PANDARIADDI 47:4 - WUKE SUSI WATTI'U AL᷊AL᷊USASSA

⁴ Yami nirumanta tadea'u matana'a su wanua indi, ana waugu su leta'u Kanaan ṛutumma tumaniten masaddata, na'oman sara tate nannal᷊o lai iapaanna su ammul᷊annu ambinga dombang kami. Wala'awe i yami matana'a su wageangngu leta'u Gosyen.”

PANDARIADDI 47:4 Iomraidhean Croise

PANDARIADDI 12:10

Arawe su Kanaan tantal᷊anna pia ṛutumma apan bahewalla, na'oman sara i Abram inaite arauanne lai watukku timukka, watukku wanua Mesir natana'a poiaroddi maddatingngu ṛutumma udde mal᷊iu.

PANDARIADDI 15:13

Mawu nabbisara si tou, “Paanaunge, papapulunnu sarun mabbal᷊i taumata raho su wanua waine; i mangitou sarun maola'a allangnga poiaroddi wuṛṛu sarun mattaṛṛuallangnga appattu ṛasutta su tonnane al᷊annune.

PANDARIADDI 43:1

Ṛutumma su Kanaan a'atambanna asadanne, wuṛṛu napawe amonanni Yakub nanginsue anambon gandumma apan niapidda wuassu Mesir, i Yakub nabbisarate su manga anangnge, “Roote apia poiaroddi pamalli gandumma anni ite.”

PANDARIADDI 45:10

I Papa wotongnge matana'a su wageangngu Gosyen, marani'u – iamangnga, ringannu ana'a pulunna, domba, ambinga, sapi wuṛṛu al᷊awo'u darotongngu iamangnga.

PANDARIADDI 46:34

wal᷊oa'a si tou manungku i yamiu indi mamamadul᷊i winatangnga ro'en ta'e maradio'a, naal᷊ihidda al᷊amonan kamiu. Ringannu aroddi tou sarun mandolokki yamiu matana'a su wageangngu leta'u Gosyen.” I Yusuf namasingkatu olangnge udde ana waugu taumatan Mesir mammendamma addio'a maggahawen manga mallal᷊u'adda winatangnga.

PANDARIADDI 47:5

Ana see ratu nabbisarate si Yusuf, “Orassa indi iamangngu wuṛṛu manga tuṛṛangngu isindite.

DARALO 105:23

Ana see i Yakub inaite watukku Mesir wuṛṛu namanuate poiaroddi naola'a taumata raho.

YESAYA 52:4

Dorone i yamiu inaite watukku Mesir wuṛṛu natana'e isudde naola'a taumata raho. Wua'udde Asyur nangallangnga si yamiu ringannu tawe pinangiananne.

WATTI'U MANGA RASUL 7:11

Wua'udde nariaddite al᷊aṛṛatumma apan wahewa su ahewallu wanua Mesir wuṛṛu Kanaan na'oman sara taumata uatataṛṛangnga lunussa. Iupungngu al᷊amonang kite tawe maasomba anna.

WATTI'U MANGA RASUL 7:6

Arawe indi bawal᷊on Ruata si tou, ‘Papapulunne sarun matana'a ere taumata raho su wanuan taumata waine. Manga tumana'u wanua udde sarun mangallangnga si mangitou wuṛṛu ma'ola'a si mangitou maṛṛagisa appatu ṛasutta su tonnane al᷊annune.

TAHIUL᷊E 26:5

Wua'udde su saruannu Mawu Ruatanu, i'o ṛinone mabbisara manga wisara indi: ‘Oh Mawu, iupungngu al᷊amona'u sangkatou taumatan Aram apan lullalele. I tou nangapiddu amonanne watukku Mesir natana'a poiaroddi ere tumatal᷊angnga. Su tempo inai poiaroddi reenganni mangitou tumba'u addio'a, arawe i mangitou naola'a walahanna apan bahewalla wuṛṛu matohassa.