PANDARIADDI 32:29 - WUKE SUSI WATTI'U AL᷊AL᷊USASSA

²⁹ I Yakub nabbisara, “Wal᷊oa'e aranni Tuangnga.” Arawe taumata udde sinumimbakka, “Tawe su ṛinone i'o maiwal᷊on arangku!” Ana see i Tou nangal᷊amatte si Yakub.

PANDARIADDI 32:29 Iomraidhean Croise

PANDARIADDI 35:10

Wisara Ruata si tou, “I'o tate lai isaggo i Yakub, ewe'e i Israel.” Etearoddi i tou nissagon Ruata i Israel.

PANDARIADDI 35:9

Napawe i Yakub nabelengke wuassu Mesopotamia, Ruata naipasilon batangan-Ne apia si tou wuṛṛu nangal᷊amatta si tou.

1 MARARATU 18:31

I tou nanganu mapul᷊o dua batu, suapan watu uaapiddu aranna suwallattu mapul᷊o dua ṛuanganna papapulunni Yakub, eteudde taumata apan buatte nionggol᷊annu Mawu aranne Israel.

2 MARARATU 17:34

Na'oman sara allo indi i mangitou ta'e mappaattu addata inanaramanni mangitou. I mangitou tawe mattaṛṛamawu Mawu wuṛṛu tawe lai tumuṛṛutta manga tita ana see lai manga parenta-Ne apan nionggoli Tou su papapulunni Yakub, apan isassago lai Israel.

1 TAWARIKH 1:34

I Ishak ana'i Abraham pia duang katou ana'a esakka, eteudde i Esau wuṛṛu i Yakub (aranne isassaggo lai i Israel).

AYUB 11:7

Tawe mariaddi ola'u Ruata wotongnge asunnannu? Tawe mariaddi taṛṛino-Ne wotongnge asingkatannu?

AMSAL 30:4

Taumata suapane apan buatte napapal᷊ele su surga? Buattewe i tou nakkangkumma anginna sulal᷊ummu limane, wuṛṛu nami'unna ua'e sulal᷊ummu laungnge, ara'e nanantunnu manga passarannu runia? Isai i tou, wuṛṛu isai anangnge? I'o sarun masingkatta!

YESAYA 9:6

I Tou mamarenta maola'a sangkatou ratu papulunni Daud, taṛṛinone tumaniten bahewalla. Wanuane sidutu su paddarame wuṛṛu su lal᷊umanna'a; pamamarentane nirapappakka su tita wuṛṛu atatul᷊idda orassa indi maddatingngu mal᷊annu-l᷊annu. Mawu Apan Lembontaṛṛino sarun manuungngu udde.

HOSEA 6:1

Manga taumatan Israel nabbisara, “Wette i ite mabbelengke ringannu Mawu. Ete i Tou apan mannansara si ite, arawe ete i Tou apan sarun mangapia. I Tou apan nallassa, arawe i Tou lai apan sarun mami'unna manga lessang kite.

REENGANNA 20:14

Wua'udde wuassu Kades, i Musa nandolokku manga daroloṛṛanna niapasaruanna ratun Edom. Unni mangitou, “Yami wuassu manga ṛuangannu Israel apan ta'e pia pa'aaukku tuṛṛangnga ringanni Tuangku. I Tuangnga asinungka masingkatu asasusa apan naṛṛia'a si yami.

LUKAS 1:19

Mala'ekatta udde sinumimbakka, “I ya'u indi Gabriel. I ya'u mangngimbe Ruata wuṛṛu ete i Tou nandolo'u mamasingkattu watti'a mapia indi si'o.

TAHIUL᷊E 29:29

Pia manga pira hatto apan iaadappingngu Mawu Ruatan kite; arawe tita-Ne buatte niapal᷊iatta'a si ite, wuṛṛu i ite see papapulunni ite ṛinone tumuṛṛutta saran mal᷊annu-l᷊annu.”