PANDARIADDI 29:18 - WUKE SUSI WATTI'U AL᷊AL᷊USASSA

¹⁸ I Yakub naungnge nanawote si Rahel, ana waugu udde i tou sinumimbakka si Laban, “I ya'u maapulu mammanara al᷊annune pitu tonna amungkangngu i Papa mamala'u maawingngi Rahel.”

PANDARIADDI 29:18 Iomraidhean Croise

PANDARIADDI 24:67

Wua'udde i Ishak nangapiddi Ribka sinumutta sulal᷊ummu rasanni Sara inangnge, wuṛṛu i tou natambaten Ribka. I Ishak marangngu si Ribka; ne nal᷊uasse naungngi Ishak apan massusa ana waugu niapateannu inangnge.

PANDARIADDI 29:19

Unni Laban, “Mappianne i tou ta'u ionggolla si'o sul᷊ungnge'e ionggolla su taumata waine; nariaddi atana'e isindi.”

PANDARIADDI 29:20

Ne i Yakub nammanarate pitu tonna al᷊annune tadea'u maasomba si Rahel, wuṛṛu si tou manga tonna udde nal᷊iu naal᷊ihidda tumba'u pira allo, ana waugu naungnge aroddi ahewalle su maṛṛuala udde.

PANDARIADDI 29:30

I Yakub natatambaten i Rahel, wuṛṛu i tou lembon marangngu si Rahel wuassi Lea. Wua'udde i tou nammanarate pitu tonna apia.

PANDARIADDI 30:26

Wala'awe i ya'u mangapiddu ruan katou awingku wuṛṛu al᷊aṛṛana'u. I mangitou buatte niasombangangku ringannu nammanara ringanni Papa, i Papa masingkatta, i ya'u buatte nammanara masahadda atonna.”

PANDARIADDI 31:41

Etearoddi ya'u su tempo mammanara ringanni Papa al᷊annune naṛṛattubba ruan pul᷊o su tonnane. Mapul᷊o appata su tonnane al᷊annune i ya'u mammanara tadea'u maasomba ruan katou ana'i Papa udde wuṛṛu annumu tonna lai tadea'u maasomba ammul᷊annu ambinga domba udde. Wuṛṛu al᷊annune udde lai i Papa namal᷊u lal᷊antakke nihaingnga paapul᷊o wuassu lal᷊antakke paarorone.

PANDARIADDI 34:12

Wal᷊oa'e lal᷊antakke apa apan ipaapulun kamiu, wuṛṛu tantuna'e wul᷊awannu awingnge. I ya'u sarun mangonggola al᷊awo'u apan doronganni yamiu, addonganne i yamiu mamala'u maawingngu maṛṛuala udde.”

2 SAMUEL 3:14

Wua'udde lai i Daud nandolokku daroloṛṛanna ringanni Isyboset, ringannu uaapiddu tanata, “ṛinone i Tuangnga mamelengngi Mikhal, awingku udde ringangku. I tou niawalliangkute ringannu maṛṛasutta pisi pentakku tawun taumatan Filistin.”

HOSEA 12:12

salaiwe aroddi ta'e piaddu massubba paal᷊uanna su Gilead, wuṛṛu mangongollu sasamba sapi su wowon mezbah su Gilgal. Arawe i mangitou apan massubba paal᷊uanna udde sarun mate, wuṛṛu manga mezbah su Gilgal udde sarun maola'a ombon batu su manga wawail᷊anna.”

HOSEA 3:2

Ne i Ya'u mamaekka mapul᷊o l᷊ima roitta sal᷊a'a wuṛṛu 150 su kilone gandumma tadea'u maasomba wawine udde.