PANDARIADDI 41:8 - WUKE SUSI WATTI'U AL᷊AL᷊USASSA

⁸ Marua allone ratu sussinggawangke, ana waugu udde i tou nandolokka niapawago anambon taṛṛa pani'atta wuṛṛu taumata pia asingkanne su Mesir. Ana see nabbati'u wal᷊iawane si mangitou, arawe tawe saran sangkatou apan botongnge manal᷊a'an atappasanne.

PANDARIADDI 41:8 Iomraidhean Croise

PANDARIADDI 40:6

Su tempo i Yusuf nirumanta ringanni tarua tiṛṛabine marua allo, itarua aellehanna massusa.

PANDARIADDI 40:8

Itarua sinumimbakka, “Naallawanna yambua nabbal᷊iawa, wuṛṛu tawedu maasingkattu atappasanne.” Unni Yusuf, “Tumba'u Ruata apan mangonggola su taumata manal᷊a'an atappasannu wal᷊iawa. Annama'o wattia'a wal᷊iawanu udde.”

PANDARIADDI 41:15

Ratu nabbisara si tou, “I ya'u buatte nabbal᷊iawa, wuṛṛu tawe saran sangkatou apan botongnge manal᷊a'an atappasanne. Piaddu namasingkatta si ya'u manungku i'o wotongnge manal᷊a'an bal᷊iawa.”

PANDARIADDI 41:24

Raen gandumma apan maṛṛasa udde nangallupa rae apan pia loṛṛone tanginna. Buatte ta'u niwatti'a wal᷊iawa'u darua udde su manga taṛṛa pani'atta, arawe tawe saran sangkatou wotongnge maatal᷊a'an atapasanne.”

PANDARIADDI 41:7

Ana see rae gandumma maṛṛisitta udde nangallupa pitun rae apan pia loṛṛone tanginna. Wua'udde ratu napu'ote wuṛṛu naatutukka manungku i tou buatte nabbal᷊iawa.

DARALO 25:14

Mawu uddewe hawen taumata apan mangngimanna, I Tou namasingkattu panduman-Ne si mangitou.

SASABANGNGA 7:11

Ana waugu udde ratu lai namaggo manga taumatane apan pia asingkanne wuṛṛu taṛṛa wal᷊iimata, ana see i mangitou lai na'ola'a aroddi ringannu apande mangitou.

SASABANGNGA 7:22

Arawe manga panden wal᷊iimata su Mesir na'ola'a aroddi lai ringannu apanden wal᷊iimata mangitou, na'oman sara ratu sidutu naungnge maattikka. Ere buatte niwal᷊o Mawu, ratu maddiri maddaringikka si Musa wuṛṛu si Harun.

SASABANGNGA 8:7

Arawe manga taṛṛa wal᷊iimata nappaatu apande mangitou, wuṛṛu lai na'ola'a aakka apan nilumapputta su wanua udde.

SASABANGNGA 9:11

Manga taṛṛa wal᷊iimata tawe mapanalare si Musa ana waugu ahewallu wadangngi mangitou napenen pinsulla ere manga taumata Mesir waine.

YESAYA 19:3

I Ya'u sarun mamal᷊aatta manga hol᷊agu taumatan Mesir wuṛṛu mamaddi ikkatti mangitou. I mangitou sarun maiontolla su manga paal᷊uanna, maddorongnga tataggu wuṛṛu tatantiro su manga tonaassa wuṛṛu manga ghaṛṛaho.

YESAYA 29:14

Ana waugu udde i mangitou sarun Ta'u paṛṛindu'anna ringannu puul᷊anna masokka-sokka. Taumata pande sarun mabbal᷊i woddo, wuṛṛu anambon apapande mangitou udde tawe gunane.”

YESAYA 8:19

Arawe manga taumata apan mandolokki yamiu madorongnga tatantiro wuassu manga taṛṛa pasangkadda apan uasasal᷊imburunga wuṛṛu wiwikke u'alore. Taumata udde sarun mabbisara, “Wal᷊inewe i ite ṛinone maddorongnga tatantiro wuassu manga ṛimuuddu taumata nate tadea'u hunan taumata wiakka?”

DANIEL 1:20

Suapan ratu mangapiddu hatto apan ipappandumma tal᷊aane wuṛṛu ṛingiranna, i tou naasilo manungku tatantiro wuṛṛu sasimbakka wuassu anambon taṛṛa si'atta see lai mapapanden pasangkadda su ahewallu araratuanne.

DANIEL 4:18

Ei Beltsazar, eteudde wal᷊iawa'u. Orassa indi pasingkata'e si ya'u atappasanne. Tawe saran sangkatou wuassu manga mapapande apan uatana'a su araratuangku wotongnge mamasingkatta si ya'u, arawe i'o wotongnge, ana waugu i'o niintaṛṛoannu ghaṛṛahon manga monganna apan susi.”

DANIEL 4:19

Naaringikka udde, Daniel apan isassaggo lai Beltsazar, niṛṛumindu'a wuṛṛu tinumiangnga manga piran katempo. Ne i ya'u Ratu Nebukadnezar nabbisara si tou, “Beltsazar, ariete i'o suminggawangnga ana waugu wal᷊iawa wuṛṛu atappasanne udde.” Beltsazar sinumimbikka, “ Tuangku, apiawe eteapa unnuwisara manga arariadiana apan iraṛṛangngon wal᷊iwa udde naṛṛi'a su manga seetti Tuangku wuṛṛu wal᷊ine Tuangku.

DANIEL 4:5

Arawe su sambau rabbi sutempo i ya'u tantal᷊anna mattiilla, i ya'u nabbal᷊iawa wuṛṛu naasomba sambau sondappa apan lembon maasinggawangnga naungku.

DANIEL 4:6

Ana see niwagoangku manga mapapande apan uatana'a su Babel iapatal᷊a'a si ya'u atappasannu wal᷊iawa udde.

DANIEL 4:7

Arawe sutempo manga taṛṛa si'atta, taṛṛa ropa, manga taumata pia asingkanne wuṛṛu mapapanden anumpitanna udde nirumanta wuṛṛu ta'u niwatti'a wal᷊iawa'u udde si mangitou, tawe saran sangkatou apan wontongnge manal᷊a'an atappasanne.

DANIEL 5:11

Ana waugu sulal᷊ummu araratuanni Tuangku pia sangkatou esakka apan aintaṛṛoannu ghaṛṛahon manga monganna apan susi. Sutempo pamamarentan iamangngi Tuangku, taumata udde niatialanna uatahuanna asingkata, pasasunna wuṛṛu apande, apan ere apandean manga monganna. Iamangngi Tuangku Ratu Nebukadnezar buatte nanenegi tou naola'a piaṛṛa'u manga mapapanden taṛṛa si'atta, taṛṛa ṛopa, wuṛṛu manga taumata pia asingkanne wuṛṛu mapapanden anumpitanna.

DANIEL 7:28

Nattaalle isindi watti'a indi. I ya'u lembon sussinggawangnga na'oman sara nabbal᷊i namikkassa, arawe tawe saran sangkatou apan tau niwal᷊oanna su ola'u sarangkanambone udde.

DANIEL 8:27

Wua'udde i ya'u naapendamma nallome ana see nirumadda'a manga pira allo al᷊annune. Wue udde nabbangunte i ya'u wuṛṛu nammanarate manga manara'u apia su ratu. Arawe i ya'u sussinggawangnga maṛṛingiddu manga sondappa udde wuṛṛu mangke tawe maasunna manga sondappa udde.

IMAMATTA 19:31

Imbaṛṛangnga i yamiu maddorongnga tatantiro su tonaassa apan pia paa'ukke ringannu manga niawan taumata nate. Amungkangngu i yamiu ma'ola'a udde i yamiu mabbal᷊i ma'arantinna. Ete i Ya'u Ruatanu.

IMAMATTA 20:6

Taumata apan inai maddorongnga tatantiro su tonaassa apan pia paaukka ringannu ṛimuuddu taumata nate sarun Ta'u iṛṛuumanna wuṛṛu tate lai mareengnga al᷊aṛṛana-U.

HABAKUK 3:16

Naaringikka udde, naungku mangngiladda wuṛṛu wiwi'u mangngindo. I ya'u nabbal᷊i lome tate ikkata, ledda'u mattara, suapa i ya'u umamatta. I ya'u sarun maṛṛaddo ringannu matammudda ṛuumannu Ruata su taumata mammangalo.

MATIUS 2:1

Mawu Yesus inasungkangnga su soam Betlehem su wanua Yudea, su tempo pamamarentan Ratu Herodes. Su tempo udde manga pira mapapanden anumpitanna wuassu ra'i nirumanta su Yerusalem.

WATTI'U MANGA RASUL 17:18

Manga huru mallal᷊aṛṛenggenni Epikuros wuṛṛu Stoa uasasimbakki tou lai. Siri pira wuassi mangitou nabbisara, “Taumata indi masingkattu apa? Asingkanne tumba'u adio'a, arawe i tou tal᷊imoṛṛonganna!” Siri pirang katou waine nabbisara, “Lihidde i tou mabatti'u manga mongannu walahanna waine.” I mangitou nabbisara aroddi ana waugu i Paulus nabatti'u Mawu Yesus wuṛṛu su ola'u mabbiakka apia wuassu papate.

WATTI'U MANGA RASUL 7:22

Al᷊awo'u apanden taumata Mesir niaṛṛa'a si tou wuṛṛu i tou naola'a taumata apan lembon taṛṛino sulal᷊ummu wisara wuṛṛu inolaanne.

1 KORINTUS 1:19

Ana waugu sulal᷊ummu Wuke Susi, Ruata nabbisara, “Apapanden taumata pia asingkanne sarun Ta'u isongkakka, wuṛṛu pasasunna manga taumata pia si'ol᷊ane Ta'u iapaawul᷊i.”

1 SAMUEL 6:2

taumatan Filistin namago manga imam wuṛṛu manga taṛṛa wal᷊iimmata ana see naiwal᷊o, “Urante si ite Wantallu Pa'airen Mawu udde? Amungkangu iapawelengngi ite su tampane, ereapa lal᷊anne?”