PANDARIADDI 37:2 - WUKE SUSI WATTI'U AL᷊AL᷊USASSA

² wuṛṛu ete indi watti'u amonanni Yakub. Su tempo i Yusuf, ana'i Yakub uukke mapul᷊o pitu su tonnane, i tou uapadul᷊i ammul᷊annu ambinga domba suadio'a ringannu manga iaangnge, eteudde ana'i Bilha wuṛṛu i Zilpha, ruan katou awingngu iamangnge waine. I tou nangalae su iamangnge inolaanna lal᷊eo apan niola'u manga iaangnge.

PANDARIADDI 37:2 Iomraidhean Croise

PANDARIADDI 10:1

Ete indi papapulunnu al᷊aṛṛana'i Nuh, eteudde i Sem, i Yafet wuṛṛu i Ham. Napawe buatte nammanawangnga, i mangitou siri tallu naasomba ana'a esakka.

PANDARIADDI 2:4

Eteudde watti'u pandariaddi ul᷊il᷊im pati'uppa. Su tempo Ruata na'ola'a ul᷊il᷊in pati'uppa,

PANDARIADDI 30:4

Ana see i tou nangonggolli Bilha su awingnge, wuṛṛu i Yakub natatambaten allangnga udde.

PANDARIADDI 30:9

Napawe i Lea naatutukka manungku i tou tate maasomba ana'a apia, i tou nangonggolu allangnge eteudde i Zilpa, si Yakub maola'a awingnge.

PANDARIADDI 35:22

Tantal᷊anna i mangitou uatana'a su tampa udde i Ruben natiilla ringanni Bilha, awingngu iamangnge su liudde. Olangnge udde niasingkatanni Yakub, wuṛṛu i tou nasa'u atonna. I Yakub uatahuanna siri mapul᷊o dua ana'a esakka.

PANDARIADDI 42:8

Salaiwe i Yusuf naaillal᷊a manga iaangnge, arawe i mangitou tawe naaillal᷊a si tou.

PANDARIADDI 45:6

Orassa indi wakkute tonna aruane wuassu tempon ṛutumma, wuṛṛu al᷊annune lima tonna lai taumata tawe mamasolla ara'e mangitingnga.

PANDARIADDI 46:34

wal᷊oa'a si tou manungku i yamiu indi mamamadul᷊i winatangnga ro'en ta'e maradio'a, naal᷊ihidda al᷊amonan kamiu. Ringannu aroddi tou sarun mandolokki yamiu matana'a su wageangngu leta'u Gosyen.” I Yusuf namasingkatu olangnge udde ana waugu taumatan Mesir mammendamma addio'a maggahawen manga mallal᷊u'adda winatangnga.

PANDARIADDI 5:1

Ete indi manga arannu papapulunni Adam. (Su tempo Ruata nandiaddi taumata, i Tou na'ola'a si mangitou ere lihiddu Ruata sassane.

PANDARIADDI 6:9

Ete indi watti'u pinabbiaṛṛanni Nuh. I tou pia ana'a esakka siri tallu, eteudde i Sem, i Yafet wuṛṛu i Ham. I Nuh tawe na'ola'a pasasal᷊a, wuṛṛu ete i tou sangkatou su wallatu taumata apan ma'ola'a apapia su tempo udde. I tou mabbiakka uaaukka ringannu Ruata.

YOHANES 7:7

Runia indi tawe marantinni yamiu. Arawe i Ya'u atonna-tonna ia'arantinnu runia, ana waugu i Ya'u sidutu mabbisara runia manungku inolaanne lal᷊eo.

1 KORINTUS 1:11

Ana waugu, manga taumata wuassu amonanni Kloë nangalae si ya'u manungku pia pattatiakka su wallatti yamiu.

1 KORINTUS 11:18

Paarorone i ya'u naaringikka, manungku sulal᷊ummu ammul᷊anni yamiu pia manga ammul᷊anna apan uatatiakka. Wuṛṛu i ya'u maṛṛangngo manungku mannamboanna watti'a udde atonna.

1 KORINTUS 5:1

I ya'u atonna buatte naaringikka alae manungku su wallatti yamiu pia pallal᷊agu sussandaga apan nipangillembo; Piaddu su wallatti yamiu apan sinumandaga ringannu uatangnge. Manga taumata apan wagga ma'illal᷊a Mawu lai maddiri ma'ola'a pallal᷊agu udde!