PANDARIADDI 28:14 - WUKE SUSI WATTI'U AL᷊AL᷊USASSA

¹⁴ Papulunnu anambone ere awu su runia. I mangitou sarun manggewalla leta'i mangitou watukku al᷊awo'u tampa, wuṛṛu wua si'o wuṛṛu papapulunnu, i Ya'u sarun mangal᷊amatta anambon balahanna su runia.

PANDARIADDI 28:14 Iomraidhean Croise

PANDARIADDI 12:3

I ya'u sarun mangal᷊amatta manga taumata apan mangngal᷊amatta si'o wuṛṛu mamontoga manga taumata apan mammontoga si'o. Wuṛṛu ana waugu i'o I ya'u sarun mangal᷊amatta anambon balahanna su runia.”

PANDARIADDI 13:14

Napawe i Lot inaite aroddi, Mawu nabbisara si Abram, “Wuassu tampa dararisiṛṛannu udde, pa'ellege paapia-pia su al᷊awo'u pi'une;

PANDARIADDI 13:15

i ya'u sarun mangonggolla si'o wuṛṛu su papulunnu ahewallu leta'a apan a'ellehannu udde tadea'u maola'a pussaanu saran mal᷊annu-l᷊annu.

PANDARIADDI 13:16

I Ya'u sarun mangonggolla si'o papapulunna apan tumanite manambo, ma'oman sara tawedu pia sangkatou apan botongnge maareengngi mangitou. Su ereapa taumata tawe maareengngu awu su leta'a, aroddi lai papapulunnu tawe iareengnga.

PANDARIADDI 18:18

Wal᷊inewe papapulunne apan sarun maola'a balahama apan wahewalla wuṛṛu uataṛṛino? Walinetoe ete ana waugu i tou anambon balahama su runia sarun Ta'u al᷊amatanna?

PANDARIADDI 22:17

i Ya'u sarun mangal᷊amatta si'o ringannu lumambalanna wuṛṛu ma'ola'a papapulunnu anambone naal᷊ihidda anumputanna su langitta wuṛṛu anambone naal᷊ihidda anne su apannu tahal᷊oangnga. Anangngu pulunnu sarun malluṛṛugu manga seetti mangitou.

PANDARIADDI 22:18

Anambon balahanna su runia sarun sumal᷊ande si Ya'u tadea'u i Ya'u mangal᷊amatta si mangitou su ereapa i Ya'u nangal᷊amatta papapulunnu – ana waugu i'o buatte tinumuṛṛutta parenta-U.”

PANDARIADDI 26:4

I Ya'u sarun mangonggola si'o ana'a papapulunna anambone ere anumpitanna su langitta, wuṛṛu ahewallu leta'a indi sarun Ta'u ionggola si mangitou. Anambon balahanna su runia sarun sumal᷊ande si Ya'u tadea'u i Ya'u mangal᷊amatta si mangitou ereapa i Ya'u buatte nangal᷊amatta papapulunnu.

PANDARIADDI 32:12

Paanaungewe manungku Mawu buatte naddiandi sarun mangatokku al᷊awo'u apapia si ya'u wuṛṛu mangonggola si ya'u papapulunna apan manambo. Tawe saran sangkatou apan botongnge mandeengnga ana waugu anambone naal᷊ihidda anne su apanne.”

PANDARIADDI 48:16

ete i Tou mala'ekatta apan buatte namallo'u wuassu al᷊awo'u asasilaka. Antimanna Ruata udde mangal᷊amatta manga ana'a indi. Antimanna arangku wuṛṛu aranni Abraham wuṛṛu i Ishak sidutu wiakka ana waugu wuassu manga ana'a indi! Antimanna i mangi tou maṛṛana'a mappulunna, wuṛṛu pia papapulunna manambo su runia.”

PANDARIADDI 48:19

Arawe iamangnge nanol᷊a'a, “I ya'u masingkatta, ana'u, i ya'u masingkatta. I Manasye sarun bahewalla taṛṛinone wuṛṛu papapulunne lai sarun mabbal᷊i balahanna apan bahewalla. Arawe tuarine lembon maggewal᷊anna lai taṛṛinone wuassi tou, wuṛṛu papapulunnu tuarine sarun maola'a walahanna apan bahewalla.”

2 TAWARIKH 1:9

Orassa indi, oh Mawu Ruata, antimanna I'o manipussu paaire-Nu su iamangku. I ya'u buatte nitenegu Mawu naola'a ratu su walahanna wahewalla indi apan tawe iareengnga anambone.

DARALO 72:17

Antimanna arannu ratu sidutu nanaunganna saran mal᷊annu-l᷊annu, wuṛṛu tumelengke saran matannallo ta'e pia. Antimanna manga walahanna madoronga al᷊amatanna ere i tou, wuṛṛu anambon taumata mannagone lal᷊umanna'a.

SASABANGNGA 32:13

Naungete manga allangngu i Abraham, i Ishak wuṛṛu i Yakub. Naungete manungku I'o lai na'ire ringannu sasalu tadea'u mangonggolu papapulunna anambone ere anumpitanna su langitta, wuṛṛu lai manungku ahewallu leta'a apan pina'ire-Nu udde sarun maola'a pussa'a papapulunni mangitou saran mal᷊annu-l᷊annu.”

YESAYA 54:3

I'o sarun aatambanna ahewalle watukku aikkatanna ara'e lai aiṛṛi, tumanangngu sarun mangintaṛṛe su leta'u manga walahanna wuṛṛu matana'a su manga soa apan orassa indi mal᷊annabba.

REENGANNA 23:10

Papapulunni Yakub naal᷊ihidda awu tawe iareengnga; walahannu Israel reenganne tumaniten manambo. Antimanna i ya'u mate ere sangkatou taumata matul᷊idda doronganna papate'u ere papate manga taumata udde.”

MATIUS 8:11

Atonna! Manambo taumata sarun dumanta wuassu samba'an ra'i wuṛṛu waṛṛatta lulluassa su sampunna ringanni Abraham, i Ishak wuṛṛu i Yakub sulal᷊ummu Runia Wakkun Ruata.

WATTI'U MANGA RASUL 3:25

Manga pa'airen Ruata apan niapaasingkattu manga nabi, eteudde huna manga tuṛṛangnga. Sulal᷊ummu pa'aire apan niola'u Ruata su iupungngu al᷊amonanu, Ruata nabbisara si Abraham arendi, ‘Wuassu papapulunnu, i Ya'u sarun mangal᷊amatta al᷊awo'u taumata su runia.’ Pa'aire udde hunane si yamiu lai.

GALATIA 3:16

Manga paaire Ruata niola'u Ruata si Abraham wuṛṛu lai hunane su taumata papapulunni Abraham. Sulal᷊ummu Wuke Susi tawe uawoṛṛetta “wuṛṛu su manga taumata pappapulunni Abraham”, atappasanne eteudde anambon taumata. Apan uawoṛṛetta isudde eteudde “wuṛṛu hunane su taumata papapulunnu”, atappasanne tumba'u sangkatou, eteudde Kristus.

GALATIA 3:8

Wuke Susi buatte na'ellega paarorone manungku Ruata namalanmanga taumata wal᷊ine Yahudi masasangkapia apia ringannu Ruata, amungkangngu i mangitou mangngimanna si Tou. Watti'u Al᷊al᷊uassa udde niapaasingkata paarorone si Abraham sulal᷊ummu paaire indi, “Wuassi'o, Ruata sarun mangal᷊amatta al᷊awo'u walahannu taumata su wowon runia indi.”

EFESUS 1:3

Dalo su Ruata, Iamangngu Mawun kite Yesus Kristus! I Tou nangal᷊amatta si ite ringannu al᷊awo'u al᷊amattu Ruata sulal᷊ummu surga, ana waugu i ite uaaukka ringanni Kristus.

TAHIUL᷊E 12:20

Napawe Mawu Ruatanu buatte nanggewalla manga passarannu wanuanu ere buatte niriandi-Ne, i yamiu wotongnge uminassa ṛemessa ringannu walate apulun naungngu.

TAHIUL᷊E 13:17

Manga saranapa apan niawontohanna udde tawe wotongnge sahipunna maola'a darotongngu sassane, arawe ṛinone insueanna abbi. Ne asasa'un Mawu umompo'a wuṛṛu i Tou sarun mapal᷊iatta'u tatal᷊antume si yamiu. I Tou sarun mal᷊uassa naung-Nge si yamiu wuṛṛu ma'ola'a si yamiu walahanna apan bahewalla ere buatte niriandi-Ne su al᷊amonanu,

SONDAPPA 7:4

See i ya'u niwal᷊oanna manungku reenganne 144.000 su atoune apan nionggol᷊annu tatialan segelu Ruata su pakkani mangitou. Manga taumata udde nianu wuassu sire mapul᷊o dua walahannu Israel;

SONDAPPA 7:9

Wua'udde i ya'u na'ellega apia, see niasiloanna taumata tumanite manambo – tawe saran sangkatou taumata apan wotongnge maareengngu anambone. I mangitou udde manga taumata wuassu al᷊awo'u walahanna, ṛuanganna, araratuanna, wuṛṛu wahasa. Ringannu uapeddetu jubah mawira-wira wuṛṛu ringannu uaaggasa manga rannang kalu palem su limane, manga taumata manambo udde dirumarisikka sinumaruanna adderan araratuanna wuṛṛu sinumaruanna Ana'u Domba udde.