PANDARIADDI 45:2 - WUKE SUSI WATTI'U AL᷊AL᷊USASSA

² Napawe manga mamanarane nanantangken tampa udde, i Yusuf nilumuaite ma'ikka-ikkata, na'oman sara manga taumatan Mesir su luddu tampa udde naaringikka, wuṛṛu watti'a udde na'omate su wal᷊en araratuanna.

PANDARIADDI 45:2 Iomraidhean Croise

PANDARIADDI 42:24

I Yusuf nanantangngi mangitou, ana see nilumuai. Napawe wotongngete mapagahatto apia, i tou nabelengnga ringanni mangitou, ana see nangehetta si Simeon, wuṛṛu niapaṛṛapussa si tou su saruannu anambon tuṛṛangnge.

PANDARIADDI 43:30

Naungngi Yusuf sinumarootta ana waugu ma'apulute ma'asomba wuṛṛu mandangngu tuarine. Ete addio'a i tou tawe naaṛṛaddannu apulune, ana waugu udde i tou nangingkatta wua isudde ringannu mal᷊ihakka wuṛṛu sinumutta su wabbo'ane wuṛṛu nilumuai.

PANDARIADDI 45:14

Wua'udde i tou naṛṛa'uppa si Benyamin, tuarine udde, ana see nilumuai; i Benyamin nilumuai lai apiddu naṛṛa'uppa si Yusuf.

PANDARIADDI 45:15

Wua'udde, ringannu ta'e lulluai, i Yusuf naṛṛa'uppa anambon tuṛṛangnge wuṛṛu nangari'a si mangitou. Wua'udde i mangitou uahahattote ringanni tou.

PANDARIADDI 46:29

I Yusuf sinuma'e kereta inai maisasomban iamangnge isudde. Su tempo i mangitou nassomba, i Yusuf naṛṛa'uppa iamangnge wuṛṛu mal᷊annu lulluai.

2 MARARATU 20:3

“Mawu, naungewe manungku i ya'u indi buatte tinumuṛṛutta Si'o ringannu maadunna wuṛṛu ringannu ahewallu lal᷊ummu naungku. I Ya'u sidutu maddea'a tadea'u maatuṛṛutta apulu-Nu.” Ana see i Hizkia nilumuai ringannu massusa.

ZAKARIA 12:10

Wua'udde papapulunni Daud see tumana'u Yerusalem sarun Ta'u onggol᷊annu naungnga masingkatta umakkanna wuṛṛu mappulu umal᷊iomanna. I mangitou sarun ma'ellega si tou apan buatte niusu'i mangitou wuṛṛu lumallu ere taumata lulluain anangnge man sambau. I mangitou sarun lumallu ringannu sussangitta, naal᷊ihidda ere taumata apan niawul᷊iannu ana'a pahul᷊u.

REENGANNA 14:1

Su al᷊o'engngu ṛabbi ṛuangannu Israel mangintul᷊i wuṛṛu lulluai.

WATTI'U MANGA RASUL 20:37

I mangitou sarangkanambone nilumuai lapiddu naṛṛa'uppa si Paulus wuṛṛu nabbisara, sal᷊amatte umamatta.

RUT 1:9

Antimanna Mawu sarun mangonggolu pare siraddua tadea'u iraddua maasomba pamamanua apia.” Napawe buatte nabbisara aroddi, i Naomi nabbal᷊o sitarua wuṛṛu nangaria'a sitarua, Arawe i Orpa wuṛṛu i Rut mangke lulluai mangngintul᷊i,