PANDARIADDI 50:5 - WUKE SUSI WATTI'U AL᷊AL᷊USASSA

⁵ ‘Su tempo iamangngu allanga maranite mate, allangngu nirolokka massalu si tou, manungku allangnga sarun mallabingngi tou sulal᷊ummu labingnga apan buatte niola'a su leta'u Kanaan. Ana waugu udde, wala'awe allangngu inai mallabingngu iamangngu allangnga. Wua'udde allangnga sarun mabelengnga.’ ”

PANDARIADDI 50:5 Iomraidhean Croise

PANDARIADDI 3:19

I'o sarun mammanara ringannu masaha-sahadda wuṛṛu ringannu liaha i'o mammanara leta'a indi tadea'u pia gessine, maddatingngu i'o mabbelengnga su leta'a, ana waugu ete wuassu leta'a i'o niola'a. I'o niola'a wuassu leta'a, wuṛṛu sarun mabelengnga apia su leta'a.”

PANDARIADDI 48:21

Ana see i Yakub nabbisarate si Yusuf, “Erete lai aellehannu, papate'u maranite, arawe Ruata sarun mantul᷊ungngi yamiu wuṛṛu mangapiddi yamiu mabelengnga watukku wanuan al᷊amonanu.

PANDARIADDI 50:24

Wisarane su manga tuṛṛangnge, “Papate'u maranite, arawe Ruata sarun sidutu mammadul᷊i si yamiu wuṛṛu mamiaṛṛa'i yamiu sumabangnga wuassu wanua indi, watukku wanua apan buatte pina'ire-Ne ringannu sasalu si Abraham, i Ishak wuṛṛu si Yakub.”

PANDARIADDI 50:4

Napawe nasuete tempon lullal᷊o, i Yusuf nabbisara su manga mamanaran araratuanna, “Wal᷊oa'a tanata indi su ratu,

PANDARIADDI 50:6

Ana see ratu nabbisarate, “Roote pallabingngu iamangngu ere buatte nipa'irenu si tou.”

AYUB 30:23

I ya'u masingkatta, I'o nangapi'u su runian papate, tampan al᷊awo'u apan biakka niammulla.

DARALO 79:3

Su ahewallu soan Yerusalem daṛṛan mangitou nabboso ere ua'e; taweddu nallabingi mangitou.

MANNANASE 12:5

I'o matta'utta suma'a su tampa apan matanggakka wuṛṛu ṛinone umamatta ringannu maaddunna. Utangngu pia owanne wuṛṛu leddanu wawol᷊enganna sutempo umamatta. Ne nawul᷊ite al᷊awo'u naungnga wuṛṛu apulu. I ite mattuddate tampa tatanaanni ite apan panginsueanne, manga taumata lullal᷊o wuṛṛu sussangitta su al᷊o'engngu lal᷊anna.

MANNANASE 12:7

Waddangngi ite sarun mawelengnga apia, mabbal᷊i awu su runia. Sasangngon pabbiaṛṛanni ite sarun mabbelengnga ringannu Ruata. Ete i Tou apan nangonggolla naola'a al᷊amatta.

MANNANASE 6:3

Salaiwe sangkatou pia ana'a maṛṛasutta su atoune wuṛṛu nabbiakka mal᷊annu na'oman sara naal᷊al᷊appa uukka matanggakka, arawe amungkangngu i tou tawe naapendamma al᷊al᷊uassa wuṛṛu tawe naasomba tampa pallabbinganne apan su ṛinone, ne tumuṛṛuttu addapa'u, ana'a apan niasungkangnga see nate pal᷊addu pabbiaṛṛanne ta'emappianne wuassu taumata udde.

YESAYA 22:16

“Su sunnanu i'o indi isai? Apate hakkanu na'oman sara i'o namaangnga labbingngu su wuiddu watu?

MATIUS 27:60

See i tou nangadoten winal᷊unannu Mawu Yesus sulal᷊ummu lal᷊abinganna wageangnge sassane apan suete niola'a su sambau wowon batu. Wua'udde i tou nanal᷊inggin sambau watu pinalindumma ngaran lal᷊abinganna udde, see napul᷊ete.

TAHIUL᷊E 4:22

Tate mal᷊annu lai yamiu sarun lumewessa wuṛṛu matana'a su leta'a apan masuwukka udde; arawe i ya'u tawe tumantalongnga, ana waugu i ya'u sarun mate isindi.

1 SAMUEL 14:43

Ana see i Saul nabbisara si Yonatan, “Apate apan buatte niolangngu?” I Yonatan sinumimbakka, “I ya'u buatte na'inumma pul᷊a addio'a apan ta'u nianu ringannu pentakku ta'inna; ya'u nasaddiate pateanna.”