PANDARIADDI 32:13 - WUKE SUSI WATTI'U AL᷊AL᷊USASSA

^13-15 Napawe nanaṛṛabbi isudde, i Yakub nanganu sambageanganna wuassu manga winatangngi tou ionggola si Esau. Aonggola udde eteudde: dua ṛasutta ambinga wawine, ruan pul᷊o ambinga esakka, dua ṛasutta domba wawine, ruan pul᷊o domba esakka, tallu pul᷊o unta apan tantal᷊anna mappasusu, suadio'a ringannu anangnge, appatu pul᷊o sapi wawine, mapul᷊o sapi esakka, ruan pul᷊o keledai wawine wuṛṛu mapul᷊o keledai esakka.

PANDARIADDI 32:13 Iomraidhean Croise

PANDARIADDI 13:16

I Ya'u sarun mangonggolla si'o papapulunna apan tumanite manambo, ma'oman sara tawedu pia sangkatou apan botongnge maareengngi mangitou. Su ereapa taumata tawe maareengngu awu su leta'a, aroddi lai papapulunnu tawe iareengnga.

PANDARIADDI 15:5

Mawu nangapiddi Abram su liudde ana see nabbisara si tou, “Paningngarate langitta, wuṛṛu annama'o pandeengngu manga anumpitanna; i'o sarun manahuanna papapulunna anambone ere manga anumpitanna udde.”

PANDARIADDI 18:2

Napawe i tou tinumaggeka, i tou naasilo siri tallu taumata uarisikka su saruanne. I Abraham apiddu dirumarisikka inai manal᷊oho si mangitou. Ringannu niumal᷊intudda

PANDARIADDI 22:17

i Ya'u sarun mangal᷊amatta si'o ringannu lumambalanna wuṛṛu ma'ola'a papapulunnu anambone naal᷊ihidda anumputanna su langitta wuṛṛu anambone naal᷊ihidda anne su apannu tahal᷊oangnga. Anangngu pulunnu sarun malluṛṛugu manga seetti mangitou.

PANDARIADDI 33:10

Unni Yakub, “Arie! Amungkangu i ya'u buatte nalluassa naungngu Iaangnga, sengkampe sasamba'u indi. Si ya'u, naasilo hatin Iaangnga ere lai naasilo hatin Duata, ana waugu Iaangnga aroddi masaṛṛionto'a si ya'u.

PANDARIADDI 33:8

I Esau naiwal᷊o, “Apa pandumannu ringannu taumata aroddi anambone apan nassomba'u tanginna?” I Yakub sinumimbakka, “Tadea'u ipalluassa naungngu Iaangnga.”

PANDARIADDI 42:6

Apan mabbal᷊u'u gandumma su manga taumata wuassu ahewallu runia eteudde i Yusuf, apan naola'a gubernuren Mesir. Ana waugu udde manga iaangngi Yusuf nirumanta wuṛṛu nassubba su saruanne.

PANDARIADDI 43:11

Ana see iamangngi mangitou nabbisara, “Amungkangngu su ṛinone aroddite, apira'e hessin leta'a apianne wuassu wanua indi sulal᷊ummu manga karongngi yamiu maola'a aonggola su gubernure udde; Kismis, pul᷊a, rampah-rampah, wuan kemiri wuṛṛu wuan badam.

PANDARIADDI 43:26

Napawe i Yusuf na'omate su wal᷊en, i mangitou nangonggolu manga aonggola udde si Yusuf apiddu niumal᷊intudda si tou.

NEHEMIA 4:13

Ana waugu udde i ya'u nattahia hal᷊ele, sambeangnga wuṛṛu anaanna su tumana'a, ana see i mangitou ta'u nitahia tumuṛṛuttu ṛuanganne sambau-sambau su liuddu darandungnga, su manga tampa apan taambe nasue niola'a.

AMSAL 17:8

Piaddu massunna roitta aonggolla wotongnge ma'ola'a al᷊aṛṛindu'a; ringannu roitta aonggolla sarangkanambone wotongnge maola'a.

AMSAL 18:16

Lal᷊antakku maawu'a lal᷊anna wuṛṛu manguntuddu taumata ringannu manga tembonanne.

AMSAL 19:6

Suapan taumata maddea'a manganu naungngu tembonanne; anambon taumata maapulu maggawen taumata taṛṛa onggolla.

AMSAL 21:14

Su i mapa'ulen asasa'u wuṛṛu wawansaga, untureten aonggolla ringannu mal᷊anna-l᷊annabba.

1 SAMUEL 25:27

Sengkampewe pinampi'unna apan niapiddu allangngu indi si Tuangku, wuṛṛu tantaran Tuangku.

1 SAMUEL 25:8

Iwal᷊oi'o si mangitou, i mangitou sarun sumimbakka ringannu atonna hatto udde. Ana waugu udde, ya'u mangantimma tadea'u tantara'u sal᷊ohoanna ringannu mapia su wal᷊enu, ana waugu yami rumanta su allo wahewalla indi. Onggol᷊a'a lai su manga allangngu indi wuṛṛu lai si ya'u, i Daud, hawenu apan mapia, manga apa tumuṛṛuttu apulunu.”