PANDARIADDI 3:19 - WUKE SUSI WATTI'U AL᷊AL᷊USASSA

¹⁹ I'o sarun mammanara ringannu masaha-sahadda wuṛṛu ringannu liaha i'o mammanara leta'a indi tadea'u pia gessine, maddatingngu i'o mabbelengnga su leta'a, ana waugu ete wuassu leta'a i'o niola'a. I'o niola'a wuassu leta'a, wuṛṛu sarun mabelengnga apia su leta'a.”

PANDARIADDI 3:19 Iomraidhean Croise

PANDARIADDI 18:27

I Abraham nabbisara apia, “Ampungewe awawaṛṛani'u manassukku hatto'u indi, Mawu. I ya'u indi tumba'u taumata, tawe su tampane mangapiddu sambau hatto.

PANDARIADDI 2:7

Wua'udde Ruata nanganu leta'a sangkompenga, niola'a nabbal᷊i sangkatou taumata, ana see napaasabangu singangu apan mangngonggollu wiakka sulal᷊ummu loṛṛangu ngirunne; ne nabbiakke taumata udde.

PANDARIADDI 23:4

“I Ya'u indi taumata raho apan uatana'a su pattangngannu manga tuṛṛangnga; walaawe i ya'u mamalli leta'a tadea'u i ya'u wotongnge mallabingngu awingku.”

PANDARIADDI 3:18

Raduutta wuṛṛu ṛoa'a sarun maola'a hessin leta'a si'o, wuṛṛu manga sinuananna lul᷊u sarun maola'a pabbawiakku.

PANDARIADDI 5:5

I tou nate su uukka 930 su tonnane.

AYUB 1:21

wuṛṛu nabbisara, “I ya'u niasungkangnga tawe uaapiddu apa-apa, wuṛṛu i ya'u sarun mate tawe mangapiddu manga apa lai. Mawu buatte nangonggolla wuṛṛu Mawu lai buatte nangul᷊e. Paddalote aran-Ne!”

AYUB 10:9

Naungete manungku wuassu awun leta'a I'o na'ola'a si ya'u! Ṛatadde I'o na'ola'a apia si ya'u nabbal᷊i awu?

AYUB 19:26

Salaiwe manga pisi su baddangku nal᷊al᷊essa wuṛṛu nawawa'a, arawe su al᷊o'engngu i ya'u pia awa'a, i ya'u sidutu ua'ellega Ruata.

AYUB 21:26

Arawe su lal᷊abbinganna, i mangitou ual᷊allowangnga suadio'a; laṛṛimpul᷊unannu ul᷊idda wuṛṛu oa'a.

AYUB 34:15

ne matete anambon riadianna sarangkanambone apan pia niawane, wuṛṛu taumata maola'a awu ere su panattaṛṛanne.

AYUB 4:19

Nangillembote lai riadianna sussangngo wuassu leta'a riadianna awu apan wotongnge passu'anna itaddilla ere wa'u'a!

DARALO 103:14

Ana waugu Mawu masingkatta i ite niola'a wuassuapa, i Tou maanaungnga i ite indi tumba'u awu.

DARALO 104:23

Ana see sumabbangke taumata mammanara, wuṛṛu sidutu mammanara maddatingngu wawallo.

DARALO 104:29

Napawe I'o manaile, i mangitou nata'utta; napawe I'o manganu sasangngone, i mangitou mate, wuṛṛu mawelengnga mabbal᷊i awu ere paarorone.

DARALO 127:2

Tawe gunane i ite mattinsahadda maddea'a wiakka, mapu'o marua allo wuṛṛu matiilla allorane; ana waugu Mawu mananaddiane si mangitou apan arangnguan-Ne, tantal᷊anna i mangitou ta'e mattiilla.

DARALO 22:15

Ikka'u nasuete naal᷊ihidda ua'e nabboso, anambon duṛṛi'u napallossa wuassu pabbuuanne, naungku nonossa ere lilinna.

DARALO 22:29

Ana waugu ete Mawu apan uataṛṛino, i Tou uaparenta manga walahanna.

DARALO 90:3

I'o nandolokku taumata niapawelenga su pina'olaanne, nabbal᷊i awu ere paarorone.

AMSAL 21:16

Taumata apan tawe tumuṛṛutta su lal᷊annu pabbiaṛṛannu taumata mapia, i tou sarun ma'oma su runian taumata nate.

MANNANASE 1:13

I ya'u mappandumma manaṛṛasidda wuṛṛu massal᷊umma ringannu asingkatta al᷊awo'a apan nariaddi su runia indi. Pal᷊addu pabbiaṛṛanna apan nisaddian Duata si ite maasusa.

MANNANASE 1:3

Su al᷊o'engngu pabbiaṛṛanna i ite mammanara, mappasabbangu liaha. Arawe, suapa hessine apan wotongnge ipamungan kite?

MANNANASE 12:7

Waddangngi ite sarun mawelengnga apia, mabbal᷊i awu su runia. Sasangngon pabbiaṛṛanni ite sarun mabbelengnga ringannu Ruata. Ete i Tou apan nangonggolla naola'a al᷊amatta.

MANNANASE 3:20

I mangitou mattudda watukku tampa apan uasul᷊angnga. I mangitou niola'a wuassu awu wuṛṛu sarun mabbelengnga lai ringangu awu.

MANNANASE 5:15

Udde mangke maasusa atonna! I ite inai ere lai sutempo orassa indi nirumanta. I ite mattinsahadda mangngenggenna anginna, wuṛṛu apa hessine?

DANIEL 12:2

Manambo suwallatti mangitou apan natete sarun tate mabbiakka apia; sambageanganna lai sarun aṛṛiaannu asasusa wuṛṛu atata'utta saran mal᷊annu-l᷊annu lai.

1 KORINTUS 15:47

Adam paarorone niola'a wuassu leta'a, arawe Adam aruane nirumanta wuassu surga.

EFESUS 4:28

Taumata apan inanaramanne manna'o ṛinone i tou mangillol᷊o manna'o. Mappianne i tou mammanara tadea'u maasomba anna ringannu su ṛinone wuṛṛu wotongnge mantul᷊ungngu taumata apan pia awunne.

1 TESALONIKA 2:9

Asinungka i yamiu ta'e maanaungnga ereapa aṛṛimade i yami mattinsahadda wuṛṛu mammanara. Allo ṛabbi yami mammanara tadea'u i yami tawe mapaasusan saran sangkatou wuassi yamiu su tempo yami mammasingkatu Watti'u Al᷊al᷊uassu Ruata udde si yamiu.

2 TESALONIKA 3:10

Su tempo i yami ta'e uatana'a su pattanganni yamiu, i yami nangonggolu atoranna indi, “Taumata apan maddiri mammanara, tawe wotongnge umanna.”

IBRANI 9:27

Ruata suete nanantuna manungku taumata mate tumba'u paassa wuṛṛu wua'udde parikisannu Ruata.