PANDARIADDI 32:4 - WUKE SUSI WATTI'U AL᷊AL᷊USASSA

⁴ I Yakub nabbisara si mangitou, “Waloa'a su iaangku Esau arendi, ‘I ya'u Yakub, allangngu. Al᷊annune indi ya'u uatana'a ringanni Laban.

PANDARIADDI 32:4 Iomraidhean Croise

PANDARIADDI 23:6

“I yami mangaddata si Tuangnga sangkatou mamamiaṛṛa'a apan matohassa su wallati yami, nariaddi labinga'e awingngi Tuangnga sulal᷊ummu labingnga apianne apan tatahuannanni yami. I yami sarangkanambone mal᷊uassa manaddia labingngu awingngi Tuangnga.”

PANDARIADDI 25:30

Wisarane si Yakub, “I ya'u mal᷊unussa atonna. Onngol᷊e'on addio'a sayore udde.” (Ana waugu udde i tou nissago i Edom.)

PANDARIADDI 27:29

Antimanna manga walahanna maola'a allangngu wuṛṛu manga ṛuangannu walahanna uasuṛṛubawa si'o. Antimanna i'o uataṛṛino manga tuṛṛangngu, wuṛṛu pallaṛṛiten inangngu massubba su saruannu. Antimanna awontohana anambon taumata apan mammontoga si'o wuṛṛu al᷊amatan anambon taumata apan mangngal᷊amatta si'o.”

PANDARIADDI 27:37

I Ishak sinumimbakka, “I ya'u buatte na'ola'a si tou mawunu; wuṛṛu anambon manga tuṛṛangnge ta'u niola'a allangnge. I ya'u buatte nangonggola si tou gandumma wuṛṛu anggore. Orassa indi tate apa-apan ta'u olaanna si'o Ana'u!”

PANDARIADDI 31:41

Etearoddi ya'u su tempo mammanara ringanni Papa al᷊annune naṛṛattubba ruan pul᷊o su tonnane. Mapul᷊o appata su tonnane al᷊annune i ya'u mammanara tadea'u maasomba ruan katou ana'i Papa udde wuṛṛu annumu tonna lai tadea'u maasomba ammul᷊annu ambinga domba udde. Wuṛṛu al᷊annune udde lai i Papa namal᷊u lal᷊antakke nihaingnga paapul᷊o wuassu lal᷊antakke paarorone.

PANDARIADDI 32:18

Ne simbakke, ‘darotongngu allangngu i Yakub. I tou napaapiddu indi maola'a sasamba si Esau, mawune. Allangngu i Yakub sassane mattuṛṛuta si yami.’ ”

PANDARIADDI 32:5

Orassa indi ya'u uatahuante sapi, keledai, domba, ambinga wuṛṛu manga allangnga. I ya'u mapaapidu watti'a si tuangku, ringannu antimma i tuangku sarun mal᷊uassa.’ ”

PANDARIADDI 33:14

Amatte palliu ṛorote, i ya'u manantuṛṛutte ringannu mal᷊iwue. I ya'u sarun umamatta masaṛṛawutta ringannu winatangnga wuṛṛu manga ana'u indi ma'oman sara ma'enggenna Iaangnga su Edom.”

PANDARIADDI 33:8

I Esau naiwal᷊o, “Apa pandumannu ringannu taumata aroddi anambone apan nassomba'u tanginna?” I Yakub sinumimbakka, “Tadea'u ipalluassa naungngu Iaangnga.”

PANDARIADDI 36:8

Ne i Esau apan isassago lai i Edom, namanuate su wageangngu panenteannu Seir.

PANDARIADDI 36:9

Indiwe papapulunni Esau, al᷊amonan taumatan i Edom.

PANDARIADDI 4:7

Amungkangngu i'o ma'ola'a apapia, i'o umamminna; o arawe amungkangngu i'o ma'ola'a al᷊al᷊eo, ne rosa uaṛṛadote sumutta sulal᷊ummu naungngu. Rosa sarun uataṛṛino wadangngu arawe i'o ṛinone mangindaun tou.”

1 MARARATU 20:32

Ne i mangitou nalluṛṛeten laubba karongnga wuṛṛu tal᷊i su ullekka mangitou, ana see inaite sinumaruanna si Ahab wuṛṛu nabbisara, “I Benhadad uddewe allangngi Tuangnga. I tou sinumal᷊ande tadea'u i Tuangnga tawe mamate si tou.” I Ahab sinumimbakka, “Ta'e wiakka i tou, tuṛṛangku udde?”

SASABANGNGA 32:22

Sasimbakki Harun, “Arie pa'asa'u si ya'u; i'o masingkatta sassane ereapa ahewallu naungngu manga taumata indi ma'ola'a al᷊al᷊eo.

AMSAL 15:1

Ringannu sasimbakka apan masaṛṛionto'a, asasa'u mabbal᷊i umompo'a; sasimbakka apan maṛṛagge mapasabbangngu asasa'u.

AMSAL 25:15

Asasabbare apan rarundinganannu manga wisara masaṛionto'a wotongnge apangimanannu taumata apan uataṛṛino, wuṛṛu makkimunsa'a anambon lumal᷊awangnga.

AMSAL 6:3

Amungkangngu atonna aroddi, ana'u, i'o sulal᷊umpen taṛṛinon taumata udde. Arawe indiwe lal᷊anne tadea'u i'o mapallossa: paal᷊ihakke inai ringannu taumata udde; sal᷊andete tadea'u i tou mappulu mamallonnu.

MANNANASE 10:4

Amungkangngu i'o asa'uannu tembonanne, arie paddorongnga mangillol᷊o mammanara. Salaiwe pasasal᷊anu wahewalla, i'o ampunganna amungkangngu maannudda wuṛṛu masabbare.

YESAYA 21:11

Eteindi tanata su ola'u Edom. Pia taumata u'ui si ya'u wuassu Edom, “Ei, mandariaga, ta'e mal᷊annu lai ṛabbi indi pirang ka'orassa lai maddatingngu marua'allo?”

LUKAS 14:11

Ana waugu suapan taumata apan mannaggakku watanganne sarun iapaawawo, arawe isai mammawon batanganne sarun iapaatanggakka.”

1 PETRUS 3:6

Sara lai aroddi, tou matuṛṛutta si Abraham wuṛṛu nanaggon tou mawune. Tuṛṛanga orassa indi naola'a al᷊aṛṛana'i Sara, amungkangu i yamiu ma'ola'a inolaanna apan mapia wuṛṛu tawe matta'uttu apa-apa.

MAL᷊AṚṚUUNGNGA 5:4

Su tempo I'o manantangken Seir, oh Mawu, wuṛṛu I'o nanantangngu wageangngu leta'u Edom, runia niumio'a, manga sasal᷊ossoga su langitta lai nawu'a, wuṛṛu manga winabbawa nanossokku ua'ene.

1 SAMUEL 26:17

I Saul naaillal᷊a tingikki Daud wuṛṛu naiwal᷊o, “Daud, eteudde i'o Ana'u?” I Daud sinumimbakka, “Ore, Tua.”