PANDARIADDI 39:5 - WUKE SUSI WATTI'U AL᷊AL᷊USASSA

⁵ Nanattaka orassa udde, ana waugu i Yusuf, Mawu nangal᷊amatta amonannu taumatan Mesir udde wuṛṛu sarangkanambone apan tatahuananne, mawae ete su wal᷊en ara'e su wawail᷊anna.

PANDARIADDI 39:5 Iomraidhean Croise

PANDARIADDI 12:2

I ya'u sarun mangonggolla si'o papapulunna apan manambo wuṛṛu i mangitou sarun maola'a walahanna apan bahewalla. I ya'u sarun mangal᷊amatta si'o wuṛṛu arannu mabbal᷊i tumelengnga, ma'oman sara i'o maola'a al᷊amatta.

PANDARIADDI 19:29

Etearoddi, napawe Mawu Ruata nanoṛṛoba manga soa udde su wawal᷊anna tatanaanni Lot, Mawu Ruata naanaungnga si Abraham wuṛṛu nantul᷊ungngi Lot tinumal᷊angngu watanganne.

PANDARIADDI 30:27

I Laban nabbisara si tou, “Paddaringikka asuene; i ya'u naasomba sondappa manungku Mawu buatte nangal᷊amatta si ya'u ana waugu i'o.

DARALO 21:6

Ana waugu tul᷊ungannu Mawu i tou nabbal᷊i aadatanna, I'o na'ola'a si tou tinumelengnga wuṛṛu mawantuga.

DARALO 72:17

Antimanna arannu ratu sidutu nanaunganna saran mal᷊annu-l᷊annu, wuṛṛu tumelengke saran matannallo ta'e pia. Antimanna manga walahanna madoronga al᷊amatanna ere i tou, wuṛṛu anambon taumata mannagone lal᷊umanna'a.

WATTI'U MANGA RASUL 27:24

Mala'ekatta udde nabbisara, ‘Arie pa'ata'utta, Paulus! Ana waugu i'o sarun sumaruanna si Kaisar. Wuṛṛu ana waugu wuassu apapia naungngu Ruata si'o, anambon taumata apan uasa'e apalla suadio'a ringannu sarun masal᷊amatta ana waugu i'o lai isudde.’

EFESUS 1:3

Dalo su Ruata, Iamangngu Mawun kite Yesus Kristus! I Tou nangal᷊amatta si ite ringannu al᷊awo'u al᷊amattu Ruata sulal᷊ummu surga, ana waugu i ite uaaukka ringanni Kristus.