PANDARIADDI 4:4 - WUKE SUSI WATTI'U AL᷊AL᷊USASSA

⁴ Ana see i Habel nanganu ana'u domba pahul᷊une sambau wuassu manga dombane, niṛṛata, ana see nangonggollu wageangnge apiane su Mawu. Mawu mal᷊uassa si Habel wuṛṛu aonggolle,

PANDARIADDI 4:4 Iomraidhean Croise

PANDARIADDI 15:17

Napawe allo ṛabbite, inaṛṛombanganne nilumapputta sambau sunggilla apan pia timbulle wuṛṛu sasol᷊oanna apan luṛṛenggamma, ana see sinumabbi su wallattu manga ṛemessa apan buatte niwa'a udde.

PANDARIADDI 4:3

Manga pira tempo wua'udde i Kain nanganu sangkawageanganna wuassu inasaharanne ana see nionggolla su Mawu.

1 MARARATU 18:24

Wala'e manga nabi udde umal᷊iomanna su manga monganni mangitou, wuṛṛu i ya'u lai sarun umal᷊iomanna su Mawu. Apan sumimbakka ringannu mangirimmu putungnga, ete i Tou Ruata.” Awadaalla sinumimbakka ringannu tingikka ma'ikkatta, “Aroddite!”

1 MARARATU 18:38

Ana see Mawu nangirimmu putungnga wuassu langitta wuṛṛu nanoṛṛobba na'oman sara nepodda sasamba udde suaddio'a ringannu alune, manga watune wuṛṛu letangnge see nilumewa ua'e su hote udde na'oman sara nasue.

1 TAWARIKH 21:26

Ana see i Daud napararisikku sambau mezbah Mawu isudde, wuṛṛu nangonggolu sasamba itattambunna see lai sasamban paddarame. Wua'udde i tou inumal᷊iomanna ne Mawu sinumimbakka aal᷊iomanne udde ringannu nanossokku putungnga wuassu langitta apan nanutungnga manga sasamba apan uarandanga su mezbah udde.

2 TAWARIKH 7:1

Napawe i Ratu Salomo buatte niumal᷊iomanna, putungnga niumonto'a wuassu langitta nanutungnga manga sasamba apan nionggola su Mawu. Ana see semakku darantan Mawu namene Wal᷊en Mawu udde,

DARALO 20:3

Antimanna i Tou nangonggollu sasumbala wuassu Wal᷊en-Ne, wuṛṛu mangonggolu aontola wuassu Wuiddu Sion.

SASABANGNGA 13:12

i yamiu ṛinone mangonggolu ana'a esakka pahul᷊une wuṛṛu suapan binatangnga esakka apan niasungkangnga paarorone. Sarangkanambone udde tatahuanannu Mawu,

AMSAL 3:9

Pangaddate Mawu ringannu mangonggolla si Tou sambau saranapa apan apianne wuassu al᷊awo'u darotongnga wuṛṛu hessin sasuannu,

MANNANASE 4:4

I ya'u masingkatta lai manungku taumata mammanara aroddi asahadde, tumba'u ana waugu naungnge lal᷊eo maasilo hessin manaran al᷊indonganne. Sarangkanambone udde atonna tawe gunane ere manara mangngenggenna anginna.

IMAMATTA 9:24

Inaṛṛombanganne Mawu nanossokku putungnga apan nanutungnga na'oman sara nasue sasamba itattambunna wuṛṛu manga wageangnge apan pia tawane su wowon mezbah. Su tempo ṛuangannu Israel naasilo i mangitou mangngintul᷊i wuṛṛu apiddu nassubba.

REENGANNA 16:15

I Musa mangke nasa'u wuṛṛu nabbisara su Mawu, “Mawu arie manengkamma aonggoli mangitou. Tawe saran paassa i ya'u namaddon sangkatou suwallati mangitou; ewe'e keledai sambau lai ya'u tawe nanganu wuassi mangitou.”

REENGANNA 16:35

Ana see Mawu nandantan putungnga nanoṛṛobba 250 su atoune apan nangonggolu sasamba amania udde.

REENGANNA 18:12

Ta'u ionggola si'o sarangkanambone apan apianne wuassu pangitinganna paarorone apan ionggolu taumatan Israel si Ya'u suapan tonna, eteudde lanan zaitun, ua'e anggore wuṛṛu gandumma.

REENGANNA 18:17

Arawe sapi, domba wuṛṛu ambinga apan paarorone niasungkangnga, tawe wotongnge tubbusanna. Winatangnga udde tumba'u si Ya'u wuṛṛu ṛinone ionggola sasamba. Daṛṛane i wokka'a su mezbah wuṛṛu tambuna'a tawane maola'a sasamba. Hal᷊urune ma'al᷊uassa naung-Ku.

IBRANI 11:4

Ana waugu mangngimanna, ne i Habel nangonggolu sasamba apan apianne su Ruata wuassu aonggoli Kain. Ana waugu pangangimanne udde, Habel tinarimmatu Ruata naola'a sangkatou taumata apan mapia, ana waugu nilumiatta'e manungku Ruata nanengkamma aonggole. I Habel natete, arawe ana waugu pangangimanne udde, ne i tou ta'e uahahatto sara orassa indi.

IBRANI 9:22

Atonna tumuṛṛuttu titan agama Yahudi, al᷊awo'u sarannapa a'ukkasannu ṛaṛṛa; wuṛṛu rosa tumba'u wotongnge aampunganna ringannu mapaaturon ṛaṛṛa.

SONDAPPA 13:8

Winatangnga udde sarun subbannu anambon taumata apan mabbiakka su wowon runia indi, tabbene'e manga taumata apan aranne niwoṛṛeta tantal᷊anna runia indi taambe nariaddi, sulal᷊ummu wuken taumata wiakka pussa'an Ana'u Domba apan suete nipototta.

MAL᷊AṚṚUUNGNGA 6:21

Wua'udde mala'ekattu Mawu udde nangul᷊ukku limane ana see ringannu pentakku alu apan aagasanne, i tou nangeṛetta ṛemessa wuṛṛu roti udde. Watu udde niṛumenggamma lapiddu nasue natutungnga ṛemessa wuṛṛu roti udde. Ana see mala'ekatta udde nawul᷊ite.

1 SAMUEL 15:22

Arawe i Samuel nabbisara, “Suapane apan lembon ipaapulu Mawu, atatuṛṛutta ara'e sasamba? Atatuṛṛutta su Mawu mappianne wuassu mangonggollu sasamba. Mararingikka mappianne wuassu tawan domba.