PANDARIADDI 4:7 - WUKE SUSI WATTI'U AL᷊AL᷊USASSA

⁷ Amungkangngu i'o ma'ola'a apapia, i'o umamminna; o arawe amungkangngu i'o ma'ola'a al᷊al᷊eo, ne rosa uaṛṛadote sumutta sulal᷊ummu naungngu. Rosa sarun uataṛṛino wadangngu arawe i'o ṛinone mangindaun tou.”

PANDARIADDI 4:7 Iomraidhean Croise

PANDARIADDI 19:21

Mala'ekatta udde sinumimbakka, “Ore aroddite, soa addio'a udde tawe ta'u soṛṛowanna.

PANDARIADDI 3:16

Ana see Ruata nabbisara wawine udde, “I ya'u sarun manimu atatadungngu su tempo i'o pia illoṛṛo wuṛṛu su tempo i'o mangunsiwe. Arawe manimbe aroddi, i'o sidutu pia apulu su awingngu, arawe i'o sarun massuṛṛubawa si tou.”

2 SAMUEL 24:23

I Arauna nangonggollu sarangkanambone udde su ratu, lapiddu nabbisara, “Doronganna Mawu Ruatan Tuangnga manengkamma aonggolli Tuangnga.”

2 MARARATU 8:28

I Ratu Ahazia lai napapangalo suadio'a ringanni Ratu Yoram nando'appa si Hazael ratun Siria. I mangitou napapangalo su Ramot, su wageangu Gilead. I Yoram nal᷊essa sulal᷊ummu pangalo udde,

AYUB 11:14

Rammea'e rosa wuassu naungngu wuṛṛu paaraua'e al᷊al᷊eo wuassu wal᷊enu!

AYUB 11:15

Ne i'o wotongnge sumaruanna pabbiaṛṛanna ringannu matammudda wuṛṛu waṛṛani; i'o sarun uarisikka matohassa wuṛṛu tate singgawangnge,

AYUB 29:4

Eteudde manga allo apan i ya'u tinumelengnga, sutempo apapian Duata uasirungnga wal᷊e'u.

AYUB 42:8

Ne, orassa indi panganute pitu sapi esakka wuṛṛu pitu domba esakka, wua'udde roote ringanni Ayub. Ana see onggol᷊a'e sarangkanambone udde maola'a sasamba itattambunna hunan ririnu. Ayub sarun umal᷊iomanni yamiu wuṛṛu aal᷊iomanne sarun daringiṛṛang-Ku. I yamiu tawe Ta'u pansilianna, salaiwe i yamiu ṛinone manengkamma ṛuumanna. I yamiu tawe namasingkattu watti'a ṛinone su ola'u watangng-Ku, arawe i Ayub namasingkattu olangnge udde.”

AMSAL 18:5

Dal᷊eo manamba'a taumata lal᷊eo wuṛṛu mangallangnga taumata tawe sal᷊ane.

AMSAL 21:27

Mawu tawe lumuassu sasamban taumata lal᷊eo, nangillembote amungkangngu ionggolla ringannu naungnga lal᷊eo.

YEREMIA 3:12

Mawu nandolo'u inai mamasingkattu olangnge indi su Israel: “Ei Israel apan mal᷊awangnga, pabbelengke ringang-Ku! I Ya'u napenen aakkanna wuṛṛu mangke sidutu massa'u si yamiu.

YEREMIA 6:20

Ipa'ura amania apan iapiddi mangitou si Ya'u wuassu Syeba, ara'e manga rampa-rampa wuassu wanua marau? Tawe maola'a i Ya'u manengkamma sasamba mangitou. I Ya'u maddiri manga sasamba itattambunna wuassi mangitou.

MIKHA 7:18

Tawe Duata waine ere I'o, oh Mawu, apan nangampungnga rosan umatta apan nipile-Nu apan lambene. Tawe saran mal᷊annu-l᷊annu I'o masa'u; arawe mawal᷊ia, I'o mal᷊uassa mapal᷊iatta'u darangngu-Nu apan tawe pattaal᷊anne udde.

MALEAKHI 1:10

Mawu Apan Lembontaṛṛino nabbisara, “Mappianne ngaran Wal᷊e-U irṛṛudda, ana waugu tawe gunane i yamiu mande'omma putungnga su wowon mezbah-U. I Ya'u tawe mal᷊uassa si'o, wuṛṛu maddiri manengkamma sasambanu.

MALEAKHI 1:13

Wisarannu, ‘I ite nawusate ringannu sarangkanambone udde’, wuṛṛu i yamiu mangngaddio'a si Ya'u. I yamiu mangngapiddu winatangnga apan nita'o, winatangnga apan lome ara'e maradda'a tadea'u ionggolla si Ya'u. Su ṛingiddi yamiu i Ya'u manengkamma sasamba udde?

MALEAKHI 1:8

Amungkangngu i yamiu mangonggollu sasamba si Ya'u winatangnga apan wuta, apan maradda'a ara'e lome, wal᷊inewe udde inolaanna apan nassal᷊a? Annama'o pangonggollu winatangnga ereudde su gubernure! Apa i tou sarun mal᷊uassa wuṛṛu ma'ola'a si yamiu ringannu mapia?”

REENGANNA 32:23

Arawe paanaunge, amungkangngu i yamiu tawe nanipussapa'airenu, i yamiu na'ola'a rosa su saruannu Mawu wuṛṛu sarun iṛṛuumanna ana waugu rosanu udde.

WATTI'U MANGA RASUL 10:35

Taumata apan matta'uttu Ruata wuṛṛu ma'ola'a apapia, taumata udde sengkamannu Ruata, tawe mamile i tou wuassu walahannu apa.

ROMA 12:1

Manga tuṛṛangnga! Ruata tumaniten mapia si ite. Ana waugu udde ya'u sumal᷊ande si yamiu ringannu ahewallu naungnga tadea'u i yamiu manantillu wadangngi yamiu maola'a sambau sasamba apan wiakka su Ruata sassane wuṛṛu maal᷊uassa naung-Nge. Patataṛṛamawunu su Ruata ṛinone lai aroddi.

ROMA 14:18

Taumata apan mangngimbe Kristus olangnge aroddi, taumata udde maal᷊uassa naungngu Ruata, wuṛṛu aadatannu taumata waine.

ROMA 15:16

I Tou buatte na'ola'a si ya'u mangangimben Kristus Yesus tadea'u irolokka su manga walahanna apan wal᷊ine Yahudi. Wuṛṛu i ya'u naola'a sangkatou imam, apan mammasingkattu Watti'u Al᷊al᷊uassa wuassu Ruata, tadea'u manga taumata apan wal᷊ine Yahudi maola'a sambau sasamba su Ruata apan wotongnge sengkamanni Tou. Doronganna Ghaṛṛahon Duata ma'ola'a si mangitou sambau sasamba apan apianne su Ruata sassane.

ROMA 6:12

Ariete lai mapaawalan rosa mamarenta pabbiaṛṛanna su runia tadea'u i'o tate tumuṛṛutta apulu apan lal᷊eo.

ROMA 6:16

I yamiu masingkatte manungku amungkangngu yamiu manantillu watangannu su sangkatou ipa'ola'a apulune, ne ete yamiu udde allangngu taumata apan tattuṛṛutanni yamiu – tanne allangngu rosa apan nangapiddi yamiu su papate, ara'e allangnga apan tuttuṛṛutta Ruata, wuṛṛu ringannu aroddi sarun maaukka apia ringannu Ruata.

EFESUS 1:6

Dalo su Ruata apan mawantuga, ana waugu sulal᷊ummu Anang-Nge apan arangnguanna, i Tou lembon marangngu si ite.

1 TIMOTIUS 5:4

Arawe amungkangu sangkatou wawine wal᷊u pia al᷊aṛṛana'a ara'e manga pulunna, ete i mangitou udde apan paarorone onggol᷊annu tatantiro manungku i mangitou ṛinone ma'ellega lal᷊ummu wal᷊en mangitou, wuṛṛu mabbal᷊issa apapian timmade wuṛṛu iupungngi mangitou. Ana waugu pallal᷊agu udde maal᷊uassa naungngu Ruata.

IBRANI 11:4

Ana waugu mangngimanna, ne i Habel nangonggolu sasamba apan apianne su Ruata wuassu aonggoli Kain. Ana waugu pangangimanne udde, Habel tinarimmatu Ruata naola'a sangkatou taumata apan mapia, ana waugu nilumiatta'e manungku Ruata nanengkamma aonggole. I Habel natete, arawe ana waugu pangangimanne udde, ne i tou ta'e uahahatto sara orassa indi.

YAKOBUS 1:15

Wua'udde, amungkangngu apulune apan lal᷊eo udde tuṛṛutanna, ne lumappute rosa; wuṛṛu amungkangu rosa nahurangke, ne inul᷊eanne papate.

1 PETRUS 2:5

I yamiu naal᷊ihida manga watu apan wiakka. Ana waugu udde ṛinone i yamiu pia apulu ipaatta ipa'ola'a Wal᷊en Duata apan pia ghaṛṛaho. Ringannu aroddi yamiu naola'a manga imam, apan mabbiakka tumba'u hunane su Ruata, wuṛṛu sulal᷊ummi Yesus Kristus mangonggola su Ruata, sasamban pangangimanna apan ipaapulun Duata.