PANDARIADDI 47:6 - WUKE SUSI WATTI'U AL᷊AL᷊USASSA

⁶ Ola'e wanua Mesir indi naal᷊ihidda wanuanu sassane. Wala'e i mangitou mamanua su wageangngu leta'u Gosyen, leta'a apan apianne su wanua indi. Wuṛṛu doloṛṛa'e taumata apan pia asingkanne mammanara mammadul᷊i winatangnga papadul᷊ianangku.”

PANDARIADDI 47:6 Iomraidhean Croise

PANDARIADDI 13:10

I Lot nanaile leta'a apan uapal᷊iwutta si tou wuṛṛu i tou naasilo manungku ahewallu Wawal᷊annu Yordan, maddatingngu soan Zoar manambo ua'ene, naal᷊ihidda Waillu Mawu ara'e naal᷊ihidda leta'u Mesir. (Etearoddi olangnge tantal᷊anna Mawu taambe naṛṛimunsa'a manga soan Sodom wuṛṛu Gomora.)

PANDARIADDI 13:9

Ana waugu udde mappianne i ite mattal᷊ei. Pamilete wageangnge suapa wuassu leta'a indi apan ipaapulunu. Amungkangngu i'o inai su samba'a indi, ya'u sarun inai watukku tampa waine.”

PANDARIADDI 20:15

Unnu ratu si Abraham, “Indite ahewallu wanua'u; pamanuate su tampa ipaapulunu.”

PANDARIADDI 34:10

Ne manga Tuṛṛangnga wotongngete matana'a suadio'a ringanni yami su wanua indi; suapawe ipa'apulun Tuṛṛangnga. Manga tuṛṛangnga wotongnge mabbal᷊u'a ringannu tawe sal᷊awangnge wuṛṛu manahuanna darotongnga.”

PANDARIADDI 45:10

I Papa wotongnge matana'a su wageangngu Gosyen, marani'u – iamangnga, ringannu ana'a pulunna, domba, ambinga, sapi wuṛṛu al᷊awo'u darotongngu iamangnga.

PANDARIADDI 46:34

wal᷊oa'a si tou manungku i yamiu indi mamamadul᷊i winatangnga ro'en ta'e maradio'a, naal᷊ihidda al᷊amonan kamiu. Ringannu aroddi tou sarun mandolokki yamiu matana'a su wageangngu leta'u Gosyen.” I Yusuf namasingkatu olangnge udde ana waugu taumatan Mesir mammendamma addio'a maggahawen manga mallal᷊u'adda winatangnga.

PANDARIADDI 47:11

I Yusuf nassumbala iamangnge wuṛṛu manga tuṛṛangnge namanua su Mesir. I tou nangonggolu leta'a si mangitou maola'a pussa'a apan apianne su wanua udde, maranin soan Rameses ere buatte nirolokku ratu.

PANDARIADDI 47:16

I Yusuf sinumimbakka, “Amungkangngu roinnu nasuete, onggol᷊eten winatangnga papapdul᷊ianannu; i ya'u sarun mangonggolu anna si yamiu.”

PANDARIADDI 47:4

Yami nirumanta tadea'u matana'a su wanua indi, ana waugu su leta'u Kanaan ṛutumma tumaniten masaddata, na'oman sara tate nannal᷊o lai iapaanna su ammul᷊annu ambinga dombang kami. Wala'awe i yami matana'a su wageangngu leta'u Gosyen.”

PANDARIADDI 47:5

Ana see ratu nabbisarate si Yusuf, “Orassa indi iamangngu wuṛṛu manga tuṛṛangngu isindite.

1 MARARATU 11:28

Yerobeam mammanara isudde lai. Sutempo i Salomo naasilo manungku Yerobeam masingkatta mammanara wuṛṛu maṛṛimadda, i tou nangonggolla si tou winabbawa iapariagga manara wata'a su wageangngu ṛuanganni Manasye wuṛṛu i Efraim.

2 TAWARIKH 26:10

I tou lai napararisikku wal᷊en matanggakka pia tanda'a watune su wageangngu wadda'a, wuṛṛu naal᷊i manambo paṛṛihi ana waugu winatangnga papadul᷊iananne tumaniten manambo, mawae ete su leta'a uasendekka aroddi lai su leta'a ratakke su samba'a waṛṛatta. Ana waugu i tou pia ṛingidda su pabbail᷊anna, ne i tou napamanaran manambo taumata niapawaillu anggore su panenteanna, wuṛṛu niapawailla lai su manga wageangngu leta'a apan masuwukka.

SASABANGNGA 18:21

Arawe su liuddu udde lai i'o ṛinone mamile manga pira taumata esakka apan pande, wuṛṛu manebbo'i mangitou maola'a piaṛṛa'u saṛṛiwu su atoune, maṛṛasutta su atoune, liman pul᷊o su atoune wuṛṛu mapul᷊o su atoune. I mangitou ṛinone manga taumata apan matta'utta wuṛṛu matuṛṛutta Mawu, wotangnge pangimananna wuṛṛu maddiri manengkamma aonggola.

SASABANGNGA 18:25

wuṛṛu namile manga taumata apan pande su wallatu walahannu Israel. I tou nanebo'i mangitou naola'a piaṛṛa'u saṛṛiwu su atoune, maṛṛasutta su atoune, liman pul᷊o su atoune, wuṛṛu mapul᷊o su atoune.

SASABANGNGA 9:10

Ana see i Musa wuṛṛu i Harun nanganute awu wuṛṛu sinumaruante ratu. I Musa nangalassu awu udde su winalanganna. Su taumata wuṛṛu winatangnga nilumappute manga pinsulla apan napesanga wuṛṛu nabbal᷊i lessa apan pia nanane.

SASABANGNGA 9:21

Arawe ingana'a waine tawe maddaringikka wawal᷊o udde wuṛṛu nanantangken manga allangnga wuṛṛu winatangngi mangitou su wadda'a.

AMSAL 21:1

Uasul᷊ungngu ere Mawu nangatokku ua'en sal᷊ukka tadea'u mangelekka tumuṛṛuttu apulu-Ne, aroddi lai i Tou mangngehetta ṛingirannu ratu.

AMSAL 22:29

I'o buatte naasilo sangkatou taumata pande mammanara manarane? Taumata udde sarun iapamanara su wal᷊en manga ratu, wal᷊ine su wal᷊en taumata wiasa.

YEREMIA 40:4

Orassa indi ta'u ipallossa laṛṛapussa indi wuassu limanu wuṛṛu i'o ta'u ipallossa. Amungkangngu i'o mappulu, i'o wotongnge tumantalongnga watukku Babel, wuṛṛu i ya'u sarun mappadul᷊i si'o. Arawe amungkangngu i'o maddiri, tawe apane. Su ahewallu wanua indi i'o walate apulunu umamatta su al᷊awo'u tampa suapa ipaapulunu.”

YOHANES 17:2

Iamangnga suete nangonggolu taṛṛino su Ana'a ipamarenta anambon taumata, tadea'u i Tou mangonggolu wiakka tutune wuṛṛu saran mal᷊annu-l᷊annu su anambon taumata apan nionggolu Iamangnga si Tou.

1 SAMUEL 21:7

Inauranna, i Doëg taumatan Edom, piaṛṛa'u mallal᷊u'addu winatangngi Saul isudde lai su allo udde mappaamattu atorannu agama.)