PANDARIADDI 39:9 - WUKE SUSI WATTI'U AL᷊AL᷊USASSA

⁹ Isindi taṛṛino'u uasul᷊ungngu taṛṛinone. Tawe saran sambau apan tawe niapangimanna si ya'u tumba'u i Mama tawe. Ereapa wotongnge i ya'u ma'ola'a al᷊al᷊eo udde wuṛṛu marosa su saruannu Ruata?”

PANDARIADDI 39:9 Iomraidhean Croise

PANDARIADDI 13:13

Soa Sodom udde wawanuannu manga taumata apan tumaniten dal᷊eo wuṛṛu marosa su saruannu Mawu.

PANDARIADDI 20:3

Su sambau ṛabbi Ruata naipasilon batangan-Ne su ratu udde sulal᷊ummu wal᷊iawa, wuṛṛu nabbisara, “I'o sarun mate, ana waugu i'o buatte nanganu wawine udde; ana waugu i tou piate awingnge.”

PANDARIADDI 20:6

Ruata sinumimbakka sulal᷊ummu wal᷊iawa, “Atonna, i Ya'u masingkatta manungku i'o na ola'a udde ringannu naungnga waresi. Ana waugu udde i Ya'u naningaddu ma'ola'a rosa su saruang-Ku, wuṛṛu i Ya'u tawe mamalanu mamita wawine udde.

PANDARIADDI 20:9

Wua'udde i Abimelekh namago si Abraham wuṛṛu naiwal᷊o, “Apa apan buatte niolangngu su saruanni yami? Apa sal᷊a'u su saruannu, na'oman sara i'o nandantan asasilaka si ya'u wuṛṛu su araratuangku? Tawe suṛṛinone inolaannu aroddi su saruangku.

PANDARIADDI 24:2

Su allo sambau i Abraham nabbisarate allangnge atimmaranne, apan ual᷊u'adda alawo'u darotongnge, “Addoa'e limanu su wallatu palangku.

PANDARIADDI 39:10

Salaiwe mamiallo awingngi Potifar massal᷊o'i Yusuf, umbasanna udde sidutu madiri matiilla suadio'a ringanni tou.

PANDARIADDI 41:40

I'o sarun ta'u itenega maola'a gubernure, wuṛṛu tumana'u sarangkanambone sarun tumuṛṛutta parentanu. Tumba'u i ya'u apan lembon uataṛṛino wuassi'o.”

PANDARIADDI 42:18

Su allo atallune i Yusuf nabbisara si mangitou, “I ya'u taumata apan matta'utta wuṛṛu matuṛṛutta Ruata. I yamiu sarun ta'u ipallossa ringannu sambau pa'aire.

2 SAMUEL 11:27

Wua'udde napawe nasuete tempon lullal᷊o, i Daud nandolokka niapaal᷊appa wawine udde iapidda watukku wal᷊en araratuanna, ne i tou naola'e awingngi Daud. Manga pira wul᷊anna wua'udde i tou nangunsiwete sangkatou ana'a esakka. Arawe Mawu tawe mal᷊uassa su inolaanni Daud udde.

2 SAMUEL 12:13

Ana see i Daud nabbisara si Natan, “I ya'u buatte na'ola;'a rosa su saruannu Mawu.” I Natan sinumimbakka, “Mawu buatte nangampungnga pasasal᷊an Tuangnga; nariaddi i Tuangnga tawe mate.

NEHEMIA 5:15

Manga gubernure dorone wuassia'u, buatte naola'a winabbawan tumanangnge na'oman sara i mangitou maddorongnga 40 roitta sal᷊a'a massallo hunan anna wuṛṛu anggore. Ewe'e lai manga mamanaran mangitou mangngallangnga tumanangnge. Arawe i ya'u maddiri ma'ola'a aroddi ana waugu i ya'u matta'uttu Ruata.

NEHEMIA 6:11

Arawe i ya'u sinumimbakka, “I ya'u indi wal᷊ine taumata apan apulune tuttal᷊angngu watanganne. Ere sangkatou taumata wiasa i ya'u tawe wotongnge sumutta su Wal᷊en Mawu, takkudde i ya'u mate. Tawe, i ya'u maddiri!”

AYUB 31:23

I ya'u sarun tawe ma'ola'a aroddi, ana waugu ṛuumannu Ruata tumaniten maata'utta naungku.

DARALO 51:4

Ukkasawe al᷊awo'u al᷊al᷊eo; waresiwe i ya'u wuassu rosa'u.

SASABANGNGA 20:14

Imbaṛṛangnga sumandaga.

AMSAL 6:29

Udde asasilakane nassul᷊ungngu mattiilla ringannu awingngu taumata waine. Isai apan ma'ola'a inolaanna udde tawe mal᷊iu wuassu ṛuumanna.

AMSAL 6:32

Arawe ereapate su manga esakka apan sussandaga? I tou manggohakku watanganne sassane! Tumanitewen boddo i tou!

MANNANASE 7:26

I ya'u naasingkatta manungku wawine mappettana wuassu papate. Darangngun bawine ere soma wuṛṛu sedda apan nariahite manemetta pabbawiakke. Laṛṛa'umme ere tal᷊i apan uaṛṛapussa masagadda. Taumata apan mappaamattu apulun Duata mal᷊iu wuassu seddane, arawe taumata marosa sarun asametanne.

YEREMIA 28:16

Ana waugu udde Mawu sassane nabbisara manungku i'o sarun iapawul᷊i wuassu runia. Tonna indi lai i'o sarun nate, ana waugu i'o buatte nandolokku walahanna indi lumawangnga Mawu.”

YEREMIA 50:7

I mangitou nitalliwunanna wuṛṛu nisansaran anambon taumata apan nassomba mangitou. Manga seettu uma-U mabbisara, ‘Apa apan niola'i ite, tawe sal᷊ane, ana waugu manga taumata udde narosate su lantakku hati Mawu. Al᷊amonan mangitou mangngimanna Mawu, nariaddi ṛinone lai i mangitou sidutu satia si Tou.’

IMAMATTA 20:10

Amungkangngu sangkatou Israel sinumandaga ringannu awingngu taumata sambalahanne, i tou wuṛṛu wawine udde ṛinone iṛṛuumanna pateanna.

REENGANNA 32:23

Arawe paanaunge, amungkangngu i yamiu tawe nanipussapa'airenu, i yamiu na'ola'a rosa su saruannu Mawu wuṛṛu sarun iṛṛuumanna ana waugu rosanu udde.

LUKAS 12:48

Arawe mangangimbe apan masingkattu apulu mawune, wua'udde na'ola'a sambau apan nassal᷊a ma'oman sara puul᷊anna, tumba'u puul᷊anna masi'ome. Ana waugu taumata apan suete nionggol᷊annu manambo wuassi tou sarun padoronganna lai manambo. Wuṛṛu taumata apan suete nipangimananna masokka, wuassi tou lai sarun padoronganna masokka lai.”

1 KORINTUS 4:2

Paarorone apan ṛaddeaanna wuassu mangangimbe aroddi, eteudde manungku i tou matuṛṛuta mawune.

TITUS 2:10

ara'e manna'o. Ṛinone i mangitou mapaal᷊iatta'a manungku i mangitou siddutu uatana'a mapia wuṛṛu matammuda, tadea'u ringannu pallal᷊agu mangitou udde taumata maddalo al᷊aṛṛa'u Ruata, Punnu Sal᷊amatti ite.

IBRANI 13:4

Anambon taumata ṛinone mamasilon addatta su pa'a'awingnga, ana waugu udde ṛinone sangkawinganna warararingikka sangkatou ringannu waine. Taumata apan lal᷊eo wuṛṛu taumata masandaga sarun parikisannu Ruata.

1 YOHANES 3:9

Taumata apan naola'e Ana'u Ruata, tawe sidutu ma'ola'a rosa, ana waugu pallal᷊agun Duata sassane tatahuananni tou. Wuṛṛu ana waugu Ruata udde Iamangnge, ne i tou tawe siddutu ma'ola'a rosa.

SONDAPPA 21:8

Arawe taumata matal᷊o, taumata mandalal᷊eo, taumata mawunga, taṛṛa pate, taumata masandaga, taumata apan mappaattu wal᷊i'i mata, massubba paal᷊uanna, wuṛṛu taṛṛa wahia, sarun iramme sulal᷊ummu tahal᷊oangngu putungnga wuṛṛu belerangnga apan lukkenggama, eteudde papate aruane.”

SONDAPPA 22:15

Arawe manga taumata apan ma'ola'a pallal᷊agu lal᷊eo, taṛṛa wal᷊i'i mata, manga taumata sussandaga, taṛṛa pate, masasubba paal᷊uanna, wuṛṛu manga taumata taṛṛa wahia, mapia ringannu wisara ara'e lai ringannu pallal᷊agu, anambon taumata udde tampane su liuddu soa udde.