PANDARIADDI 41:25 - WUKE SUSI WATTI'U AL᷊AL᷊USASSA

²⁵ Ana see unni Yusuf su ratu, “Wal᷊iawa darua udde uasul᷊ungnga atappasanne; Ruata buatte namasingkatta si Tuangku sarangkanambone apan sarun olaanne.

PANDARIADDI 41:25 Iomraidhean Croise

PANDARIADDI 40:8

Itarua sinumimbakka, “Naallawanna yambua nabbal᷊iawa, wuṛṛu tawedu maasingkattu atappasanne.” Unni Yusuf, “Tumba'u Ruata apan mangonggola su taumata manal᷊a'an atappasannu wal᷊iawa. Annama'o wattia'a wal᷊iawanu udde.”

PANDARIADDI 41:16

I Yusuf sinumimbakka, “Wal᷊ine allangi, Tuangku, ewe'e Ruata apan sarun mangonggolu tal᷊aane apan naṛṛino.”

PANDARIADDI 41:26

Sapi pitu apan matawa udde eteudde pitu tonna, wuṛṛu pitu raen gandumma apan pia loṛṛone udde eteudde pitu tonna lai; itarua uasul᷊ungnga atappasanne.

PANDARIADDI 41:28

Su ereapa apan buatte niapasingkattu allangu si Tuanga, Ruata buatte namasilo si Tuanga sarangkanambone apan olaanne.

PANDARIADDI 41:32

Waliawan i Tuangku nariaddi paarua, udde atappasanne manungku olangnge udde buatte tinantunnu Ruata wuṛṛu manungku Ruata mapaamatta ringannu mal᷊ihakka.

DARALO 98:2

Mawu nabbatti'u auntungan-Ne; i Tou napal᷊iatta'u atatul᷊iddu Mawu su manga walahanna.

SASABANGNGA 9:14

Paasa indi i Ya'u sarun mandantan asasilaka tawe tumba'u su manga mammamanaran araratuanna wuṛṛu tumanangnge, arawe si'o lai, tadea'u i'o maasingkatta manungku i Ya'u tawe doappa su ahewallu runia indi.

YESAYA 43:9

Doloṛṛa'e anambon walahanna ma'ammulla wuṛṛu anambon ṛuanganna masemodda. Isaite suwallattu manga monganni mangitou buatte namasingkatta apa apan mariaddi orassa indi? Isaite suwallatti mangitou wotongnge maasi'attu tempo addantane? Wala'e manga tiala mangitou dumarisikka, wuṛṛu mapal᷊iatta'a manungku i mangitou naṛṛino, tadea'u sarangkanambone apan naaringikka si mangitou mabbisara, manungku atonna aroddi!

DANIEL 2:45

Wal᷊inewe Tuangku buatte naasilo manungku ringannu tawe nieṛṛetannu taumata, sambau watu napallossa wuassu rampissa ana see naṛṛia'a wuṛṛu nakkimunsa'a paal᷊uanna wuassu atta'a, witu'a, leta'a maṛṛamutta, sal᷊a'a wuṛṛu wul᷊awanna udde? Ruata apan wahewalla napal᷊iatta'a si Tuangku apa apan sarun mariaddi su allo addantane. Wal᷊iawa udde wotongnge pangimananna wuṛṛu tatal᷊a'an allangnga naṛṛino.”

DANIEL 2:47

Ratu nabbisara, “Attonna, Daniel, Ruatanu udde ahewal᷊anne suwallattu al᷊awo'u Ruata. I tou uddewe utaṛṛino al᷊awo'u ratu, wuṛṛu manani'attu al᷊awo'u addapingnga. I ya'u masingkattu olangnge udde ana waugu i'o buatte nanala'an atappasannu addapingnga indi.”

AMOS 3:7

Mawu Apan Atanggaṛṛanne taambe saran paassa mapaamattu sambau manara ringannu tawe mamasingkattu ṛiin-Ne su manga nabi, manga allang-Nge.

MATIUS 24:40

Su tempo udde pia duang katou apan mammanara su wailla: Sangkatou sarun iapidda, wuṛṛu sangkatou lai itantangnga.

MARKUS 13:23

Nariaddi, paatehamma! Sarangkanambone udde suete Ta'u niapaasingkatta si yamiu tantal᷊anna olangnge udde taambe nariaddi.”

EFESUS 1:17

I ya'u sussal᷊ande tadea'u Ruatan kite Yesus Kristus, Iamangnga apan mawantuga, mangonggolu Ghaṛṛaho-Ne si yamiu. Ghaṛṛaho udde sarun ma'ola'a si yamiu pande, wuṛṛu sarun mapaal᷊iatta'u Ruata si yamiu na'oman sara i yamiu maaillal᷊a si Tou.

YOSUA 11:6

Mawu nabbisara si Yosua, “Arie pa'ata'utti mangitou. Su allo ere indi lai tiṛṛabbi, i mangitou sarangkanambone buatte Ta'u nipate ana waugu Israel. Awal᷊on mangitou sarun Ta'u iapaallome, wuṛṛu manga keretan pangalo mangitou ṛinone soṛṛowanna.”

SONDAPPA 4:1

Wua'udde ya'u naasomba aellega lai. I ya'u naasilo sambau ngara nawu'a su surga. Wua'udde inaringikka lai tingikka apan paarorone suete nabbisara si ya'u ere tingikku trompeta. Tingikka udde nabbisara, “Wette rangante isindi. I Ya'u sarun mamasingkata si'o apa apan sarun mariaddi murine.”