PANDARIADDI 50:10 - WUKE SUSI WATTI'U AL᷊AL᷊USASSA

¹⁰ Napawe i mangitou na'omate su tampan taumata mammuulla gandumma su Goren-Haatad, su samba'an ra'in Sal᷊ukku Yordan, i mangitou nilumallu ringannu massusa wuṛṛu tingikka ma'ikkata. I Yusuf na'ola'a lal᷊aghun lullal᷊o, pitu allo al᷊annune.

PANDARIADDI 50:10 Iomraidhean Croise

PANDARIADDI 27:41

Ne i Esau nasaseeten i Yakub ana waugu iamangnge buatte nangonggollu al᷊amanne su tuarine udde. Su ṛingidde, “Tate mal᷊annu lai i papa mate wuṛṛu napawe nal᷊iudde orassa lullal᷊o, i Yakub sarun ta'u pateanna!”

PANDARIADDI 50:11

Su tempo manga tumana'u Kanaan naasilo lal᷊alo su Goren-Haatad udde, i mangitou nabbisarate, “Asusawe eteapa lal᷊aghun lal᷊alon taumata Mesir udde!” Ana waugu udde tampa udde nissago Abel-Mizraim.

PANDARIADDI 50:3

Manara udde al᷊annune appatu pul᷊o su allone, eteudde su tempo apan inanaramanna iappaatta ma'ola'a rampa-rampa winal᷊unanna. Taumata Mesir nilumal᷊on i Yakub, pitun pul᷊o su allone al᷊annune.

PANDARIADDI 50:4

Napawe nasuete tempon lullal᷊o, i Yusuf nabbisara su manga mamanaran araratuanna, “Wal᷊oa'a tanata indi su ratu,

PANDARIADDI 50:9

Tantara apan uasa'e kereta wuṛṛu awal᷊o tinumantalongnga lai, na'oman sara mallal᷊aṛṛenggenna udde mal᷊o'engnga atonna.

2 SAMUEL 1:17

Wua'udde i Daud nangantari lal᷊allu indi si Saul wuṛṛu si Yonatan,

2 SAMUEL 11:26

Sutempo i Batsyeba naaringikka manungku awingnge natete, i tou nilumal᷊o.

1 TAWARIKH 10:12

manga taumata apan awaṛṛanianne suwallatti mangitou inaite nangal᷊appa winal᷊unanni Saul wuṛṛu manga parinsine, ana see niapidda watukku Yabes. I mangitou nallabbingi Saul su al᷊ungngu sambau alu masallakka, wua'udde i mangitou nappuasa pitu allo al᷊annune.

AYUB 2:13

Pitu allo pitu ṛabbi i mangitou ua'ianna su leta'a, su sandiṛṛanni Ayub, ringannu tawe nabbisara saran sampaddi, ana waugu i mangitou ma'ellega tumaniten mawakkatta asasusane.

MANNANASE 12:5

I'o matta'utta suma'a su tampa apan matanggakka wuṛṛu ṛinone umamatta ringannu maaddunna. Utangngu pia owanne wuṛṛu leddanu wawol᷊enganna sutempo umamatta. Ne nawul᷊ite al᷊awo'u naungnga wuṛṛu apulu. I ite mattuddate tampa tatanaanni ite apan panginsueanne, manga taumata lullal᷊o wuṛṛu sussangitta su al᷊o'engngu lal᷊anna.

REENGANNA 19:11

Taumata apan nangeṛṛetta asuangnga mabbal᷊i ma'arantinna al᷊annune pitu allo.

REENGANNA 20:29

Anambon ṛuanganna naaringikka manungku i Harun natete, ne i mangitou sarangkanambone nilunal᷊on tou tallum pul᷊o su allone al᷊annune.

WATTI'U MANGA RASUL 8:2

Manga taumata apan matta'uttu Ruata nallabingngi Stefanus wuṛṛu nilumuain tou ringannu massusa atonna.

TAHIUL᷊E 1:1

Wuke indi lal᷊oṛṛoannu manga wisara apan niapasingkati Musa su walahannu Israel su tempo i mangitou uatana'a su wadda'a su Wawal᷊annu Yordan. Wawal᷊anne udde addone su samba'an ra'in Sal᷊ukku Yordan, maranin soa Suf, suwallatu soa Paran wuṛṛu su samba'ane, wuṛṛu manga soa Tofel, Laban, Hazerot wuṛṛu Di-Zahab su samba'ane waine. (

TAHIUL᷊E 34:8

Su ratakku Moab walahannu Israel nilumuain Musa wuṛṛu nilumal᷊o al᷊annune tallu pul᷊o su allone.

1 SAMUEL 31:13

Anambon manga duṛṛine niammulla ana see nilabbinga su al᷊ungngu alu tamariska su soa udde, wua'udde i mangitou nappuasate pitu allo al᷊annune.