PANDARIADDI 45:1 - WUKE SUSI WATTI'U AL᷊AL᷊USASSA

¹ I Yusuf tate maataṛṛangnga apendamme su saruannu manga mamanarane. Ana waugu udde i tou nandolokki mangitou nanantangngu tampa udde tadea'u i tou wotongnge mamasingkatta su manga tuṛṛangnge isai i tou ṛinone.

PANDARIADDI 45:1 Iomraidhean Croise

PANDARIADDI 42:24

I Yusuf nanantangngi mangitou, ana see nilumuai. Napawe wotongngete mapagahatto apia, i tou nabelengnga ringanni mangitou, ana see nangehetta si Simeon, wuṛṛu niapaṛṛapussa si tou su saruannu anambon tuṛṛangnge.

PANDARIADDI 44:34

Ereapa allangngu wotongnge mabelengnga ringannu iamangngi yami amungkangngu ana'a udde tawe uaapidda? Allangngu tawe maataṛṛangnga maasilo asasusa apan maṛṛia'a su iamangngi yami udde.”

2 SAMUEL 1:20

Antimanna manga taumatan Gat tawe maaringikka watti'a udde. Antimanna manga lal᷊anna addio'a su Askelon tawe maasomba watti'a udde. Arie ma'oman sara wawinen Filistin lumala'a arie ma'oman sara wawine apekka maggahio lal᷊uassa.

2 SAMUEL 13:9

Wua'udde kukisse niapassabbangnga wuassu tampane wuṛṛu ana see nisaru. Arawe i Amnon maddiri umanna. I tou nabbisara, “Doloṛṛa'e sarangkanambone paasabbanga'a wua isindi!”

YESAYA 42:14

Ruata nabbisara, “Mal᷊annute i Ya'u uatinnannanga; i Ya'u mal᷊annabba wuṛṛu maṛṛaddannu watangang-Ku. Orassa indi nia'omante tempone mammanara, i Ya'u mappulute mangintul᷊i ere wawine apan mangunsiwete.

YEREMIA 20:9

Arawe napawe sulal᷊ummu naungku i ya'u mabbisara, “Wala'e Mawu timbul᷊ianangkute, i ya'u maddirite lai maggahatto ringannu aran-Ne,” ne tanata-Nu naal᷊ihidda putungnga apan lukkenggamma sulal᷊ummu naungnga. I ya'u buatte naannamma manaṛṛangnga, arawe inauranna i ya'u tawe auatanna.

ZAKARIA 12:10

Wua'udde papapulunni Daud see tumana'u Yerusalem sarun Ta'u onggol᷊annu naungnga masingkatta umakkanna wuṛṛu mappulu umal᷊iomanna. I mangitou sarun ma'ellega si tou apan buatte niusu'i mangitou wuṛṛu lumallu ere taumata lulluain anangnge man sambau. I mangitou sarun lumallu ringannu sussangitta, naal᷊ihidda ere taumata apan niawul᷊iannu ana'a pahul᷊u.

MATIUS 18:15

“Amungkangngu tuṛṛangngu ma'ola'a rosa su saruannu, roote ringanni tou wuṛṛu tantiroa'e passasal᷊ane. Ola'e udde ringannu mal᷊annaba su wallatti raddua sassane. Amungkangngu i tou tinumuṛṛutta al᷊awo'u wisaranu, i'o naauntungnga naasomba apia tuṛṛangngu udde mabelengnga.

WATTI'U MANGA RASUL 10:41

tawe su anambon taumata ewe'e tumba'u si yami apan suete nipilen Ruata paarorone tadea'u maola'a manga tiala-Ne: I yami u'anna wuṛṛu ma'inumma ringanni Tou napawe i Tou nabbiakke apia wuassu papate.

WATTI'U MANGA RASUL 7:13

Su tempo i mangitou inai aruane, i Yusuf namasingkatta manga tuṛṛangnge udde manungku ete i tou i Yusuf. Wakkute udde ratu Mesir naasingkatta manga tuṛṛangngi Yusuf.

1 KORINTUS 13:5

I tou taumata tawe mamarabunga, taumata tawe maṛṛagissa, i tou tawe mamata'u taumata waine tumuṛṛutta apulune sassane, tawe lai mal᷊ihakka umal᷊udda, wuṛṛu tawe mangune.