PANDARIADDI 5:2 - WUKE SUSI WATTI'U AL᷊AL᷊USASSA

² I Tou naola'a si mangitou esaka wuṛṛu wawine. I Tou nangal᷊amatta si mangitou wuṛṛu nissago-Ne i mangitou “Taumata.”)

PANDARIADDI 5:2 Iomraidhean Croise

PANDARIADDI 1:27

Ete aroddi Ruata nandiadi taumata, wuṛṛu niolang-Nge i mangitou naal᷊ihidda watangan-Ne sassane. Mawu nandiaddi si tarua esakka wuṛṛu wawine.

PANDARIADDI 1:28

Wua'udde Ruata nangal᷊amatta si mangitou ringannu wisara “Paṛṛitete ringannu paanambo tadea'u papapulunnu mamanua su ahewallu runia wuṛṛu mamarenta sarangkanambone udde. I yamiu Ta'u iapamanara mallu'adda manga inassa, manga manu'u winalanganna, wuṛṛu manga winatangnga matengnga waine.

PANDARIADDI 2:15

Wua'udde Ruata napatana'u taumata udde su waillu Eden iapamanara wuṛṛu iapapaddul᷊i wailla udde.

PANDARIADDI 2:23

Ne taumata udde nabbisarate, “Ete indi i tou, taumata apan uasul᷊ungku duṛṛi wuassu duṛṛi'u, wuṛṛu ṛemessa wuassu ṛeme'u. I tou ta'u isaggo wawine, ana waugu i tou nianu wuassu esakka.”

PANDARIADDI 5:3

Napawe i Adam uukke 130 su tonnane, i tou naasomba ana'a esakka ere lihiddu watanganne, ana see nionggol᷊annu aranne i Set.

MALEAKHI 2:15

Wal᷊inewe Ruata Apan Tinggassa nandiaddi siraddua waddangnga sambau wuṛṛu niawa sambau ringannu wawine udde? Apa pandumannu Mawu su olangnge udde? Tawe baine tadea'u i yamiu maasomba al᷊aṛṛana'a apan maola'a umattu Ruata apan tutune. Nariaddi paariagai watangannu, imbaṛṛangnga suwallatti yamiu piaddu tawe satia su awingnge.

MATIUS 19:4

Mawu Yesus sinumimbakka, “Apa i yamiu taambe nabbasa sulal᷊ummu Wuke Susi manungku Mandariadi apan suete na'ola'a taumata, ro'en paarorone na'ola'a si mangitou esakka wuṛṛu wawine?

MARKUS 10:6

“Arawe su paarorone, su tempo Ruata nandiaddi taumata, niwalo manungku ‘Ruata nandiaddi si mangitou esakka wuṛṛu wawine.

WATTI'U MANGA RASUL 17:26

Wuassu sangkatou taumata i Tou nandiaddi anambon walahanna wuṛṛu nandolokki mangitou matana'a su ahewallu runia. Ete i Tou lai apan nanantunna ro'en paarorone, tingngera wuṛṛu suapa i mangitou wotongnge mabbiakka.