PANDARIADDI 41:49 - WUKE SUSI WATTI'U AL᷊AL᷊USASSA

⁴⁹ Gandumma apan niammuli tou udde aroddi anambone na'oman sara i Yusuf nangillol᷊o mangnguukka, ana waugu anambone naal᷊ihidda anne su winggin tahal᷊oangnga.

PANDARIADDI 41:49 Iomraidhean Croise

PANDARIADDI 22:17

i Ya'u sarun mangal᷊amatta si'o ringannu lumambalanna wuṛṛu ma'ola'a papapulunnu anambone naal᷊ihidda anumputanna su langitta wuṛṛu anambone naal᷊ihidda anne su apannu tahal᷊oangnga. Anangngu pulunnu sarun malluṛṛugu manga seetti mangitou.

PANDARIADDI 41:48

Gandumma udde niammuli Yusuf ana see sinahipunna su manga soa. Sulal᷊ummu sambau soa i tou nanahipunna gandumma hessin manga wailla su al᷊indongannu soa udde.

PANDARIADDI 41:50

Tantal᷊anna tempon ṛutumma udde taambe nia'omanna, i Asnat awingngi Yusuf nanungkangu ruan katou ana'a esakka.

AYUB 1:3

Wua'udde lai i tou uatahuanna manambo allangnga, 7.000 domba, 3.000 unta, 1.000 sapi wuṛṛu 500 keledai. Aunne, ete i tou taumata apan aalanne su wallattu tumanangnge su samba'a Ra'i.

DARALO 78:27

I Tou nanossokku manga manu'u winalanganna su al᷊aṛṛanang-Nge, anambone naal᷊ihidda annen sahatta tawe iareengnga.

YEREMIA 33:22

I Ya'u sarun manimu papapulunni allang-Ku Daud wuṛṛu manga imam su ṛuanganni Lewi, ma'oman sara anambone maola'a ere anambon anne su winggin sahatta wuṛṛu anumpitanna su langitta apan tawe iareengnga.”

MAL᷊AṚṚUUNGNGA 6:5

Manga taumata udde nirumanta mangngelekka uaapiddu winatanga wuṛṛu rasanni mangitou sulal᷊ummu ammul᷊anna apan bahewalla. I mangitou wuṛṛu manga untan i mangitou tumaniten manambo na'oman sara tate iareengnga. I mangitou nirumanta nanggohakku wanua udde,

MAL᷊AṚṚUUNGNGA 7:12

Taumatan Midian, Amalek wuṛṛu manga taumata waine wuassu wadda'u anne, uasal᷊iawukka su al᷊awo'u tampa su wawal᷊anne udde. Aellehanna naal᷊ihidda saṛampalanna apan uaammula. Manga untan mangitou tumanite manambo naal᷊ihidda anne su winggin sahatta.

1 SAMUEL 13:5

Tantal᷊anna udde taumatan Filistin naammulle lai ana waugu inai mamangalo taumatan Israel; i mangitou uatahuanna 30.000 keretan pangalo, 6.000 taumata uasa'e awal᷊o, wuṛṛu manga tantara ere anne su sahatta anambone. I mangitou naddasanna su Mikhmas samba'an ra'i Bet-Awen.