PANDARIADDI 30:15 - WUKE SUSI WATTI'U AL᷊AL᷊USASSA

¹⁵ I Lea sinumimbakka, “Taambe lai nawusa i'o nanganu awingku? Orassa indi ewe'e i'o lai ma'annamma manganu undamma apan niasangkal᷊annu ana'u.” Unni Rahel, “Amungkangngu i'o ma'apulu mangonggollu sasuanna undammu anangngu udde si ya'u, i'o wotongnge matiilla ringanni Yakub ṛabbi indi.”

PANDARIADDI 30:15 Iomraidhean Croise

PANDARIADDI 30:14

Su tempon pangangitingnga gandumma, i Ruben inaite watukku wadda'a wuṛṛu i tou naasangkalla poiaroddi sampunna sasuanna undamma, ana see niapidda ringanni Lea inangngene. I Rahel nabbisara si Lea, “I ya'u onggol᷊e'on addio'a sasuanna undamma apan niasangkal᷊annu anangngu udde.”

PANDARIADDI 30:16

Napawe i Yakub napul᷊ete watukku wal᷊en wuassu wadda'a wawallo udde, i Lea nanal᷊oho apiddu nabbisara, “Atiille suadio'a ringangku ṛabbi indi ana waugu ana waugu i ya'u buatte namaekka olangnge udde ringannu sasuanna undamma wuassu ana'u.” Ana see i Yakub natatambaten tou su ṛabbi udde.

YESAYA 7:13

Ana see i Nabi Yesaya nabbisara, “Amungkangngu aroddi, paddaringikke ei papapulunni Ratu Daud! Tawe natimu i yamiu mannal᷊u'atta asasabbaren taumata, ma'oman sara i yamiu mannal᷊u'atta lai asasabbaren Duata'u?

YEHEZKIEL 16:47

Nawusatewe i'o uatantuṛṛutta ual᷊aṛṛeggenna lempangngi mangitou wuṛṛu mangaṛṛussa pallal᷊agu mangitou apan ma'arantinna udde? Taambe! Tate mal᷊annu lai i'o ewe'e a'atambannu al᷊al᷊eone wuassi mangitou.

REENGANNA 16:13

Taambe nawusa lai i'o nangapiddi yami sinumabbangnga wuassu leta'u Mesir apan masuwukka udde tadea'u mamate si yami su wadda'a indi? Rinonewe i'o mamarenta si yami lai?

1 KORINTUS 4:3

Mawala si ya'u tawe maola'a hatto si yamiu – ara'e isai lai – apan maṛṛingidda su ola'u watangangku sassane. Ewe'e apa apan ta'u iraṛṛingidda su ola'u watangangku sassane tawe maola'a hatto.