PANDARIADDI 47:17 - WUKE SUSI WATTI'U AL᷊AL᷊USASSA

¹⁷ Ana see i mangitou nangonggolu winatangnga si Yusuf, wuṛṛu i tou nangonggolu anna si mangitou maola'a hahantin kuda, domba, ambinga, sapi wuṛṛu keledai mangitou. Su tonna udde i Yusuf napaanni mangitou wuṛṛu i mangitou namaekku winatangnga papapdul᷊ianna.

PANDARIADDI 47:17 Iomraidhean Croise

PANDARIADDI 47:16

I Yusuf sinumimbakka, “Amungkangngu roinnu nasuete, onggol᷊eten winatangnga papapdul᷊ianannu; i ya'u sarun mangonggolu anna si yamiu.”

PANDARIADDI 47:18

Su tonna manansunna i mangitou nirumanta apia ringanni tou wuṛṛu nabbisara, “Yami mamasingkatta atonna-tonna si Tuangnga manungku roitti yami nasute wuṛṛu winatangngi yami tatahuananten Tuangnga. Yami tate darotongnga apan botongnge ionggoli yami si Tuangnga, etewe watanganni yami sassane wuṛṛu leta'i yami.

1 MARARATU 10:28

Ringannu nappa'attu manga maddaragangngu ratu, awal᷊o niranta wuassu Mesir wuṛṛu Kilikia,

AYUB 2:4

Arawe i Mamamono'a sinumimbakka, “Niawa wuṛṛu apapian baddangnge maareganna wuassu darotongnga. Taumata wotongnge manantillu anambon tatahuananne sawal᷊iate i tou sidutu wiakka.

SASABANGNGA 9:3

I Ya'u sarun mandantan sa'itta apan bahewalla su anambon binatangngi i yamiu papadul᷊inanna, kuda, keledai, unta, sapi, domba wuṛṛu ambingngi yamiu.

YESAYA 31:1

Nasilakate taumata apan inai watukku Mesir see maddorongnga sasumbala! I mangitou mangngantima atatohassu tantaran pangalo Mesir ringannu tantaran awal᷊o wuṛṛu awal᷊one mangkatohassa se'e lai keretane manambo. Arawe i mangitou tawe mangimanna Mawu, Ruata na'ukassa su Israel wuṛṛu tawe maisumabala su Mawu.

MATIUS 6:24

“Tawe saran sangkatou taumata maamanara su ruang katou mawu. Ana waugu i tou sarun lembo marangngu sangkatou wuassu sangkatou apan baine. Ara'e i tou lembo matuṛṛutta su mawune apan sambau wuassu mawune apan baine. Aroddi lai matataṛṛino si yamiu. I yamiu tawe maappammanara manara su Ruata wuṛṛu su darotongnga lai.