PANDARIADDI 32:12 - WUKE SUSI WATTI'U AL᷊AL᷊USASSA

¹² Paanaungewe manungku Mawu buatte naddiandi sarun mangatokku al᷊awo'u apapia si ya'u wuṛṛu mangonggola si ya'u papapulunna apan manambo. Tawe saran sangkatou apan botongnge mandeengnga ana waugu anambone naal᷊ihidda anne su apanne.”

PANDARIADDI 32:12 Iomraidhean Croise

PANDARIADDI 22:17

i Ya'u sarun mangal᷊amatta si'o ringannu lumambalanna wuṛṛu ma'ola'a papapulunnu anambone naal᷊ihidda anumputanna su langitta wuṛṛu anambone naal᷊ihidda anne su apannu tahal᷊oangnga. Anangngu pulunnu sarun malluṛṛugu manga seetti mangitou.

PANDARIADDI 32:6

Su tempo manga daroloṛṛanna nabelengke apia ringanni Yakub, i mangitou nabbisara, “I yami buatte wua dinganni Esau, iaangngi Tuangnga wuṛṛu orassa indi i tou sulal᷊ummu amatanna inawarea maisasomban Tuangnga. I tou rumanta ringannu uaapiddu appatu ṛasutta su atoune.”

1 MARARATU 4:20

Tumana'u Yehuda wuṛṛu Israel anambone ere anne su wiwikku tahal᷊oangnga. I mangitou uatahuanna anna manambo wuṛṛu ua'e see mabbiakka su lal᷊umanna'a.

SASABANGNGA 32:13

Naungete manga allangngu i Abraham, i Ishak wuṛṛu i Yakub. Naungete manungku I'o lai na'ire ringannu sasalu tadea'u mangonggolu papapulunna anambone ere anumpitanna su langitta, wuṛṛu lai manungku ahewallu leta'a apan pina'ire-Nu udde sarun maola'a pussa'a papapulunni mangitou saran mal᷊annu-l᷊annu.”

HOSEA 1:10

Walahannu Israel sarun maola'a anambone ere anne su tahal᷊oangnga, na'oman sara i tou tawe iauukka ara'e iareengnga. Orassa indi Ruata nabbisara si mangitou, “I yamiu wal᷊ine uma-U,” arawe sarun a'omanna tempone i Tou sarun mabbisara si mangitou, “Ete i Ya'u Ruata apan wiakka wuṛṛu i yamiu al᷊aṛṛana-U!”

REENGANNA 23:19

Ruata tawe ere taumata apan hampa sumassilla wuṛṛu apulune mangngawusu. Amungkangngu Ruata maddiandi i Tou sarun mangatonna! Napawe i Tou mabbisara, udde sarun matipussa!

MATIUS 24:35

Langitta wuṛṛu runia sarun mawul᷊i, arawe wisara-U ma'oman sara mal᷊annu-l᷊annu.”

2 TIMOTIUS 2:13

Amungkangu i ite mal᷊awangnga I Tou sidutu matuṛṛutta ana waugu i Tou tawe maapanompolla watangan-Ne sassane.”

TITUS 1:2

Al᷊aṛṛa'a udde pinangiananne wuassu antimma manungku i ite sarun manengkamma wiakka tutune wuṛṛu mal᷊annu-l᷊annu. Ruata suete na'iren wiakka udde ro'en panattaṛṛannu runia indi – wuṛṛu tawe mariaddi Ruata mangawusu.

IBRANI 11:12

Salaiwe i Abraham su tempo udde ere taumata apan wadange natete, arawe i tou naasomba walahanna, apan anambone tawe iareengnga – ere anambon anumpitanna su langitta wuṛṛu anne su winggin apanne.

IBRANI 6:17

Ruata ma'apulu manualaga su manga taumata apan manengkamma paaire-Ne, manungku i Tou tawe mamal᷊u ṛiin-Ne. Ana waugu udde i Tou nanamba sasalu su pa'aire-Ne udde.

1 SAMUEL 15:29

Apan Awantuhanne Ruatan Israel tawe mamahia, wuṛṛu tawe mawal᷊u naung-Nge, ana waugu i Tou wal᷊ine taumata.”