PANDARIADDI 43:9 - WUKE SUSI WATTI'U AL᷊AL᷊USASSA

⁹ I ya'ute wataṛṛune, wuṛṛu iamangnga wotongnge madorongnga wataṛṛune wuassia'u. Amungkangngu i tou tawe ta'u niapidda mabelengnga ringannu sal᷊amatta, i ya'u mamasanna ṛuumanne sarangkal᷊o'engnge.

PANDARIADDI 43:9 Iomraidhean Croise

PANDARIADDI 31:39

Iapa nate niaṛṛatu winatangnga mal᷊aṛṛaga tawe saran paassa ta'u niapidda ringanni Papa, arawe i ya'u sassane namaekka. Iapa nita'o su tempo allo ara'e ṛabbi sidutu tattuntu'anni Papa tadea'u i ya'u mamaekka.

PANDARIADDI 42:37

Ana see i Ruben nabbisara iamangnge, “Tantil᷊a'e i Benyamin si ya'u, i Papa; sarun ta'u iapidda apia, amungkangngu tawe, i Papa wotongnge mamate ana'u esakka darua udde.”

PANDARIADDI 43:10

Unnu wisara i ite tawe maṛṛado aroddi al᷊annune, oṛṛassa indi yami paaruate maawal᷊elenganna.”

PANDARIADDI 9:5

Suapan taumata wuṛṛu winatangnga apan namate taumata sarun Ta'u iṛṛuumanna pateanna.

2 SAMUEL 14:9

“Tuangku Apan Mawantuga,” wisaran bawine udde, “sarangkanambone apan olaanni Tuangnga, allangngu wuṛṛu ete amonannu allangngu apan sarun mamasanna pangillul᷊eanne. Tuangku wuṛṛu amonanni Tuangnga tawe sal᷊ane.”

1 MARARATU 1:21

Amungkangngu i Tuangnga tawe mangonggollu putusanna udde, ṛinone sarun mariaddi napawe i Tuangnga mate, i ya'u wuṛṛu parin'siu sarun olaanna ere sangkatou mandal᷊al᷊eo.”

AYUB 17:3

I ya'u indi matul᷊idda, oh Ruata. Pangimante si ya'u! Isai lai apan wotongnge matatuṛṛutannu wisara'u?

DARALO 119:122

Paddiandite manungku I'o mantul᷊ungku, arie pabbala'a i ya'u aallangannu manga taumata mawunga.

YEHEZKIEL 3:18

Napawe i Ya'u mamasingkatta manungku sangkatou mandal᷊al᷊eo sarun mate, arawe i'o tawe mapanaungnga si tou tadea'u i'o mamal᷊u pallal᷊agune ma'oman sara i tou masal᷊amatta, ne i tou sarun mate ta'e lai sangkatou apan marosa, wuṛṛu su ola'u papatene, sarun pangansil᷊anne wuassi'o.

YEHEZKIEL 3:20

Amungkangngu sangkatou apan mapia manatakke ma'ola'a rosa, wuṛṛu i tou Ta'u iapasaruanna asasilaka, ne i tou sarun mate napawe i'o tawe mapanaungngi tou. I tou sarun nate ana waugu manga rosane, wuṛṛu manga inolaanne apan mapia tate Ta'u naunganna. Arawe su ola'u papatene udde sarun Ta'u ipa'iwal᷊o si'o.

YEHEZKIEL 33:6

Arawe amungkangngu mandariaga udde naasilo seetta nirumanta wuṛṛu i tou tawe napantuntingikku tatialan silaka, see seetta namate manga taumata marosa udde, winabbawa su ola'u papate mangitou Ta'u ipandansilanna si tou.

YEHEZKIEL 33:8

Amungkangngu i Ya'u mamasingkatta manungku sangkatou taumata lal᷊eo sarun mate, arawe i'o tawe napanaungngi tou tadea'u i tou mamal᷊u pallal᷊agune ma'oman sara i tou masal᷊amatta, ne i tou sarun mate ta'e sangkatou apan marosa. Arawe pandansilanannu papatene sarun Ta'u doronganna si'o.

LUKAS 11:50

Ruata na'ola'a udde tadea'u manga taumata orassa indi iṛṛuumanna ana waugu pamamate apan suete niola'a su manga nabi ro'en runia nariaddi,

IBRANI 7:22

Ringannu udde lai Mawu Yesus naola'a wataṛṛu su sambau pa'aire apan lembon apianne.