PANDARIADDI 44:16 - WUKE SUSI WATTI'U AL᷊AL᷊USASSA

¹⁶ “Yami taweddu ipabbisara, Tuangku?” sasimbakki Yehuda. “Ereapa yami wotongnge mapaasal᷊a wuṛṛu mapaaṛṛinon batanganni yami? Mawu Ruata buatte napal᷊iatta'u pasasal᷊an kami. Orassa indi yami sarangkanambone allangngi Tuangnga, wal᷊ine tumba'u i tou apan niasombanganna piala udde.”

PANDARIADDI 44:16 Iomraidhean Croise

PANDARIADDI 37:7

I ya'u nabbal᷊iawa i ite sarangkanambone tantal᷊anna su wailla mamma'isa gandumma, ana see gandumma tatahuanangku dirumarisikka matul᷊idda. Manga gandummi yamiu apan buatte niwa'issa namal᷊iwutta gandumma apan buatte ta'u niwa'issa ana see nassubba si tou.”

PANDARIADDI 37:9

Wua'udde i Yusuf nabbal᷊iawa apia, wuṛṛu i tou nabbatti'a su manga iaangnge, “I ya'u nabbal᷊iawa apia, i ya'u naasilo matannallo, wul᷊anna wuṛṛu mapul᷊o dua anumpitanna nassubba si ya'u.”

PANDARIADDI 44:17

Unni Yusuf, “Tawe! I yamiu madiri ma'ola'a aroddi! Tumba'u i tou apan niasombanganna piala udde sarun maola'a allangku. Ingana'a waine wotongngete ringannu iamangngu.”

PANDARIADDI 44:32

Ana see lai allangngu buatte na'ire su iamangngu allangngu manungku allangngu maola'a wataṛṛun ana'a udde. Allangngu nabbisara si tou, manungku amungkangngu allangngu tawe napangapiddu ana'a udde mabelengnga ringanni tou apia, ete allangngu apan mamasanna ṛuumanna su alo'engngu pabbiaṛṛanna.

PANDARIADDI 44:9

I Tuangnga, unnu wisara saranapa udde niasombanganna su sangkatou suwallati yami, wala'e i tou iṛṛuumanna mate, wuṛṛu i yami maola'a allangngi Tuangnga.”

1 MARARATU 17:18

Ana see unnu wawine wal᷊u udde si Elia, “Allangngu Ruata, anio Iamangnga na'ola'a olangnge indi su saruangku? Apa Iamangnga rumanta tadea'u Ruata manaungnga rosa'u, na'oman sara ana'u rinone mate?”

EZRA 9:10

Arawe orassa indi, oh Mawu Ruata, napawe al᷊awo'u arariaddianna udde nal᷊iudde, apa apan wotongnge iwisaran kami? I yami tate maddaringngikka manga parenta-Nu lai,

EZRA 9:15

Mawu, Ruatan Israel! I'o matul᷊idda, salaiwe aroddi I'o namalan kami wiakka. I yami tawe su tampane sumaruanna aṛṛa'uan-Nu.”

AMSAL 17:15

Taumata maddantinnu taumata apan mappaṛṛinon taumata lal᷊eo, wuṛṛu mapasal᷊an taumata apan tawe sal᷊ane.

AMSAL 28:17

Sangkatou taṛṛa pate sarun uapendamma sidutu a'enggenanna maddatingngu papatene; tawe saran sangkatou apan wotongnge manaṛṛangnga si tou.

YESAYA 27:9

Arawe manga rosan Israel tumba'u wotongnge ampunganna amungkangngu mezbah manga monganna ihilingnga al᷊ussa naal᷊ihidda apukka. Anambon tampan amania wuṛṛu hambarannu Monganna Asyera ṛinone ṛimunsaanna lai.

YESAYA 5:3

Nariaddi orassa indi hawe-U mabbisara, “I yamiu sarangkanambone, tumana'u Yerusalem wuṛṛu Yehuda, ṛuunga'e waillu anggore-U wuṛṛu i Ya'u.

DANIEL 9:7

Oh Mawu, manara-Nu sidutu naṛṛino wuṛṛu matul᷊idda, arawe i yami sidutu mandantan asasili su watangani yami, eteudde i yami sarangkanambone apan uatana'a su Yudea wuṛṛu su Yerusalem wuṛṛu anambon taumata sambalahanni yami apan buatte nisal᷊iawukku Mawu watukku manga wanua apan marau wuṛṛu marani ana waugu i mangitou tate matuṛṛutta su Mawu.

REENGANNA 32:23

Arawe paanaunge, amungkangngu i yamiu tawe nanipussapa'airenu, i yamiu na'ola'a rosa su saruannu Mawu wuṛṛu sarun iṛṛuumanna ana waugu rosanu udde.

MATIUS 7:2

Ana waugu su ereapa i yamiu maṛṛuungngu taumata waine, aroddi lai Ruata sarun maṛṛuungngi yamiu. Wuṛṛu uuṛṛanna apan ipanguukki yamiu su taumata waine sarun ipanguukku Ruata lai si yamiu.

LUKAS 12:2

Tawedu uawuni apan tawe aasiloanna, wuṛṛu tawedu apan iadappingnga apan tawe asingkatanna.

WATTI'U MANGA RASUL 2:37

Napawe manga taumata udde naaringikka olangnge udde, naungngi mangitou u'ambul᷊isada. See i mangitou naiwal᷊o si Petrus wuṛṛu manga rasul apan baine, “Manga tuṛṛangnga apa ṛinone olaanni yami?”

TAHIUL᷊E 25:1

Unnu wisara pia darua taumatan Israel inai ringannu mallaṛṛuunga mangalaen sambau hatto, ana see sangkatou tawe niapaasal᷊a wuṛṛu waine niapaasal᷊a.

YOSUA 7:1

Mawu buatte namarenta su walahannu Israel manungku wuassu al᷊awo'u saranapa su soan Yerikho apan ṛinone tutunganna, saran sambau imbaṛṛanga anuanna. Arawe parenta udde tawe niraringiṛṛana. Sangkatou esakka aranne i Akhan nilumawanna parenta udde, na'oman sara Mawu nasa'u su ṛuangannu Israel. (Iamangi Akhan aranne i Karmi wuṛṛu iupunge aranne i Zabdi wuassu ṛuanganni Zerah sulal᷊ummu ṛuanganni Yehuda.)

YOSUA 7:18

Wua'udde Yosua nandolokku laloṛṛon bal᷊en Zabdi inai watukku saruanne, passangkatou; ne i Akhan, ana'i Karmi, pulunni Zabdi niata'eanne.

MAL᷊AṚṚUUNGNGA 1:7

Unni Adoni-Bezek, “Dorone pitum pul᷊o su atoune ratun seetta ta'u nipototta inangngu lima wuṛṛu leddane, ana see i mangitou ta'u niwala niumanna manga anna lambene apan tinumaṛoto wuassu medda'u. Orassa indi Ruata na'ola'a si ya'u ere lai ya'u na'ola'a si mangitou.” Wua'udde i Adoni-Bezek niapidda watukku Yerusalem, ne i tou natete poiaroddi.