PANDARIADDI 30:32 - WUKE SUSI WATTI'U AL᷊AL᷊USASSA

³² Walaawe i ya'u orassa indi umamatta su pattangngannu ammul᷊annu ambinga wuṛṛu domban i Papa, wuṛṛu manganu sambau ana'u domba suapan domba ma'itumma, wuṛṛu lai suapan ambinga woṛṛenganna. Tumba'u udde lal᷊antakke apan ipaapulu'u.

PANDARIADDI 30:32 Iomraidhean Croise

PANDARIADDI 30:31

Unni Laban, “Nariaddi apa apan sarun ta'u ionggolla si'o?” I Yakub sinumimbakka, “I Papa walasa'e mangonggolu manga saranapa. I ya'u sarun sidutu mappadul᷊i winatangngi Papa, sawal᷊iate i Papa matatuṛṛutanna su darorongku indi;

PANDARIADDI 30:33

Su allo apan addantane ringannu mal᷊uassa i Papa maasingkattu inolaangku apan matul᷊idda. Napawe i Papa rumanta, wuṛṛu maasilo pia ambinga apan tawe boṛṛentengge ara'e tal᷊iṛṛawanna, ara'e domba tawe ma'itumma, i Papa sarun maasingkatta manungku winatangnga udde buatte ta'u tina'o.”

PANDARIADDI 30:35

Arawe su allo udde i Laban naṛṛaen anambon ambinga esakka woṛṛenganna ara'e tal᷊iṛṛawanna wuṛṛu anambon ambinga wawine apan tal᷊iṛṛawanna, woṛṛeanganna, ara'e pia mawirane, i tou lai naṛṛaen anambon domba ma'itumma. Wua'udde nandolokku manga anangnge mappadul᷊i manga winatangnga udde,

PANDARIADDI 31:10

Wuṛṛu su tempo manga winatangnga udde uawawatianna, i ya'u nabbal᷊iawa naasilo anambon ambinga esakka apan tantal᷊anna uawawatianna, pia boṛṛentenge, pia titingnge wuṛṛu tal᷊iṛṛawanna.

PANDARIADDI 31:8

Su tempo iamangngu nabbisara, ‘Ambinga apan pia boṛṛentenge sarun maola'a lal᷊antakku,’ ne al᷊awo'u ammul᷊annu winatangnga nanungkangu ana'a apan pia boṛṛentenge. Su tempo i tou nabbisara, ‘Ambinga apan pia tal᷊iṛṛawanne sarun maola'a lal᷊antakku,’ ne al᷊awo'u ammul᷊annu winatangnga udde nanungkangu ana'a tal᷊iṛṛawanna.