PANDARIADDI 27:29 - WUKE SUSI WATTI'U AL᷊AL᷊USASSA

²⁹ Antimanna manga walahanna maola'a allangngu wuṛṛu manga ṛuangannu walahanna uasuṛṛubawa si'o. Antimanna i'o uataṛṛino manga tuṛṛangngu, wuṛṛu pallaṛṛiten inangngu massubba su saruannu. Antimanna awontohana anambon taumata apan mammontoga si'o wuṛṛu al᷊amatan anambon taumata apan mangngal᷊amatta si'o.”

PANDARIADDI 27:29 Iomraidhean Croise

PANDARIADDI 12:3

I ya'u sarun mangal᷊amatta manga taumata apan mangngal᷊amatta si'o wuṛṛu mamontoga manga taumata apan mammontoga si'o. Wuṛṛu ana waugu i'o I ya'u sarun mangal᷊amatta anambon balahanna su runia.”

PANDARIADDI 25:33

Unni Yakub Apia, “Passalute dorone manungku i'o nangonggolu hakkanu si ya'u.” I Esau nassalu wuṛṛu nangonggollu hakkane si Yakub.

PANDARIADDI 27:30

Tawe nal᷊annu napawe i Ishak buatte nangoggolu al᷊amanne wuṛṛu i Yakub nangingkate, i Esau iaangnge, napul᷊ete wua nattaṛṛiasu.

PANDARIADDI 27:37

I Ishak sinumimbakka, “I ya'u buatte na'ola'a si tou mawunu; wuṛṛu anambon manga tuṛṛangnge ta'u niola'a allangnge. I ya'u buatte nangonggola si tou gandumma wuṛṛu anggore. Orassa indi tate apa-apan ta'u olaanna si'o Ana'u!”

PANDARIADDI 27:40

I'o sarun mabbiakka wuassu hal᷊elenu, arawe maola'a allangngu tuarinu, arawe amungkangngu lumawangnga, i'o sarun mal᷊iu wuassu taṛṛinone.”

PANDARIADDI 37:10

Wal᷊iawa udde niwatti'i tou lai su iamangnge, wuṛṛu iamangnge nanagu si tou, wisarane, “Wal᷊iawa apa udde? Su ṛingirannu i ya'u, inangngu wuṛṛu manga tuṛṛangngu sarun dumanta wuṛṛu massubba si'o?”

PANDARIADDI 37:7

I ya'u nabbal᷊iawa i ite sarangkanambone tantal᷊anna su wailla mamma'isa gandumma, ana see gandumma tatahuanangku dirumarisikka matul᷊idda. Manga gandummi yamiu apan buatte niwa'issa namal᷊iwutta gandumma apan buatte ta'u niwa'issa ana see nassubba si tou.”

PANDARIADDI 9:27

Antimanna Ruata mangonggollu al᷊amatta si Yafet ringannu manggewalla tampa atatanaanne. Antimanna pappulunne mamanua suadio'a ringannu papapulunni i Sem. I Kanaan sarun maola'a allangngi Yafet.”

1 MARARATU 4:21

Suapan amonanna uatahuanna waillu anggore wuṛṛu waillu ara. Su al᷊o'engngu pabbiaṛṛanni Salomo tumana'a su ahewallu Yehuda wuṛṛu Israel wuassu Dan maddatingngu Bersyeba mabbiakka ringannu matammudda wuṛṛu mal᷊angnganna. Ana waugu, anambon datu su samba'an waṛṛattu Efrat uasuṛṛubawa si tou, wuṛṛu anambon balahanna wuassu manga araratuanna maranin araratuanne uahahawen tou. Leta'a su samba'an waṛṛattu Sal᷊ukku Efrat wuṛṛu Tifsah su wiwikku Sal᷊ukku Efrat masal᷊a su waṛṛata watukku soa Gaza su Filistin maddatingngu passarannu Mesir, sarangkanambone paparentanni Salomo. Manga walahanna su wanua udde uasuṛṛubawa si tou wuṛṛu mammaekka wose. Manga anna apan pappandumanni Salomo suapan allo eteudde 5.000 litere taponna al᷊ussa, 10.000 litere taponna hal᷊agga, 10 sapi sulal᷊ummu tanda'a, 20 sapi su wadda'a, wuṛṛu 100 domba. Wal᷊ine wua isudde lai rusa, kijang, menjangan wuṛṛu manga manu'u winalanganna.

DARALO 72:8

Araratuanne sarun mahewalla wuassu tahal᷊oangnga maddatingu tahal᷊oangnga, uawannada wuassu ra'i maddatingu waṛṛata.

YESAYA 45:14

Mawu nabbisara su Israel, “Tahuanete hessin leta'u Mesir wuṛṛu auntungannu Sudan. Manga taumatan Syeba apan waṛṛani mabbal᷊i pussa'anu; i mangitou u'amatta su liuddi yamiu ringannu laṛṛapusanna. I mangitou sarun massubba wuṛṛu manga'u, ‘Ruata atonna-tonna su pattangngannu; tawe mawu wal᷊ine tumba'u i Tou!

YESAYA 49:23

Manga ratu ere iamangngi yamiu, wuṛṛu manga wo'i ere inangnga. I mangitou sarun umal᷊intudda mangaddatta si'o wuṛṛu sumallungngu watanganne si'o. Ne i'o sarun maasingkatta manungku i Ya'u Mawu; taumata apan uaantimma si Ya'u tawe sumassilla.”

YESAYA 49:7

Ruata na'ukkassa Mananal᷊amattu Israel nabbisara su taumata apan tumaniten aal᷊uandahanna, wuṛṛu ipaddantinnu manga walahanna see lai naola'a allangngu manga tembonanne, “Manga ratu sarun maasilo inolaang-Ku; i mangitou sarun dumarisikka mangaddatta si Ya'u. Manga tembonanne sarun maasilo lai, ana see umal᷊intudda massubba.” Udde matipussa ana waugu Mawu buatte namile allang-Nge; Ruata na'ukassu Israel satia su paaire-Ne.

YESAYA 60:12

Walahanna wuṛṛu araratuanna apan maddiri tumuṛṛutta si'o, sarun mate wuṛṛu mawul᷊i tawe baddi'a.

YESAYA 60:14

Manga ana'u mangangallangngu rumanta umal᷊intudda, iapa apan buatte nangal᷊uandaga si'o sarun massuṛṛubbawa, i'o sarun isaggo ‘Soa Mawu’, ‘Sion, Soan Duata Susin Israel’.

YESAYA 9:7

Mawu buatte nangema'u ṛuumanna su araratuannu Israel.

REENGANNA 23:8

Wotongngewe i ya'u mamontoga, amungkangngu Ruata tawe mamontoga? Wotongngewe i ya'u makkuumanna, amungkangngu Mawu tawe makkuumanna?

REENGANNA 24:18

Leta'u Edom sarun atanaannu seenne, arawe Israel ma'ola'a inolaanne apan matohassa.

REENGANNA 24:9

Walahanna udde naal᷊ihidda singa esakka wuṛṛu singa wawine, apan uarammangnga wuṛṛu uatattere. Isai waṛṛani mamu'o si tou? Doronganna taumata apan mangal᷊amatta si'o sarun al᷊amatanna, wuṛṛu taumata apan mamontoga si'o sarun wontohanna.”

MATIUS 25:40

Ratu udde sarun sumimbakka, ‘Asingkate: su tempo i yamiu ma'ola'a inolaanna udde, salaiwe su wallattu sangkatou taumata wuassu manga tuṛṛangku apan addio'anne, ere lai yamiu na'ola'a si Ya'u!’

MATIUS 25:45

Ratu udde sarun sumimbakka, ‘Asingkate: su tempo i yamiu madiri mantul᷊ungngu sangkatou taumata asusane ereindi, ere lai yamiu madiri mantul᷊ungku.’

ROMA 9:12

Ruata buatte namasingkata si Ribka, “Iaangnge sarun mangimbe tuarine.”

SONDAPPA 19:16

Su jubah-Ne wuṛṛu su palang-Nge uawoṛṛetta aranna indi, “Ratun al᷊awo'u ratu, wuṛṛu Mawun al᷊awo'u mawu.”