PANDARIADDI 4:10 - WUKE SUSI WATTI'U AL᷊AL᷊USASSA

¹⁰ Ana see Mawu nabbisara, “Anio i'o ma'ola'a inolaanna apan maata'utta udde? Daṛṛan tuarinu uui si ya'u wuassu leta'a, naal᷊ihidda tingikka sussal᷊ande madorongnga wawal᷊inne.

PANDARIADDI 4:10 Iomraidhean Croise

PANDARIADDI 18:20

Wua'udde Mawu nabbisara si Abraham, “Pia aalae apan wahewalla su Sodom wuṛṛu Gomora, wuṛṛu atonna paddarosa mangitou tumaniten manambo.

PANDARIADDI 3:13

Ruata naiwal᷊o wawine udde, “Anio i'o na'ola'a udde?” Sasimbakke, “I ya'u niwahiannu atoanna, na'oman sara i ya'u niumanna wua'udde.”

PANDARIADDI 9:5

Suapan taumata wuṛṛu winatangnga apan namate taumata sarun Ta'u iṛṛuumanna pateanna.

2 TAWARIKH 28:9

Sangkatou Nabi Mawu aranne i Oded uatana'a su Samaria. Sutempo tantaran Israel nabelengnga uaapiddu taumata niatawanna wuassu Yehuda, Oded naisasomban mangitou sutempo i mangitou sumuttate su soa. I tou nabbisara, “I yamiu buatte namaddon taumatan Yehuda ana waugu Mawu Ruatan al᷊amonanu nasa'ute si mangitou. Arawe Mawu naddaringikka tumaniten maṛṛagissa i yamiu namate tantaran Yehuda udde.

AYUB 16:18

Ei runia, al᷊al᷊eo maṛṛia'a si ya'u arie pabbunia'a; arie pallannawa'a aintul᷊i'u maddorongnga atatul᷊idda.

AYUB 24:12

Su manga soa aaringiṛṛanna aintul᷊in taumata maraniten mate, manga taumata nal᷊essa u'ui maddorongnga maiundamma, arawe Ruata tawe maddaringikka aal᷊iomanni mangitou; I tou maddiri mappandumma.

DARALO 50:21

Eteudde apan niolangngu, arawe i Ya'u tumba'u mal᷊annaba, nariaddi su ṛingirannu i Ya'u ere lai i'o. Arawe orassa indi i Ya'u mapasal᷊anu, wuṛṛu sarangkanambone udde Ta'u iapal᷊iatta'a si'o.

DARALO 72:14

I Tou namallosi mangitou wuassu pangangallanga wuṛṛu araṛagissa, ana waugu wiakki mangitou tumaniten maarega si tou.

DARALO 9:12

Paddalote Mawu apan uaparenta su Sion! Wattia'e inolaan-Ne su manga walahanna!

DARALO 9:13

Ana waugu i Tou uanaungnga taumata apan uatatarangnga wuṛṛu tawe maabul᷊in sasal᷊iomanni mangitou; taumata apan lullawangnga sarun iṛṛuuman-Ne.

SASABANGNGA 3:7

Ana see Mawu nabbisara, “I Ya'u naasilo al᷊aṛṛana'u uatataṛṛangnga su Mesir, wuṛṛu naaringikke i mangitou u'ui mai'ipallossa wuassu manga taumata apan mangngallangnga si mangitou. I Ya'u mangke masingkattu anambon asasusa mangitou.

YESAYA 5:7

Ana waugu waillu anggoru Mawu Apan Lembontaṛṛino uddewe umattu Israel, wuṛṛu manga taumatan Yehuda uddewe punnu anggore apan nisuan-Ne. Wuassi mangitou i Tou uaantimma atatul᷊idda, arawe tumba'u pia araṛṛagissa. I Tou uaantimma i mangitou mandisikku apapia, arawe tumba'u pia sasal᷊iomanna maddorongnga atatul᷊idda.

REENGANNA 35:33

Amungkangngu inolaanni yamiu aroddi, yamiu mandal᷊eo leta'a apan wawanuanni yamiu. Pamamate maal᷊al᷊eo wanua; nariaddi tawe dal᷊anne waine ipamaresi wanua udde tumba'u ringannu manawutta niawan taṛṛa pate udde.

WATTI'U MANGA RASUL 5:3

Ne i Petrus nabbisara si tou, “Ananias, anio i'o namalan Setanna namiaṛṛa'u naungngu, na'oman sara i'o nangawusu Ghaṛṛahon Ruata, ringannu mal᷊anna-l᷊annaba nama'ungnga roitta ipaannu sassane sambageanganna roitta la'unnu leta'a udde?

WATTI'U MANGA RASUL 5:9

See i Petrus nabbisara si tou, “Anio i'o wuṛṛu awingngu na'ire mannal᷊u'atta Ghaṛṛahon Ruata? Padaringika! Manga taumata apan nallabingngu awingngu nabelengke. I mangitou sarun mangapiddu lai su liudde.”

TAHIUL᷊E 21:1

“Amungkangngu su wanua apan nionggolu Mawu Ruatanu si yamiu udde pia taumata apan niasombanganna nate nipate su wawail᷊anna wuṛṛu tawe niasingkattanna isai namate,

IBRANI 11:4

Ana waugu mangngimanna, ne i Habel nangonggolu sasamba apan apianne su Ruata wuassu aonggoli Kain. Ana waugu pangangimanne udde, Habel tinarimmatu Ruata naola'a sangkatou taumata apan mapia, ana waugu nilumiatta'e manungku Ruata nanengkamma aonggole. I Habel natete, arawe ana waugu pangangimanne udde, ne i tou ta'e uahahatto sara orassa indi.

IBRANI 12:24

I yamiu nirumanta sumaruanna Mawu Yesus, Uatangnga pa'aire apan wakku udde; i yamiu sumaruanna ṛaṛṛa wawokka apan wotongnge maola'a tatubbusu inolaanna apan lembon apianne wuassu apan nitubbusanu ṛaṛṛan Habel.

YAKOBUS 5:4

I yamiu tawe namaekka lal᷊antaku manga taumata apan mammanara su wawail᷊annu. Orassa indi paddaringikke sasal᷊iomanni mangitou! Manga taumata apan nangammullu wuan bawail᷊annu, mangngintul᷊i ma'iontolla wuṛṛu aintul᷊in mangitou na'omate su tal᷊ingan Duata, Ruata Lembon Mataṛṛino.

YOSUA 7:19

I Yosua nabbisara si Akhan, “Ana'u, panga'ute wuṛṛu wal᷊oa'e uahahati isindi su saruannu Mawu Ruatan Israel, sarangkanambone apan buatte niolangu. Wal᷊oa'e si ya'u, arie pabbunia'a.”

1 SAMUEL 13:11

arawe i Samuel naiwal᷊o, “Apate apan buatte niola'i Tuangnga?” I Saul sinumimbakka, “I ya'u naasilo manungku tumana'u soa mannattakke mannantangku, arawe i Papa taambe lai nirumanta sutempo apan buatte nitantunni Papa. Wuṛṛu lai taumatan Filistin uaammulle su Mikhmas.