PANDARIADDI 26:12 - WUKE SUSI WATTI'U AL᷊AL᷊USASSA

¹² I Ishak nangasi'u wualanna wuṛṛu nabbaille su wanua udde, wuṛṛu tonna udde i tou naasomba hessine maṛṛasutta anambone wuassu wualanna apan niasingnge, ana waugu Mawu nangal᷊amata si tou.

PANDARIADDI 26:12 Iomraidhean Croise

PANDARIADDI 24:1

I Abraham timmadete atonna, wuṛṛu i tou nial᷊amatannu Mawu sulal᷊ummu al᷊awo'u manara.

PANDARIADDI 24:35

Mawu lembon nangal᷊amatta mawu'u udde wuṛṛu na'ola'a si tou ala manasai. Mawu buatte nangonggollu manambo domba, ambinga, sapi, unta, keledai, wuṛṛu lai sal᷊a'a, wul᷊awanna, see allangnga esakka wuṛṛu wawine.

PANDARIADDI 25:11

Napawe i Abraham natete, Ruata nangal᷊amatta si Ishak, ana'i Abraham. Su tempo udde i Ishak uatana'a maranin paṛṛihi apan isassago “I Tou Apan Mallu'adda si ya'u”.

PANDARIADDI 26:29

manungku i'o tawe ma'ola'a al᷊al᷊eo si yami, su ereapa i yami lai tawe ma'ola'a al᷊al᷊eo su saruannu. I yami mapate si'o wuṛṛu namalanu inai ringannu paddarame. Nasemakke si yami manungku Mawu nangal᷊amatta si'o.”

PANDARIADDI 26:3

I Ya'u sarun mallu'adda wuṛṛu mangal᷊amatta si'o. Ahewallu wageangngu leta'a indi sarun Ta'u ionggolla si'o wuṛṛu su papapulunnu. I Ya'u sarun manipussu paaire apan buatte Ta'u nionggolla si Abraham iamangngu.

PANDARIADDI 30:30

Tantal᷊anna i ya'u taambe nirumanta, dorotongngi Papa tawe tumannite manambo, arawe orassa indi Papa nabbal᷊ite ala. Mawu buatte nangal᷊amatta si Papa ana waugu i ya'u. Orassa indi temponete i ya'u mammanara su amonangku sassane.”

AYUB 42:12

Ayub nial᷊amatannu Mawu ringannu nilumambalanna sulal᷊ummu lamben pabbiaṛṛanne, wuassu sutempo i tou tantal᷊anna taambe niaṛṛiaannu asasilaka. Ayub uatahuanna 14.000 ambingnga domba, 6.000 unta, 2.000 sapi, wuṛṛu 1.000 keledai.

DARALO 67:6

Antimanna manga walahanna maddalo Si'o, oh Mawu, antimanna anambon walahanna maadiangkamanna Si'o.

DARALO 72:16

Antimanna ganduma lumambalanna su ahewallu wanua, wuṛṛu manga wuidde napenen hessin sasuanna. Antimanna letange masuwukka ere Panenteannu Libanon, wuṛṛu tumana'u soane aatambanna naal᷊ihidda nannal᷊o su wadda'a.

AMSAL 10:22

Ana waugu tumba'u al᷊amattu Mawu taumata nabbal᷊i ala; mammanara maṛṛimadda tawe maatamba darotongnga.

MANNANASE 11:6

Pangasi'en bualanna sutempo marua allo wuṛṛu arie pangillol᷊o sutempo ṛabbi. Ana waugu i ite wagga wualanna suapa apan mapia tatuwone. Asinungka darua udde tinumuwo ringannu mapia.

ZAKARIA 8:12

I mangitou sarun mangasi'u wualanna ringannu paddarame. Manga punnu anggori mangitou sarun mabbua, leta'a sarun mangonggollu hessine, wuṛṛu uranna sarun mangansalla ringannu manambo-nambo. Al᷊awo'u al᷊amatta Ta'u iionggolla su manga taumata apan ta'e wiakka wuassu walahanna indi.

MATIUS 13:23

Wuṛṛu wualanna apan nanawo su leta'a masuwukka, isassumandingnga su taumata apan maddaringikka watti'a udde wuṛṛu maasunna. I mangitou nabbua manambo, piaddu maṛṛasutta, piaddu anummu pul᷊o wuṛṛu pia lai wuane paatallum pul᷊o anambone.”

MATIUS 13:8

Arawe pia lai wualanna apan nanawo su leta'a masuwukka, see nabbua; piaddu maṛṛasutta, piaddu anummu pul᷊o, wuṛṛu pia lai paatallum pul᷊one anambone.”

MARKUS 4:8

Arawe pia lai bualanna apan nanawo su leta'a masuwukka. Wualanna udde tinumuwo, see nahewalle wuṛṛu nabbua, pia tallum pul᷊o, pia annummu pul᷊o, wuṛṛu pia lai paaṛṛasutta su wageangnge.”

1 KORINTUS 3:6

I ya'u massuanna wuṛṛu Apolos mamamokkane, arawe Ruata sassane apan mamadul᷊i sasuanna udde.