PANDARIADDI 6:17 - WUKE SUSI WATTI'U AL᷊AL᷊USASSA

¹⁷ I ya'u sarun mandantan manawangnga ipamate al᷊awo'u riadianna apan mabbiakka su runia. Sarangkanambone su runia sarun mate,

PANDARIADDI 6:17 Iomraidhean Croise

PANDARIADDI 2:7

Wua'udde Ruata nanganu leta'a sangkompenga, niola'a nabbal᷊i sangkatou taumata, ana see napaasabangu singangu apan mangngonggollu wiakka sulal᷊ummu loṛṛangu ngirunne; ne nabbiakke taumata udde.

PANDARIADDI 6:13

Ana see Ruata nabbisarate si Nuh, “I ya'u buatte nakkawessa manginsue wiakku al᷊awou'u riadianna. I ya'u sarun mamate si mangitou suadio'a ringannu runia, ana waugu runia napeneten araṛṛagissi mangitou.

PANDARIADDI 6:16

Ola'ete atumme apalla udde wuṛṛu onggol᷊en wawallanne 44 sentimetere su wallattu atuppa wuṛṛu manga darandungnge. Apalla udde ola'e tallun kaṛṛengketanna, wuṛṛu ola'ete ngarane sambau su sandiṛṛanne.

PANDARIADDI 6:7

na'oman sara nabbisara, “I ya'u sarun mamate apan buatte Ta'u niola'a udde, wuṛṛu lai al᷊awo'u manu'u winalanganna wuṛṛu winatangnga waine, ana waugu ya'u sinumassilla buatte nandiaddi si mangitou.”

PANDARIADDI 7:15

Sambau esakka wuṛṛu sambau wawine wuassu anambon hatin riadianna wiakka sinumutta sulal᷊ummu apalla udde su sampunna ringanni Nuh,

PANDARIADDI 7:17

Manawangnga udde sidutu mangngamon runia al᷊annune appattu pul᷊o su allone, wuṛṛu ua'e nabbal᷊ite matanggakka na'oman sara apalla udde nilumattote.

PANDARIADDI 7:4

Ete pitu allo lai I ya'u sarun manossokku uranna apan tawe mangallo al᷊annune appatu pul᷊o su allone appatu pul᷊o su ṛabbine, tadea'u riadianna apan buatte Ta'u niola'a udde tawe mate.”

PANDARIADDI 9:9

“Orassa indi i Ya'u ma'ola'a paaire ringanni yamiu wuṛṛu ringannu papapulunnu,

AYUB 22:16

I mangitou niarṛṛo tantal᷊anna taambe nia'omanna papatene, wuṛṛu nielekku manawangnga apan wahewalla.

DARALO 107:34

Leta'a masuwukka niolang-Nge wadda'u asimma, ana waugu al᷊al᷊eon manga taumata apan uawanua isudde.

DARALO 29:10

Mawu uataṛṛino su manawangnga wahewalla, I Tou uaparenta naola'a Ratu saran mal᷊annu-l᷊annu.

SASABANGNGA 14:17

Taumata Mesir sarun Ta'u olaanna naungnge maatikka na'oman sara i mangitou sidutu mangenggenna taumatan Israel, wuṛṛu i Ya'u sarun mapal᷊iatta'u taṛṛino-U su ratu Mesir, tantarane, manga kereta wuṛṛu manga sumasa'ene.

YESAYA 51:12

Mawu nabbisara, “Ete i Ya'u Mawu apan malluassa si yamiu. Anio i'o matta'uttu taumata apan mattate, su taumata apan niramme ere wal᷊abbuka?

YESAYA 54:9

“Ere sutempo i Nuh i Ya'u maddiandi manungku manawangnga wahewalla tate lai mangammon dunia, aroddi lai orassa indi Ya'u maddiandi manungku i Ya'u tate masa'u ara'e mamansaggi yamiu apia.

YEHEZKIEL 34:11

Mawu Apan Atanggaṛṛanne nabbisara, “I Ya'u sassane sarun maddea'a manga domba-U wuṛṛu mappadul᷊i si mangitou,

YEHEZKIEL 34:20

Ana waugu udde, i Ya'u, Mawu Apan Atanggaṛṛanne mabbisara si yamiu, ei manga domba apan matawa, manungku i Ya'u sarun dumanta maola'a mallaṛṛuunga suwallattu domba apan matohassa wuṛṛu domba apan lome.

YEHEZKIEL 5:8

Ne i Ya'u, Mawu Apan Atanggaṛṛanne, mamasingkatta manungku i Ya'u uddewe seennu. I'o sarun Ta'u iṛṛuumanna su saruannu manga walahanna waine.

YEHEZKIEL 6:3

Doloṛṛa'e i mangitou maddaringikka wuṛṛu manutukka apa apan i Ya'u, Mawu Apan Atanggaṛṛanne mabbisara su manga wowone udde, see su manga wuidda, manga rampissa wuṛṛu manga wawal᷊anne. Atonna, i Ya'u sarun mangirimmu hal᷊ele ipanggohakku manga tampa passubbanna paal᷊uanna.

HOSEA 5:14

Naal᷊ihidda singa apan tumambo, aroddi lai i Ya'u sarun mamangalo taumatan Israel wuṛṛu Yehuda. I Ya'u sassane sarun manggesa'a si mangitou, ana see Ta'u itantangnga. Napawe i Ya'u mamol᷊engnga si mangitou inai, tawe saran sangkatou apan wotongnge mamallossi mangitou.

IMAMATTA 26:28

wuṛṛu ringannu massa'u i Ya'u sarun manggesekka si yamiu, wuṛṛu makkuumanni yamiu paapitu mabbakatanna wuassu ṛuumanna nanangkal᷊iu.

AMOS 9:6

Mawu namangunna wal᷊e-Ne marau su winalanganna, su wowon dunia i Tou nantaingngu langitta maola'a sasirungnge, wuṛṛu ua'e wuassu tahal᷊oangnga nilal᷊in-Ne su ammaranne, apan na'ola'a sarangkanambone udde aran-Ne eteudde Mawu!

MATIUS 24:39

Su tempo manawangnga udde nangelekki mangitou sarangkanambone, wakkute udde i mangitou naatutukka su ola'u apa apan tantal᷊anna nariaddi udde. Aroddi lai olangnge sarun mariaddi amungkangngu Ana'u Taumata rumanta.

LUKAS 17:27

Taumata u'anna wuṛṛu ma'inumma, wuṛṛu ma'awingnga; aroddi lai tawe illol᷊one na'oman sara i Nuh sinumutta sulal᷊ummu apalla wuṛṛu nammanawangnga lapiddu namate anambon taumata udde.

ROMA 5:21

Ne, i ite ṛinone mate ana waugu i ite ma'ola'a rosa. Arawe Ruata mandangngu si ite wuṛṛu nangonggolu lal᷊anne si ite mabelengnga apia ringanni Tou. Wuṛṛu ana waugu paa'aukki ite ringannu Ruata naola'e mapia, i Tou nangonggola apia wiakka tutune wuṛṛu saran mal᷊annu-l᷊annu si ite sulal᷊ummu Yesus Kristus Mawun kite.

ROMA 6:23

Ana waugu papate udde sombangngu paddarosa; arawe wiakka tutune wuṛṛu saran mal᷊annu-l᷊annu su sambau ringanni Kristus Yesus Mawun kite eteudde aonggolu Ruata si ite ringannu tawe bawal᷊inne.

TAHIUL᷊E 32:39

Pa'ellege, i Ya'u Ruata Apan Tinggassa, tawe Duata wal᷊ine tumba'u i Ya'u. I Ya'u mammate wuṛṛu mappaawiakka mallessa wuṛṛu mangngapia. Napawe i Ya'u mammanarate, tawe saran sangkatou apan botongnge lumawangnga.

IBRANI 11:7

Ana waugu mangngimanna, ne i Nuh niapasingkatannu Ruata su ola'u apa apan sarun mariaddi su allo murine, apan tawe asiloanni tou. I Nuh tinumuṛṛuta Ruata na'oman sara i tou nallanginnu apalla apan sal᷊immurine niasingkatanna napanal᷊amatta wadangnge wuṛṛu lal᷊oṛṛon bal᷊ene. Ringannu aroddi runia niṛṛuumanna, arawe i Nuh sassane ana waugu pangangimanne niapaal᷊iatta'u Ruata ere sangkatou taumata apan mapia.

1 PETRUS 3:20

eteudde ghaṛṛaho manga taumata apan mal᷊awangnga Ruata su tempo Nuh. Su tempo udde Ruata uaraṛṛaddo ringannu sabare tantal᷊anna Nuh mallanginnu apalla. Tumba'u manga taumata apan sulal᷊ummu apalla – sarangkanambone siri ual᷊u – apan nisal᷊amatta wuassu manawangnga apan wahewalla udde.

2 PETRUS 2:5

Aroddi lai runia su tempo rorone Ruata tawe namalan tou mal᷊iu wuassu ṛuumanna. Ruata napaarantan manawangnga wahewalla su runian manga taumata lal᷊eo su tempo udde. Tumba'u Nuh su sambau ringannu siri pitu waine apan niapaasal᷊amatta, ana waugu Nuh namasingkattu watti'a su ola'u wiakka apan maal᷊uassa naungngu Ruata.