PANDARIADDI 39:3 - WUKE SUSI WATTI'U AL᷊AL᷊USASSA

³ Tuangnge naasilo manungku Mawu nantul᷊ungngi Yusuf wuṛṛu ana waugu udde i Yusuf mahessi su al᷊awo'u manara apan mammanaranne.

PANDARIADDI 39:3 Iomraidhean Croise

PANDARIADDI 21:20

Ruata uarundinganna si Ismael. Ana'a udde mallannu magewalla, i tou uawanua su wadda'u Paran, wuṛṛu naola'a matataṛṛiasu apandeanne.

PANDARIADDI 21:22

Su tempo udde i Ratu Abimelekh wuṛṛu i Pikhol, tembonannu tantarane, nirumanta ringanni Abraham wuṛṛu nabbisara, “Ruata nantul᷊ungngu sulal᷊ummu al᷊awo'u inolaannu.

PANDARIADDI 21:23

Ana waugu udde, passalute isindi su saruannu Ruata, manungku i'o tawe mandal᷊eo si ya'u, ara'e su al᷊aṛṛana'u, ara'e lai su papapulungku. Ere lai inolaangku mapia si'o, pa'ola'a aroddi lai si ya'u wuṛṛu su wanua apan wawanuannu indi.”

PANDARIADDI 26:24

Su ṛabbi udde Mawu naipasilon batangan-Ne si tou wuṛṛu nabbisara, “Ete i Ya'u Mawu Ruatan iamangngu Abraham. Arie pa'ata'utta; i Ya'u sarun mallu'adda si'o. I Ya'u sarun mangal᷊amatta si'o wuṛṛu mangonggollu papapulunna apan manambo si'o ana waugu pa'aire-U si Abraham allang-Ku.”

PANDARIADDI 26:28

Ana see i mangitou sinumimbakka, “Orassa indi yami masingkatte manungku Mawu ual᷊u'adda si'o wuṛṛu tumuṛṛuttu addapati yami, mappianne i ite ma'ola'a pa'aire. Passalute

PANDARIADDI 30:27

I Laban nabbisara si tou, “Paddaringikka asuene; i ya'u naasomba sondappa manungku Mawu buatte nangal᷊amatta si ya'u ana waugu i'o.

PANDARIADDI 30:30

Tantal᷊anna i ya'u taambe nirumanta, dorotongngi Papa tawe tumannite manambo, arawe orassa indi Papa nabbal᷊ite ala. Mawu buatte nangal᷊amatta si Papa ana waugu i ya'u. Orassa indi temponete i ya'u mammanara su amonangku sassane.”

PANDARIADDI 39:2

Mawu nantul᷊ungngi Yusuf na'oman sara i tou sidutu ma'auntunga sulal᷊ummu al᷊awo'u manarane. I tou uatana'a su wal᷊en mawune, taumatan Mesir udde.

PANDARIADDI 39:21

Arawe Mawu nantul᷊ungngi Yusuf wuṛṛu sidutu marangngu si tou, na'oman sara tembonannu tutupanna marangngu si tou.

PANDARIADDI 39:23

Tembonannu tutupanna udde tate lai mallu'adda al᷊awo'a apan buatte nipangimanna si Yusuf, ana waugu Mawu mantul᷊ungngi si tou na'oman sara i tou mahessi su al᷊awo'u manarane.

2 MARARATU 18:7

Ana waugu udde Mawu sidutu mantul᷊ungngi tou na'oman sara i tou pia gessine su al᷊awo'u inasaharanne. I tou namangalo ratun Asyur, wuṛṛu maddiri massubba si tou.

1 TAWARIKH 22:13

Amungkangu i'o matuṛṛutta su anambon tita apan nionggolu Mawu si Musa su walahannu Israel, i'o sarun maasomba auntunganna. I'o ṛinone pia pangangimanna wuṛṛu waṛṛani. Imbaṛṛangnga mata'utta sumaruanna al᷊awo'u hal᷊ahe.

1 TAWARIKH 9:20

I Pinehas ana'i Eleazar – doronganna Mawu mallu'adda si tou! – supaassa buatte namiaṛṛa'i mangitou.

2 TAWARIKH 1:1

Salomo ana'i Daud naola'e ratu apan matohassa pamamarentane sulal᷊ummu araratuannu Israel. Mawu Ruatane nangal᷊amatta si tou wuṛṛu na'ola'a si tou lembon uataṛṛino.

2 TAWARIKH 26:5

Zakharia eteudde sangkatou mananantiro su pangangimanne. Su al᷊o'engngu i Zakharia ta'e mabbiakka, Uzia ringannu matuṛṛutta mattaṛṛamawu Mawu na'oman sara Mawu nangal᷊amatta si tou.

NEHEMIA 2:20

I ya'u sinumibakka, “Ruata tembonanne su surga sarun ma'ola'a manaran kami mahessi. I yami uddewe manga allang-Nge wuṛṛu i yamiu manattakke mapararisikka. Arawe i yamiu tawe taṛṛino ara'e pussa'a saran sambau su Yerusalem. Ewe'e lai amungkangngu pia taumata mabbisara su ola'u Yerusalem, arannu tate lai isaggo.”

DARALO 1:3

Taumata udde masomakka sulal᷊ummu al᷊awo'u pinitanne; i tou naal᷊ihidda aaluanna su winggin sal᷊ukka apan mabbua sutempone wuṛṛu ronganne tawe tumolangnga.

ZAKARIA 8:23

Su manga allo udde siri mapul᷊o taumata raho sarun dumanta ringannu sangkatou taumatan Yahudi wuṛṛu mabbisara, ‘I yami mappulu maauntunnga ere i yamiu; ana waugu i yami naaringikka manungku Ruata nangal᷊amatta si yamiu.’ ” Mawu Apan Lembontaṛṛino buatte nabbisara.

MATIUS 5:16

Aroddi lai asasemakku ṛinone lai lumansiangnga su saruannu taumata, tadea'u i mangitou maasilo al᷊awo'u pallal᷊agunu apan mapia, wua'udde padalote Ruata su surga.”

1 KORINTUS 16:2

Su allo paarorone suapan allo misa, ṛinone tuṛṛangnga sarangkanambone maṛṛaen roitta, sambau-sambau tumuṛṛuttu asombangi tou. Addoa'e roitta udde ma'oman sara i ya'u rumanta, tadea'u orassa udde lai tate madea'a mangammula.

TAHIUL᷊E 2:7

Paanaungete ereapa Mawu Ruatanu buatte nangal᷊amatta si yamiu su al᷊awo'u manaran kamiu. I Tou nappaddul᷊i tantal᷊anna mammal᷊intaddu wadda'a apan mal᷊alangnga indi. I Tou ual᷊u'adda si yamiu al᷊annune appatu pul᷊o su tonnane indi, wuṛṛu nangonggolu saranapa apan pappandumanni yamiu.

YOSUA 1:9

Naunge, i Ya'u buatte namarenta si'o tadea'u i'o atonna-tonna mangimanna wuṛṛu waṛṛani! Imbaṛṛanga i'o mata'utta ara'e alal᷊eoannu ikkata, ana waugu i Ya'u Mawu Ruatanu uṛundingnna su al᷊awo'u tampa a'amatannu.”

SONDAPPA 3:9

Naungete indi: Manga taumata apan naola'a walahannu Setanna udde, manga taṛṛa awusu apan mangnga'u watanganne Yahudi wutte'e wal᷊ine, sarun Ta'u olaanna ma'oman sara i mangitou rumanta umal᷊intudda su saruannu. Wuṛṛu i mangitou sarun maasingkata manungku i Ya'u marangngu si yamiu.

1 SAMUEL 18:14

I tou mammanara ringannu mapia, ana waugu Mawu mantul᷊ungngi tou.

1 SAMUEL 18:28

Etearoddi i Saul naatutukka manungku i Daud lal᷊u'arannu Mawu see lai i Mikhal ana'i Saul maṛṛuala marangngu si tou.

1 SAMUEL 3:19

I Samuel a'atambanna ahewalle. Mawu uarundinganna si tou wuṛṛu na'ola'a anambon wisaran Samuel udde atonna matipussa.