATTA 8:28

Napawe i Musa buatte nanganu anna udde wuassi mangitou wuṛṛu nitambunna su wowon mezbah, suadio'a ringannu sasamba itattambunna maola'a sasamban patatenega. Hal᷊urun sasamba anna udde ma'al᷊uassa naungngu Mawu.

REENGANNA 15:3

Su sasamba itattambunna ara'e sasamba wawaekka riandi ara'e sasamba apulune sassane ara'e sasamba su manga ramea mamiallo, i yamiu wotongnge mangonggola su Mawu: sapi esakka, domba esakka, domba ara'e ambinga. Hal᷊uru manga sasamba udde ma'al᷊uassa naungngu Mawu.

MATIUS 15:19

Ana waugu wuassu naungnga sumabangnga manga ṛingiṛṛanna lal᷊eo, apan maaola'a taumata mammate, sussandaga, ma'ola'a al᷊al᷊eo, manna'o, mammahia, wuṛṛu ma'umbilangnga.

YOHANES 3:6

Taumata su ola'u wadangnge niasungkangngu hagurangnga, arawe su pangangimanna niasungkangngu Ghaṛṛahon Ruata.

ROMA 1:21

Taumata maaillal᷊a Ruata, arawe taumata maddiri mangadata ere sangkatou Ruata wuṛṛu tawe lai maadiangkamanna. Arawe taumata sidutu maṛṛingiddu al᷊awo'a apan tawe gunane; naungngi mangitou nadandumpe.

ROMA 3:23

Anambon taumata narosate wuṛṛu marauten Duata apan sarun manal᷊amatta si mangitou.

2 KORINTUS 2:15

Ana waugu i yami naal᷊ihida hal᷊urun amania apan mawangngi, apan tinutungngu Mawu Yesus hunane su Ruata. Su saruannu manga taumata apan mattudan papate, i yami indi naal᷊ihida hal᷊urun papate apan maapate; arawe su taumata nambo apan tantal᷊anna iapaasal᷊amatta, i yami indi naal᷊ihida hal᷊uru mawangngi apan mandantan pabbawiakka. Ei, isai wotongnge maasuungngu manara indi?

EFESUS 5:2

Wiakku ṛinone aintaṛṛoannu darangngu, ere lai Kristus marangngu si ite. I Tou nanantillu watangan-Ne ana waugu i ite, maola'a sambau sasamba apan mawangngi wuṛṛu maal᷊uassa naungngu Ruata.

FILIPI 4:18

I ya'u suete nanengkamma sarangkanambone – ewe'e nilumebete lai! Anambon aonggolla apan nirohon kamiu si ya'u, suete nitarimmata wuassi Epafroditus. Orassa indi ya'u uatahuanna anambon apa apan pappandumangku. Manga aonggola wuassi yamiu eteudde maola'a sambau sasamba hal᷊urune mawangngi apan nionggole su Ruata wuṛṛu nisengkammu Ruata ringannu naungnga mal᷊uassa.

1 YOHANES 5:19

I ite masingkatta manungku i ite pussa'an Duata, salaiwe ahewallu runia indi su al᷊ungngu taṛṛinon Al᷊al᷊eo.

1 SAMUEL 26:19

Tuangnga paddaringikke sasubban allangngu indi. Unnu wisara Mawu buatte nandolokki Tuangnga niaparo'appa allangngu, udde maola'a sambau sasamba apan botongnge mapaasungen asasa'un Mawu su saruannu allangnge. Arawe unnu wisara apan nirolokki Tuangnga udde taumata, doronganna i mangitou wontohannu Mawu. Ana waugu wuassu inolaanni mangitou, allangngu buatte nilimbuaṛṛanna wuassu leta'a pussa'an Mawu wuṛṛu ringannu mawakkatta allangngu inaite su wanua waine suapa allangngu ṛinone mattaṛṛamawu monganna apan ta'e awagananna.