PANDARIADDI 48:15 - WUKE SUSI WATTI'U AL᷊AL᷊USASSA

¹⁵ Wua'udde i tou nangal᷊amatta si Yusuf, wisarane, “Ruata, ete i Tou Mawu, sassubbanni Abraham wuṛṛu i Ishak, ete i Tou apan ua'ehetta si ya'u naddatingngu orassa indi;

PANDARIADDI 48:15 Iomraidhean Croise

PANDARIADDI 17:1

Napawe i Abram uukke sioten pul᷊o sio su tonnane, Mawu naipasilon batanganne si tou wuṛṛu nabbisara, “Ete i Ya'u Ruata Apan Lembontaṛṛino. Paatuṛṛutte si Ya'u wuṛṛu sidutu pa'ola'e apulu-U.

PANDARIADDI 24:20

Wua'udde ringannu nasasaṛṛawutta ua'e sulal᷊ummu wowongnga nilal᷊inna su paainumannu unta, ana see i tou tinumal᷊angke apia watukku paṛṛihi mania ua'e lembon manambo lai tadea'u anambon binatangnga udde mawusa ma'inumma.

PANDARIADDI 24:40

Ana see i tou sinumimbakka, ‘Mawu apan sidutu tattuṛṛutangku, sarun mandolokku mala'ekan-Ne iapatul᷊ungnga tadea'u manaranu pia gessine. I'o sarun maasangkalla awingngu ana'u wuassu wallatu ṛuangangku sassane, eteudde wuassu ana'u tuṛṛangngu iamangku.

PANDARIADDI 27:27

Su tempo i Yakub nangundani mangari'a, i Ishak naasimbua hal᷊urun laubbi Esau, ana see i tou nangal᷊amatte si tou. Unni Ishak, “Hal᷊uru mawangngi ana'u naal᷊ihidda hal᷊urun wadda'a apan buatte nial᷊amatannu Mawu.

PANDARIADDI 27:4

Lahate paatemangnga ere su ipaapulu'u, ana see apira'e ringangku. Napawe i ya'u buatte niumanna, i ya'u mangonggollu al᷊ama'u si'o tantal᷊anna i ya'u taambe nate.”

PANDARIADDI 28:20

Ana see i Yakub nassalute, “Amungkangngu Mawu mantul᷊ungnga wuṛṛu mallu'adda si ya'u su amatangku indi apiddu mangonggolu anna wuṛṛu laubba si ya'u

PANDARIADDI 28:22

Wuṛṛu i ya'u sarun mangonggolu samban wuassu mapulon kawageanganna su Mawu wuassu al᷊awo'a apan nionggolu Mawu si ya'u. Watu pananaunganna apan ta'u niapaarisikka indi sarun maola'a tampa patataṛṛamawuanna su Mawu.”

PANDARIADDI 28:3

Antimanna Ruata Lembon Taṛṛino mangal᷊amatta pa'a'awingngu wuṛṛu mangonggolla si'o ana'a papapulunna apan manambo, ma'oman sara i'o maola'a al᷊amonan balahanna manambo!

PANDARIADDI 48:16

ete i Tou mala'ekatta apan buatte namallo'u wuassu al᷊awo'u asasilaka. Antimanna Ruata udde mangal᷊amatta manga ana'a indi. Antimanna arangku wuṛṛu aranni Abraham wuṛṛu i Ishak sidutu wiakka ana waugu wuassu manga ana'a indi! Antimanna i mangi tou maṛṛana'a mappulunna, wuṛṛu pia papapulunna manambo su runia.”

PANDARIADDI 49:22

I Yusuf naal᷊ihidda keledai saṛṛen tumuwo keledai matengnga maranin al᷊imatang kua'e, tuttatal᷊angnga su sendekku wowone.

PANDARIADDI 49:24

Arawe i Yusuf sidutu matohassa ta'iakke, sidutu matohassa anaanne, ana waugu taṛṛinon Mallal᷊u'adda Lembon Matohassa, Ruatan i Yakub, Mamamadul᷊in Israel.

PANDARIADDI 49:28

Eteudde mapul᷊o dua ṛuangannu Israel, wuṛṛu manga wisara apan niwisaran iamangngi mangitou napawe nangonggolu tabbean patatal᷊ei si mangitou sambau-sambau.

PANDARIADDI 6:9

Ete indi watti'u pinabbiaṛṛanni Nuh. I tou pia ana'a esakka siri tallu, eteudde i Sem, i Yafet wuṛṛu i Ham. I Nuh tawe na'ola'a pasasal᷊a, wuṛṛu ete i tou sangkatou su wallatu taumata apan ma'ola'a apapia su tempo udde. I tou mabbiakka uaaukka ringannu Ruata.

1 MARARATU 3:6

I Salomo sinumimbakka, “Mawu, I'o buatte napal᷊iatta'a manungku I'o tumaniten marangngu iamangku Daud, allang-Ngu udde. I tou mapia, tawe awusune see matamudda Si'o. Wuṛṛu naola'a wataṛṛune manungku sarangkal᷊o'enge I'o sidutu mandangngu si tou, I'o nangonggolla si tou sangkatou ana'a esakka apan uaparenta nallol᷊ossa si tou.

1 TAWARIKH 5:1

I Ruben eteudde ana'i Yakub pahul᷊une. Arawe ana waugu i Ruben buatte nandal᷊eo arannu sangkatou awingngu iamangnge waine, ne pussa'ane sangkatou ana'a pahul᷊u niul᷊eanna wuṛṛu nionggola si Yusuf. Salaiwe aroddi atohassanne wuassu wallattu papapulunni Yakub wal᷊inewe ruanganni Yusuf ewe'e ruanganni Yehuda. Ewe'e lai dorone naola'a ratu su ahewallu Israel eteudde wuassu ruanganni Yehuda udde.

DARALO 16:8

I ya'u sidutu uanaungnga Mawu; I Tou udde su sandiṛangku, ne i ya'u tawe mallome.

DARALO 23:1

Daralon Daud. Si ya'u, Mawu naal᷊ihidda sangkatou mallal᷊u'adda, i ya'u tawe apausanne.

DARALO 37:3

Pangimante Mawu, wuṛṛu pa'ola'e apapia, pamanuate su wanua udde wuṛṛu paatul᷊idda mabbiakka.

SASABANGNGA 3:16

Roote wuṛṛu ammul᷊a'a anambon piaṛṛa'u Israel. Al᷊iata'a si mangitou manung-Ku, Mawu, Ruata iupungngu al᷊amona mangitou, Ruatan i Abraham, i Ishak wuṛṛu i Yakub, buatte naipasilon batangan-Ne si'o. Pasingkata'e si mangitou manungku i Ya'u nirumantate ringanni yamiu wuṛṛu naasilote ereapa i mangitou aalangannu balahannu Mesir.

SASABANGNGA 4:5

Unnu Mawu, “Pa'ola'e aroddi tadea'u manga taumatan Israel mangimanna manungku i Ya'u, Mawu, Ruata iupungngu al᷊amona mangitou, Ruatan Abraham, Ishak wuṛṛu Yakub, buatte naipasilon batangan-Ne si'o.”

MANNANASE 5:12

I ya'u naasilo su runia indi pia sambau apan maasusa; sangkatou apan mangngombon darotongnge ipangantagga ṛutumma.

MANNANASE 5:18

Amungkangngu sangkatou manengkamma paa'ala wuṛṛu darotongnga wuassu Ruata, wuṛṛu iwala mappaattu paa'ala udde, i tou ṛinone maadiangkamanna wuṛṛu mattemma al᷊awo'u hessin manarane. Udde lai aonggollu Ruata.

MANNANASE 6:7

Taumata mammanara tumba'u ana waugu anna, arawe i tou tawe maapendamma mal᷊uassa.

YESAYA 30:21

Amungkangngu i yamiu sumewadda wuassu lal᷊anna, su liuddu sarun aringiṛṛanna tingik-Ke apan mabbisara, “Eteindi lal᷊anne; amatte su lal᷊anna indi.”

YESAYA 33:16

Ne i yamiu sarun lal᷊u'aranna wuṛṛu amanna, ereola'u sulal᷊ummu tanda batu apan matohassa. Anna wuṛṛu ua'e uddete nasaddiate si yamiu.

YEREMIA 8:2

wal᷊ine tadea'u iammulla wuṛṛu ilabbingnga apia ewe'e iawala su leta'a maola'a sapadda. Duṛṛi manga taumata udde sarun iwati su saruannu matannallo, wul᷊anna wuṛṛu manga anumpitanna apan sassubbanni mangitou, a'imbeanna, sassubbanna, wuṛṛu paddoronganna tatantiro.

LUKAS 1:6

Rua sangkawinganna udde, mabbiakka ma'al᷊uassa naungngu Ruata. Itarua matuṛṛutta anambon parenta wuṛṛu tita Mawu ringannu ahewallu naungnge.

1 KORINTUS 10:31

Al᷊awo'u apa apan a'olaanni yamiu – tuṛṛangnga umanna ara'e tuṛṛangnga ma'inumma – ola'e sarangkanambone udde ipamantuga Ruata.

2 KORINTUS 1:12

I yami lulluassa, ana waugu lal᷊ummu naungngi yami mangngonggolu antimma si yami manungku wiakki yami su runia indi – nangillembo paa'aukki yami ringanni yamiu – suete niapaamatti yami ringannu naungnga matul᷊idda wuṛṛu waresi. Yami na'ola'a udde, wal᷊ine ringannu apanden taumata, arawe ringannu atatohassa apan nionggolu Ruata.

TAHIUL᷊E 33:1

Tantal᷊anna taambe nate, i Musa daroloṛṛannu Ruata, nangal᷊amatte walahannu Israel ringannu manga wisara indi:

KOLOSE 2:6

Manga tuṛṛangnga suete nanengkamma si Kristus Yesus maola'a Mawu. Ana waugu udde ṛinone i yamiu mabbiakka su sambau ringanni Tou,

1 TESALONIKA 2:12

I yami mannantiro si yamiu, i yami mangngonggolu sasasa si yamiu wuṛṛu i yami mammata'a tadea'u i yamiu mabbiakka aroddi olangnge ma'oman sara maal᷊uassa naungngu Ruata. Ana waugu Ruata suete namaggo si yamiu maola'a lal᷊oṛṛon Dunia Wakkun Duata wuṛṛu mamendamma awawantu-Ge.

IBRANI 11:21

Ana waugu mangngimanna, tantal᷊anna Yakub taambe nate, i tou nangal᷊amatta manga al᷊aṛṛana'i Yusuf – ringannu uasandaka su puan ta'inne wuṛṛu massubba Ruata.