PANDARIADDI 35:2 - WUKE SUSI WATTI'U AL᷊AL᷊USASSA

^2-3 Ana see i Yakub nabbisara su amonanne wuṛṛu su anambon taumata apan suadio'a ringanni tou, “I ite inaite wua isindi mabatukku Betel. Isudde i ya'u sarun mapararisikku mezbahu Duata apan buatte nantul᷊ungku su tempon asasusa'u wuṛṛu apan buatte nallu'adda su al᷊o'engngu amatangku. Nariaddi rammea'e paal᷊uannu manga monganna apan sasahipunannu; pa'ola'e lal᷊aghun pamamaresi wadangnga wuṛṛu palluṛṛeten laubba waresi.”

PANDARIADDI 35:2 Iomraidhean Croise

PANDARIADDI 18:19

I tou buatte Ta'u nipile tadea'u mamarenta al᷊aṛṛanangnge wuṛṛu papapulunne tadea'u tumuṛṛutta si Ya'u wuṛṛu ma'ola'a inolaanna mapia wuṛṛu matul᷊idda. Amungkangngu olange udde olaanni mangitou, al᷊awo'u pa'aire-U si Abraham sarun Ta'u tipusanna.”

PANDARIADDI 31:19

Tempo udde i Laban su wadda'a tantal᷊anna mammol᷊o wambul᷊un manga dombane, wuṛṛu ete su tempo udde i Rahel nanna'o paal᷊uanna mallal᷊u'adda amonanna darotongngu iamangnge.

PANDARIADDI 31:30

I ya'u masingkatta manungku i'o nangingkatta udde ana waugu i'o maapulu mapul᷊e. Arawe anio i'o nanna'o paal᷊uanna mallal᷊u'adda amonangku?”

PANDARIADDI 31:34

Tantal᷊ana udde i Rahel buatte nanganu paal᷊uanna udde wuṛṛu nitaṛṛo sulal᷊ummu pato'a aiananna su liuddu unta, wuṛṛu i tou sassane ua'ianna su aiananna udde. I Laban namarikissa ahewallu rasanni Rahel, arawe tawe naasomba paal᷊uanna udde.

PANDARIADDI 34:2

Napawe i Sikhem, ana'i Hemor taumatan i Hewi apan naola'a ratu su wageangnge udde naasilo si Dina, maṛṛuala udde tinal᷊angnge, ana see nilal᷊eon tou.

PANDARIADDI 35:22

Tantal᷊anna i mangitou uatana'a su tampa udde i Ruben natiilla ringanni Bilha, awingngu iamangnge su liudde. Olangnge udde niasingkatanni Yakub, wuṛṛu i tou nasa'u atonna. I Yakub uatahuanna siri mapul᷊o dua ana'a esakka.

2 SAMUEL 7:23

Su ahewallu runia tawe walahanna ere Israel. Israel sambau walahanna apan buatte nipallossu Mawu wuassu patataṛṛuallangnga tadea'u maola'a al᷊aṛṛanang-Ngu sassane. Al᷊awo'u inolaanna apan bahewalla wuṛṛu maatiangnga apan niolang-Ngu si mangitou, na'ola'a aran-Nu tinumelengnga su ahewallu runia. Manga walahanna waine suadio'a ringannu manga monganni mangitou buatte nilimbuaṛṛan-Nu sutempo al᷊aṛṛanang-Ngu inaite mapapangalo.

2 MARARATU 17:29

Arawe manga taumata apan uatana'a su Samaria udde sidutu mallanginnu paal᷊uanni mangitou sassane wuṛṛu niaddo sulal᷊ummu manga wal᷊en monganna apan buatte niapararisikku taumatan Israel apan dorone uatana'a isudde. Suapan ṛuanganna mallanginnu paal᷊uanne sassane su soa apan wawanuanni mangitou:

2 MARARATU 5:10

I Elisa nandolokku sangkatou allanga iapawisara arendi si Naaman, “Roote i Tuanga pandeno paapitu su Sal᷊ukku Yordan, ne i Tuanga sarun mapiate atonna.”

1 TAWARIKH 16:26

Manga mongannu walahanna waine tumba'u paal᷊uanna sassubbanna arawe Mawu uddewe nandiaddi winalanganna.

AYUB 1:5

Suapan andeangnga muddussa, i Ayub sidutu matimmpu'o maṛṛanggappa wuṛṛu mangonggollu sasamban manga anangnge tadea'u i mangitou ampungannu Mawu. Waugu i Ayub maṛṛingidda, wotongnge mariaddi al᷊aṛṛanangnge udde buatte na'ola'a rosa wuṛṛu mangngadio'a Ruata ringannu tawe nipattatudda.

DARALO 51:2

napawe i tou nitaguanni Nabi Natan ana waugu sinumandaga si Batsyeba.

DARALO 51:7

Mangke atonna, i ya'u lal᷊eo ro'en i ya'u niasungkangnga, wuṛṛu naṛṛaitannu rosa ro'en ta'e su illoṛṛo.

SASABANGNGA 19:10

Orassa indi sombaite manga taumata udde, wuṛṛu doloṛṛa'e i mangitou allo indi wuṛṛu tiṛṛabbi mandiahi watanganne mattaṛṛamawu. I mangitou ṛinone mabbansalla laubbi mangitou.

SASABANGNGA 19:14

Wua'udde i Musa sinumossokka wuassu wowone wuṛṛu nandolokku manga taumata udde nandiahi ana waugu inaite mattaṛṛamawu. Wisarane, “Tillorega i yamiu ṛinone nariahite, wuṛṛu tantal᷊anna i yamiu imbaṛṛangnga matatamba.” Ana see balahanna udde nandiahite wuṛṛu nabbansalle laubbi mangitou.

SASABANGNGA 23:13

Daringiṛṛete sarangkanambone apan buatte Ta'u niwisara si'o. Imbaṛṛangnga massubba manga Mawu waine, ewe'e lai managgon aranne lai arie.”

MANNANASE 5:1

Paṛṛingidde tantal᷊anna taambe mabbisara, wuṛṛu arie tumaniten mal᷊ihakka maddiandi su Ruata. I Tou roso surga wuṛṛu i'o wowa su runia.

YESAYA 1:16

Raddassa watangannu ma'oman sara mawaresi. Illol᷊oa'e anambon al᷊al᷊eo apan a'olaanni yamiu udde. Ore, ariete lai ma'ola'a al᷊al᷊eo,

YESAYA 52:11

Roote! Tantanga'e soan Babel, ei i yamiu apan uaapiddu aola'u wal᷊en Duata! Imbaṛṛangnga mangindinga saranapa tawe waresi, ukkasse watangannu tantal᷊anna taambe umamatta.

YEREMIA 13:27

I Ya'u buatte naasilo si yamiu ma'ola'a manga apa apan iaaranting-Ku. I Ya'u naasilote si yamiu mangngenggenna manga nawu waine su wuidda wuṛṛu su wawail᷊anna, ere sangkatou esakka mabbewan awingngu taumata waine ara'e ere awal᷊o esakka mabbewan awal᷊o wawine. Tumana'u Yerusalem, nasilakate i yamiu! Tingngera i yamiu mapallossa wuassu al᷊al᷊eo?”

YEREMIA 16:20

Wotongngewe taumata ma'ola'a mawune sassane? Tantu tawe! Apan olaanne udde tantu wal᷊ine Ruata.”

YEREMIA 5:7

Mawu nabbisara, “Anio i Ya'u ṛinone mangampungnga manga rosan uma-U? I mangitou buatte nanantang-Ku wuṛṛu massubba wal᷊ine Ruata. I Ya'u mangngonggollu anna si mangitou ma'oman sara i mangitou mal᷊aidda, arawe i mangitou sinumandaga, wuṛṛu masokka mattembo wawine masandaga.

YEHEZKIEL 18:31

Addoa'e al᷊awo'u al᷊al᷊eo apan niola'i yamiu wuṛṛu wala'e naungnga wuṛṛu ṛingirannu mabbal᷊i wakku. Anio i yamiu ṛinone mate?

YEHEZKIEL 20:7

Ta'u nirolokka i mangitou nandamme manga paal᷊uanna apan ma'arantinna apan ipaapulu mangitou udde, wuṛṛu Ta'u nisingadda i mangitou malluhuda watanganne ringannu massubba manga paal᷊uanna wuassu Mesir, ana waugu ete i Ya'u Mawu Ruata mangitou.

YEHEZKIEL 36:25

Wua'udde i yamiu sarun Ta'u ṛente'annu ua'e matilangnga, tadea'u i yamiu mawaresi wuassu al᷊awo'u paal᷊uannu wuṛṛu wuassu al᷊awo'u manga apa apan buatte nandal᷊eo si yamiu.

DANIEL 5:4

Lapiddu ma'inumma i mangitou mangke maddalo manga monganna apan niola'a wuasu wul᷊awanna, sal᷊a'a, witu'a alu wuṛṛu watu.

IMAMATTA 15:5

Isai-sai apan nangindingnga taumata apan asabbangngu nana su tampan atatiil᷊anne, ara'e niuma'ianna su tampa apan buatte niaiananne, ara'e niadduannu taumata udde, ṛinone mabbansalla laungnge wuṛṛu mandeno, wuṛṛu i tou ma'arantinna maddatingngu matannallo umattuppa.

IMAMATTA 17:16

Amungkangngu i tou napaamattu udde, i tou ṛinone mamasanna pangillul᷊eanne.

REENGANNA 31:24

Su allo appitune i yamiu ṛinone mabbansalla laungngu, wakkute udde i yamiu tate maarantinna, wuṛṛu wotongngete sumutta sulal᷊ummu paddasananna.”

WATTI'U MANGA RASUL 19:26

Orassa indi manga tuṛṛangnga naasilote wuṛṛu naaringikke sassane apa apan niola'i Paulus udde. I tou nabbisara manungku manga monganna apan niola'u taumata, wal᷊inewe monganna atonna. Wuṛṛu i tou namohete manambo taumata mangngimanna al᷊aṛṛangnge, wal᷊ine tumba'u isindi su Efesus, ewe'e maranin su ahewallu leta'u Asia.

1 KORINTUS 10:7

Wuṛṛu tadea'u i ite lai tawe massubba paal᷊uanna ere lai a'olaannu sangkawageanganna wuassi mangitou. Sulal᷊ummu Wuke Susi uawoṛṛetta, “Ne walahanna udde mannattake u'anna wuṛṛu ma'inumma, wuṛṛu massal᷊aingnga ipassubba paal᷊uanna.”

2 KORINTUS 7:1

Manga tuṛṛangnga apan arangnguanna! Anambon paaire udde tuddane si ite. Ana waugu udde ṛinone i ite mamaresi watanganni ite. Ṛinone i ite mata'uttu Ruata, tadea'u i ite wotongnge mabbiakka sassane hunan Mawu ringannu nasuungnga.

GALATIA 4:8

Dorone i yamiu tawe maaillal᷊a Ruata, ana waugu udde i yamiu naola'a allangngu manga taṛṛino apan iraṛṛangngo ere mawu, arawe ṛinone wal᷊ine Ruata.

TAHIUL᷊E 11:28

Arawe i yamiu sarun bontohanna amungkangngu tawe tumuṛṛutta manga titan Mawu Ruatanu, ewe'e lai tinumal᷊iudda wuṛṛu nassubba paal᷊uanna apan taambe sinumabbanni yamiu.

TAHIUL᷊E 32:16

I mangitou massubba paal᷊uanna, na'oman sara Mawu nasa'u, asasa'u-Ne nawitta ana waugu al᷊al᷊eo udde.

TAHIUL᷊E 5:7

Imbaṛṛangnga massubba manga paal᷊uana waine. Passubbate si Ya'u sassane.

TAHIUL᷊E 6:14

Imbaṛṛangnga massubba manga Mawu waine apan sassubbannu manga walahanna apan uatana'a maraninu.

TAHIUL᷊E 7:25

Tambuna'e manga paal᷊uanna apan sassubbanni mangitou. Arie umanggangu sal᷊a'a ara'e wul᷊awanna apan ua'ele si tou wuṛṛu imbaṛṛangnga manganu hunanu sassane. Amungkangngu i yamiu lumawangnga parenta udde i yamiu sarun mate, ana waugu Mawu Ruatanu udde maddantinnu pasasubba paal᷊uanna.

IBRANI 10:22

Ana waugu udde, wette i ite mangundani Ruata ringannu naungnga matul᷊ida wuṛṛu pangangimanna apan matohassa; ringannu naungnga apan suete niukassa wuassu apendamma apan sal᷊a, wuṛṛu ringannu wadangnga apan suete niukkassu ua'e waresi.

YAKOBUS 4:8

Pangundaniten Ruata, ne Ruata lai sarun mangundanin kamiu. Ukkase limanu, i yamiu apan marosa! Wuṛṛu paatilangke naungngu, i yamiu apan naungnge uapenga!

YOSUA 23:7

Ringannu aroddi yamiu tawe mallal᷊o'an manga walahanna apan ta'e uatana'a su sampunna ringanni yamiu. I yamiu tawe maasagon arannu manga monganni mangitou ara'e massalu sulal᷊ummu aranna udde. Wuṛṛu lai yamiu tawe mattaṛṛamawu ara'e massubba su manga monganna udde.

YOSUA 24:14

“Nariaddi, orassa indi,” unni Yosua nanassukku wisarane, “pangaddate Mawu. Pattaṛṛamawute si Tou ringannu naungnga mal᷊uassa wuṛṛu matammuda. Paaraua'a manga passasubba Mawu waine apan sassubannu iunpungngu al᷊amonanu tiwatta su Mesopotamia wuṛṛu su Mesir. Pattaṛṛamawute tumba'u su Mawu sassane.

YOSUA 24:15

Unnu wisara i yamiu mattaṛṛamawu su Mawu, paaṛṛawesse allo indi lai, ete sisai yamiu maapulu mattaṛṛamawu; su manga Mawu waine apan sassubbannu iupungngu al᷊amonanu su Mesopotamia dorone, ara'e su manga mawun taumatan Amori apan wanuane atatanaanni yamiu orassa indi. Arawe yami – i ya'u wuṛṛu amonangku sarun tumba'u mattaṛṛamawu su Mawu sassane.”

YOSUA 24:2

Wua'udde i Yosua nabbisara si mangitou sarangkanambone, “Paddaringikka apa apan iapaasingkattu Mawu, Ruatan Israel si yamiu, ‘Su runia dorone, iupungngu al᷊amonanu uatana'a su samba'an Sal᷊ukku Efrat, wuṛṛu massubba manga monganna. Sangkatou wuassi mangitou eteudde i Terah, iamangngi Abraham wuṛṛu i Nahor.

YOSUA 24:23

“Amungkangngu aroddi, paaraua'a manga mawun walahanna waine apan sasahipunanni yamiu udde,” unni Yosua, “wuṛṛu pa'diandite manungku i yamiu sidutu tuttuṛutta Mawu, Mawu Ruatan Israel.”

YUDAS 1:23

Wol᷊engke taumata udde paasabbanga'a wuassu lal᷊ummu putungnga ana see i mangitou masal᷊amatta. Su saruannu manga taumata waine ṛinone i yamiu mapaal᷊iatta'u darangngu rarundinganannu apendama matta'utta, arawe arantinten sara lai laubbi mangitou apan napenen luhudu al᷊al᷊eo mangitou apan marosa.

MAL᷊AṚṚUUNGNGA 10:16

Wua'udde anambon paal᷊uanna sassubbanna nirammete si mangitou, ana see nassubbate Ruata. Ne Ruata nompo'a naung-Nge naasilo si mangitou sulal᷊ummu asasusa.

RUT 1:15

I Naomi nabbisarate si tou, “Rut, pa'ellege! Ipaggu napul᷊ete ringannu walahanne wuṛṛu ringannu manga monganne. I'o lai roote, ana'a, tantalongke si tou mapul᷊e!”

1 SAMUEL 16:5

I Samuel sinumimbakka, “Ore, atonna. I ya'u nirumanta mangonggollu sasamba su Mawu. Ne paawaresite watanganni yamiu tadea'u wotongnge maaranta su darohan sasamba udde.” Isai wuṛṛu manga anangnge lai nirolokka niapawaresi watanganne sambau-sambau wuṛṛu niaparanta su daroha udde.

1 SAMUEL 7:3

Ana see i Samuel nabbisarate walahannu Israel, “Amungkangu i yamiu mabelengnga ringannu Mawu wuṛṛu massubba si Tou ringannu ahewallu naungngu, ṛinone i yamiu mandammen anambon monganna wakku, wuṛṛu paal᷊uanni Dewi Asytoret. Tantil᷊a'e watangannu sarangkanambone udde su Mawu wuṛṛu tumba'u pattaṛṛamawu si Tou sassane, ne i yamiu sarun ipallossu Mawu wuassu taṛṛinon taumatan Filistin.”