PANDARIADDI 6:2 - WUKE SUSI WATTI'U AL᷊AL᷊USASSA

² al᷊aṛṛana'u Ruata ma'ellega manungku mangka maṛṛuala udde mangkaṛṛamaga. Ana see i mangitou na'awingke manga maṛṛuala apan ipaapulu mangitou.

PANDARIADDI 6:2 Iomraidhean Croise

PANDARIADDI 12:11

Su tempo i tou sumabbite passaranna wuṛṛu sumuttate watukku wanua Mesir, i tou nabbisarate si Sarai awingnge, “I'o maṛṛamaga atonna awingku.

PANDARIADDI 24:3

Passalute ringannu arannu Mawu, Ruata apan uataṛṛino langitta wuṛṛu runia, manungku i'o tawe madea'a awingngi Ishak ana'u wuassu wallatu manga taumatan Kanaan indi.

PANDARIADDI 26:35

Wawine darua udde napaasusan biakki Ishak wuṛṛu i Ribka.

PANDARIADDI 27:46

Ne i Ribka nabbisarate si Ishak, “I ya'u maddantinna wuṛṛu nualle ma'ellega manga awingngi Esau wuassu walahanna waine udde. Amungkangngu i Yakub sarun maawingngu maṛṛualan Het, mappianne i ya'u mate.”

PANDARIADDI 3:6

Wawine udde na'ellega manungku alu udde maṛṛansangnga, wuṛṛu wuane ellehanna matemangnga annananna. Ne i tou naṛṛingidda apiawe eteapa amungkangngu i tou mabbal᷊i pande. Ana waugu udde i tou nani'o wuan kalu udde, ana see niumanna, wuṛṛu awingnge lai nionggol᷊anna, ana see awingnge lai niumante.

PANDARIADDI 4:26

I Set pia ana'a esakka aranne i Enos. Ete su tempo udde taumata nanattakka mannagon arannu Mawu napawe massubba.

PANDARIADDI 6:1

Napawe taumata aatambanna anambone wuṛṛu nassal᷊iawukke su ahewallu runia, wuṛṛu manga ana'a wawine niasungkangke,

PANDARIADDI 6:3

Ne Mawu nabbisarate, “I ya'u tawe mamalan taumata mabbiakka saran mal᷊annu-l᷊annu; i mangitou arariadianna apan mattate. Manattakka orassa indi uukki mangitou tawe manampal᷊iu wuassu 120 su tonnane.”

2 SAMUEL 11:2

Su sambau tempo wawallote, napawe i Daud napu'ote wua natiilla, i tou u'a'amatta su atuppu wal᷊en araratuanna apan ratakke udde. Wua' isudde i tou naasilo sangkatou wawine tantal᷊anna mandeno, wuṛṛu lai wawine udde tumaniten maṛṛamaga.

EZRA 9:12

Manga nabi udde naningaddi yami maawingngu ringannu manga taumata udde, ara'e massumbala si mangitou mabbal᷊i su lal᷊umanna'a wuṛṛu mal᷊angnganna. Amungkangngu i yami matuṛṛutta, i yami sarun mabbal᷊i matohassa wuṛṛu umanna hessin leta'a udde wuṛṛu manantilla su papapulunni yami saran mal᷊annu-l᷊annu.

AYUB 1:6

Su allo sambau manga riadianna sussangngo su surga sinumaruanna Mawu, wuṛṛu i Mamamono'a isudde lai suwallatti mangitou lai.

AYUB 31:1

Ringannu sasalu i ya'u buatte naddiandi maṛṛuala wakku tawe aellehangku ringannu paapulu.

SASABANGNGA 34:16

Amungkangngu manga anangngu ma'awingngu manga wawinen taumata raho, i mangitou sarun isal᷊o'u manga wawine udde tadea'u manantang-Ku wuṛṛu massubba manga Mawu mangitou.

YESAYA 63:16

Wal᷊inewe I'o Iamangngi yami? Abraham wuṛṛu i Yakub waggan kami. Arawe I'o Mawu, uddewe Iamangngi yami, Mananal᷊amatta si yami ro'en al᷊amonane.

MALEAKHI 2:11

Umattu Yehuda buatte nilumawangnga paairen Duata si mangitou wuṛṛu ma'ola'a manga inolaanna apan maarantinna su Yerusalem wuṛṛu su ahewallu wanua. I mangitou buatte nandal᷊eo Wal᷊en Mawu apan arangnguanne wuṛṛu naawingngu manga wawine apan massubba manga mongannu walahanna waine.

MALEAKHI 2:15

Wal᷊inewe Ruata Apan Tinggassa nandiaddi siraddua waddangnga sambau wuṛṛu niawa sambau ringannu wawine udde? Apa pandumannu Mawu su olangnge udde? Tawe baine tadea'u i yamiu maasomba al᷊aṛṛana'a apan maola'a umattu Ruata apan tutune. Nariaddi paariagai watangannu, imbaṛṛangnga suwallatti yamiu piaddu tawe satia su awingnge.

1 KORINTUS 7:39

Sangkatou wawine apan buatte naawingnga tatahuanannu awingnge esakka tumba'u tantal᷊anna awingnge udde wiakka. Arawe amungkangngu awingnge natete, wawine udde wotongngete maawingnga apia ringannu sangkatou esakka apan ipaapulune; sambal᷊iate paa'awingnga udde paa'awingngu taumatan Saṛṛani.

2 KORINTUS 6:18

I Ya'u sarun maola'a Iamangngu, wuṛṛu i yamiu sarun maola'a al᷊aṛṛana-U ete aroddi wisaran Mawu Apan Lembon Mataṛṛino.”

TAHIUL᷊E 14:1

“Ete i yamiu al᷊aṛṛana'u Mawu Ruatanu. Nariaddi su tempo i yamiu lullal᷊on taumata nate, imbaṛṛangnga mallessa watangannu ara'e mangiṛṛi saruannu puanu ere apan buatte niola'u manga walahanna waine.

2 PETRUS 2:14

I mangitou tawe illol᷊one ma'ola'a rosa, wuṛṛu al᷊utuanni mangitou ma'ellega wawine masandaga. Wuṛṛu taumata apan wakku mangngimanna wuṛṛu ta'e matul᷊u pangangimanne, wal᷊onotanni mangitou. Naungngi mangitou ninumarampen awawal᷊iu. Ete i mangitou udde taumata apan niawontohante!

1 YOHANES 2:16

Al᷊awo'u saranapa sulal᷊ummu runia indi – apan ipaapulun pallal᷊agun taumata marosa, apan a'ellehanna see iannemma wuṛṛu ipamarabunga – sarangkanambone udde manga inolaanna apan tawe wuassu Ruata, ewe'e wuassu runia.