PANDARIADDI 6:11 - WUKE SUSI WATTI'U AL᷊AL᷊USASSA

¹¹ Arawe anambon taumata waine lal᷊eo su aellegu Ruata, wuṛṛu araṛṛagissa mariaddi su al᷊awo'u tampa.

PANDARIADDI 6:11 Iomraidhean Croise

PANDARIADDI 10:9

Ringannu tul᷊ungannu Mawu i tou nabbal᷊i matataṛṛiasu apan apandeanne. Ana waugu udde taumata wiasa nabbiasara, “Antimanna Mawu mandiadi si'o sangkatou matataṛṛiasu apan apandeanne ere i Nimrod.”

PANDARIADDI 13:13

Soa Sodom udde wawanuannu manga taumata apan tumaniten dal᷊eo wuṛṛu marosa su saruannu Mawu.

PANDARIADDI 7:1

Ana see Mawu nabbisarate si Nuh, “I ya'u naasilo manungku tumba'u i'o sangkatou apan tuttuṛṛutta apulu-U. Nariaddi, suttate sulal᷊ummu apalla udde suadio'a ringannu anambon amonannu.

2 TAWARIKH 34:27

i'o sinumassilla wuṛṛu sinumallungngu watangannu su saruang-Ku. I Ya'u buatte namansaga sarun makkuumannu Yerusalem wuṛṛu tumanangnge, arawe napawe i'o naaringikka i Ya'u mammansaga, i'o nilumuai wuṛṛu nanggesa'a laungngu tatialan massusa. I Ya'u buatte naddaringikka aal᷊iomannu,

DARALO 11:5

Mawu mannal᷊u'atta taumata mapia wuṛṛu taumata lal᷊eo, I Tou maddantinnu taumata apan apulune al᷊aṛṛagissa.

DARALO 140:11

Wala'e i mangitou aemaannu waṛṛan putungnga, wuṛṛu iramme sulal᷊ummu loṛṛangngu papate, na'oman sara tate maasabbanga apia.

DARALO 55:9

I ya'u sarun masasaṛṛawutta maddea'a tampa pattulampinganna wuassu tandi'a wuṛṛu anginna ma'ikkata.

SASABANGNGA 32:7

Ne Mawu nabbisara si Musa, “Paal᷊ihakke sumossokka, ana waugu walahannu apan nipiaṛṛangngu sinumabbangnga wuassu Mesir buatte na'ola'a al᷊al᷊eo.

YESAYA 60:18

Tate lai batti'a su ola'u araṛṛagissa su wanuanu, su ola'u araṛṛimunsa'a ahahohakka su wageangngu letangngu. Naal᷊ihidda darandungnga i Ya'u ual᷊u'adda si'o, wuṛṛu i'o sarun maddalo si Ya'u mananal᷊amannu.

YEREMIA 6:7

Su ereapa al᷊imatan kua'e mappasabbangngu ua'e mapia, aroddi lai soa udde sidutu mappasabbangngu al᷊al᷊eo. Tumba'u watti'u araṛṛagissa wuṛṛu pallaṛṛampassa apan Ta'u niaringiṛṛanna waussu soa udde; lessa wuṛṛu radda'a Ta'u niasiloanna su al᷊awo'u tampa.

YEHEZKIEL 28:16

I'o tawe atanaanne mabbal᷊u'a, wuṛṛu eteudde apan nangapiddu watukku araṛṛagissa wuṛṛu rosa. Ne i'o Ta'u nilimbuaṛṛanna wuassu wowone-U apan na'ukkassa, wuṛṛu mala'ekatta uariaga si'o nallimbuakka si'o wuassu pattangngannu permata apan lullendappa udde.

YEHEZKIEL 8:17

Mawu nabbisara si ya'u, “Ei taumata apan mattate, i'o maasilo udde? Manga taumatan Yehuda indi tawe mawusa amungkangngu tumba'u ma'ola'a manga inolaanna apan maarantinna udde wuṛṛu ma'ola'a pallal᷊agu apan tawe umakkannu sansul᷊ungnga taumata su ahewallu wanua. I mangitou ewe'e lai ma'ola'a sarangkanambone udde isindi, sulal᷊ummu Wal᷊e-U wuṛṛu naaola'a i Ya'u lembon nasa'u lai. Pa'ellege ereapa i mangitou mallobbossa si Ya'u ringannu olangnge apan al᷊al᷊eone indi!

HABAKUK 1:2

Oh Mawu, maddatingngu tingngera i ya'u ṛinone sumal᷊ande maddorongnga aontolla? Tingngera I'o sarun maddaringikka wuṛṛu manal᷊amatta si yami wuassu pangangallangnga?

HABAKUK 2:17

I'o mannuwangnga manga aaluanna su mahurangngu Libanon, wuṛṛu orassa indi i'o sassane apan sarun tuwanganna. I'o mammate manga winatangnge, wuṛṛu orassa indi manga winatangnga mamma'utta si'o. Sarangkanambone udde mariaddi ana waugu pamamate wuṛṛu araṛṛagissa apan buatte niolangngu su saruannu manga wanua, manga soa wuṛṛu manga tumanangnge.

HABAKUK 2:8

I'o buatte nangaṛṛo manambo walahanna, arawe manga walahanna apan naal᷊assangnga sarun mangaṛṛo si'o, ana waugu pamamate apan buatte niolangngu, wuṛṛu ana waugu araṛṛagissa apan buatte niolangngu su manga wanua, manga soa wuṛṛu tumanangnge.

LUKAS 1:6

Rua sangkawinganna udde, mabbiakka ma'al᷊uassa naungngu Ruata. Itarua matuṛṛutta anambon parenta wuṛṛu tita Mawu ringannu ahewallu naungnge.

ROMA 2:13

Ana waugu taumata mabelengnga apia ringannu Ruata, wal᷊ine ana waugu taumata udde buatte naasingkata titan agama Yahudi, ewe'e ana waugu i tou tuttuṛṛutta apa apan uawoṛṛetta sulal᷊ummu tita udde.

ROMA 3:19

Orassa indi i ite masingkata manungku sarangkanambone apan uawoṛṛetta sulal᷊ummu titan agama Yahudi, udde hunane su manga taumata apan paparentannu tita udde. Ringannu aroddi tawe saran sangkatou wotongnge maasimbakka wuṛṛu ahewallu runia indi wotongnge iapaasal᷊an Duata.

TAHIUL᷊E 31:29

I ya'u masingkatta manungku napawe i ya'u natete, manga taumata udde sarun mabbal᷊i lal᷊eo wuṛṛu maddiriten al᷊aṛṛa'a apan buatte ta'u niaṛṛa'a si mangitou. Wuṛṛu i mangitou sarun aṛṛiaannu asasusa, ana waugu naasa'u Mawu ringannu na'ola'a sarangkanambone apan isassingaddi Tou.”

MAL᷊AṚṚUUNGNGA 2:19

Arawe napawe piaṛangnge udde natete, pallal᷊aghun balahanna udde maddal᷊eonna wuassi ngana'a dorone. I mangitou mattaṛamawu manga mawu waine wuṛṛu massubba manga mawu udde. I mangitou nabelengke su inananaramanni mangitou apan lal᷊eo wuṛṛu maddiri mamal᷊u pallal᷊aghun mangitou.