PANDARIADDI 24:7 - WUKE SUSI WATTI'U AL᷊AL᷊USASSA

⁷ Mawu, Ruata apan uataṛṛino langitta, buatte nangapi'u wuassu wal᷊en iamangku wuṛṛu wuassu wanua manga tuṛṛangku, wuṛṛu i Tou buatte nassalu si ya'u manungku i Tou sarun mangonggolu wanua indi su papapulungku. I Tou lai sarun mandolokku mala'ekan-Ne mantul᷊ungngu, tadea'u i'o wotongnge maasomba sangkatou awingngu ana'u wua poiaroddi.

PANDARIADDI 24:7 Iomraidhean Croise

PANDARIADDI 13:15

i ya'u sarun mangonggolla si'o wuṛṛu su papulunnu ahewallu leta'a apan a'ellehannu udde tadea'u maola'a pussaanu saran mal᷊annu-l᷊annu.

PANDARIADDI 15:18

Su tempo udde lai Mawu na'ola'a pa'aire ringanni Abram. Mawu nabbisara, “I Ya'u maddiandi sarun mangonggolla su papapulunnu ahewallu leta'a indi, manattakka wuassu passarannu wanua Mesir maddatingngu sal᷊ukku Efrat,

PANDARIADDI 16:7

Mala'ekattu Mawu naisasomban Hagar maranin al᷊imatan kua'e maranin wadda'u Sur.

PANDARIADDI 17:8

I Ya'u sarun mangonggolla si'o wuṛṛu su papapulunnu, leta'a indi, apan orassa indi wawanuannu ere sangkatou taumata raho. Ahewallu leta'u Kanaan sarun maola'a pussa'an papapulunnu saran mal᷊annu-l᷊annu wuṛṛu i Ya'u sarun maola'a Ruata mangitou.”

PANDARIADDI 21:17

Ruata naddaringikka tingikki Ismael,wuṛṛu wuassu langitta mala'ekattu Mawu nabbisara si Hagar, wisarane, “Apate ma'asusa si'o, Hagar? Ariete paata'utta. Ruata buatte naddaringikka tingikku anangngu.

PANDARIADDI 22:11

Arawe mala'ekattu Mawu niumui si tou wuassu langitta, “Abraham, Abraham!” Sasimbakki Abraham, “I ya'u, Mawu!”

PANDARIADDI 24:3

Passalute ringannu arannu Mawu, Ruata apan uataṛṛino langitta wuṛṛu runia, manungku i'o tawe madea'a awingngi Ishak ana'u wuassu wallatu manga taumatan Kanaan indi.

PANDARIADDI 24:40

Ana see i tou sinumimbakka, ‘Mawu apan sidutu tattuṛṛutangku, sarun mandolokku mala'ekan-Ne iapatul᷊ungnga tadea'u manaranu pia gessine. I'o sarun maasangkalla awingngu ana'u wuassu wallatu ṛuangangku sassane, eteudde wuassu ana'u tuṛṛangngu iamangku.

PANDARIADDI 26:24

Su ṛabbi udde Mawu naipasilon batangan-Ne si tou wuṛṛu nabbisara, “Ete i Ya'u Mawu Ruatan iamangngu Abraham. Arie pa'ata'utta; i Ya'u sarun mallu'adda si'o. I Ya'u sarun mangal᷊amatta si'o wuṛṛu mangonggollu papapulunna apan manambo si'o ana waugu pa'aire-U si Abraham allang-Ku.”

EZRA 1:2

“Eteindi parentan Kores, ratun Persia. Mawu, Ruata tembonanne su surga buatte na'ola'a si ya'u ratu su ahewallu runia, wuṛṛu nangonggollu manara si ya'u tadea'u mapararisikku Wal᷊en-Ne su Yerusalem su leta'u Yehuda.

DARALO 103:20

Paddalote Mawu, ei manga mala'ekan-Ne apan matohassa, apan sidutu uararingikka wuṛṛu tuttuṛṛutta parenta-Ne.

DARALO 136:26

Paadiangkamante su Ruata apan uataṛṛino langitta; darangngu-Ne tawe panguddusanne.

DARALO 32:8

Wisaran Mawu, “I ya'u sarun mamantingidu lal᷊anna apan amatannu, i'o sarun Ta'u ehetanna wuṛṛu Ta'u tantiroanna.

DARALO 34:7

Taumata su asasilaka sussal᷊ande, ne Mawu sinumimbakka, namallossi tou wuassu asasusane.

DARALO 73:24

I'o nangehetta si ya'u ringannu tatantiro, wuṛṛu I'o nanengkamma si ya'u ringannu addata.

SASABANGNGA 13:5

Ringannu sasalu Mawu naddiandi su iupungngu al᷊amonanu tadea'u manantilla si yamiu wanuan balahannu Kanaan, Het, Amori, Hewi wuṛṛu Yebus. Napawe Mawu nangapiddi yamiu su wanua apan ala wuṛṛu masuwukka udde, suapan tonna sulal᷊ummu wul᷊anna Abib, i yamiu ṛinone ma'ola'a lal᷊aghun ramea indi.

SASABANGNGA 32:13

Naungete manga allangngu i Abraham, i Ishak wuṛṛu i Yakub. Naungete manungku I'o lai na'ire ringannu sasalu tadea'u mangonggolu papapulunna anambone ere anumpitanna su langitta, wuṛṛu lai manungku ahewallu leta'a apan pina'ire-Nu udde sarun maola'a pussa'a papapulunni mangitou saran mal᷊annu-l᷊annu.”

SASABANGNGA 33:2

I Ya'u sarun mandolokku sangkatou mala'ekatta iapapiaṛṛa'i yamiu. I Ya'u sarun mallimbuakka walahannu Kanaan, Amori, Het, Feris, Hewi wuṛṛu Yebus.

YESAYA 63:9

i Tou sassane niaṛṛiaannu asasusa mangitou, Mawu tawe nandolokku daroloṛṛanna ara'e maṛṛinu; Ete i Tou sassane namallossi mangitou ana waugu darangngu wuṛṛu tatal᷊antum-Me. I Tou sidutu mammadul᷊i si mangitou ro'en al᷊amonane.

DANIEL 2:44

Sutempo pamamarentan manga ratu udde, Ruata su surga sarun mapararisikku sambau araratuanna apan mattaṛṛangnga saran mal᷊annu-l᷊annu wuṛṛu sarun tawe iawaddon al᷊awo'u walahanna su al᷊awo'u tampa. Araratuanna udde sarun makkimunsa'a al᷊awo'u walahanna su al᷊awo'u araratuanna waine udde.

YUNUS 1:9

Sasimbakki Yunus, “I ya'u taumatan Ibrani. I ya'u massubba Mawu Ruata su surga, apan nadiaddi tahal᷊oangnga wuṛṛu ammaranne.”

REENGANNA 11:12

Apa i ya'u nangilloṛṛo ara'e nanungkangngi mangitou udde? Anio I'o nandolo'u naola'a na'al᷊ihidda sangkatou inangnga uawawa ana'a addio'a, na'oman sara i ya'u sidutu mappadul᷊i si mangitou su al᷊o'engngu amatanna watukku leta'a apan nipa'ire-Nu su al᷊amona mangitou?

REENGANNA 14:16

I'o namate al᷊aṛṛanang-Ngu su wadda'a ana waugu tawe mapangapiddi mangitou watukku wanua apan buatte nipa'ire-Nu.

REENGANNA 14:30

Suliuddi Kaleb wuṛṛu i Yosua, tawe saran sangkatou su wallatti yamiu apan uukke ruan pul᷊o ire'e sarun maasutta su wanua apan Ta'u pina'ire si yamiu udde.

WATTI'U MANGA RASUL 7:5

Su tempo udde tawe saran sambageanganna wuassu wanua indi nionggolu Ruata si Abraham maola'a pussa'an Abraham; tawe saran sandango nionggolla si tou. Arawe Ruata na'ire manungku i Tou sarun mangonggolla si Abraham maola'a pussa'an Abraham wuṛṛu papapulunne. Tempo udde i Abraham tawe ana'a.

TAHIUL᷊E 1:8

I Ya'u, Mawu, buatte naddiandin ahewallu leta'a udde su al᷊amonanu i Abraham, i Ishak wuṛṛu i Yakub see lai papapulunni mangitou. Nariaddi roote pamanua su leta'a udde.’ ”

TAHIUL᷊E 34:4

Ana see Mawu nabbisara si Musa, “Eteudde leta'a apan Ta'u pina'ire si Abraham, si Ishak wuṛṛu si Yakub apan tinantilla su papapulunni mangitou. I Ya'u namasilo si'o, Musa, arawe tawe mamalanu inai poiaroddi.”

IBRANI 1:14

Amungkangu aroddi, manga mala'ekatta udde apa i mangitou? Ete i mangitou udde manga ghaṛṛaho apan mangngimbe Ruata, wuṛṛu apan iradolokku Ruata iapaatul᷊ungngu manga taumata apan sarun manengkamma asasal᷊amatta.

IBRANI 11:9

Ringannu mangngimanna, i Abraham natana'a ere sangkatou raho su leta'a apan suete pina'iren Ruata si tou udde. I Abraham uatana'a isudde su rasanna. Aroddi lai Ishak wuṛṛu i Yakub, apan nanengkamma paaire apan nassul᷊ungnga wuassu Ruata.

YOSUA 1:6

Ṛinone i'o mangimanna wuṛṛu waṛṛani, ana waugu i'o sarun mamiaṛṛa'u walahanna indi ana waugu i mangitou matana'a su wanua apan Ta'u pina'ire su iupungu al᷊amona mangitou.

YOSUA 24:3

Ana see i Ya'u mangal᷊appa si Abraham, iamangngu al᷊amonanu udde, wuassu wanua su samba'an Efrat udde, wuṛṛu nandolokki tou namal᷊intaddu ahewallu wanua Kanaan. I Ya'u nangonggolu manambo papapulunna si tou. Paarorone i Ishak Ta'u nionggola si tou,

SONDAPPA 11:13

Ne su tempo udde nariaddite linukka apan masaddata. Sepermapul᷊o wuassu soa udde naṛṛimunsa'a, wuṛṛu pitu ṛiwu taumata nate ana waugu linukka udde. Manga taumata waine lembon matta'utta, see i mangitou nadalote awawantugu Ruata su surga.

MAL᷊AṚṚUUNGNGA 2:1

Mala'ekattu Mawu inaite wuassu Gilgal watukku Bokhim wuṛṛu nabbisara su manga taumatan Israel, “Yai buatte napasabbangi yamiu wuassu Mesir, wuṛṛu nangapiddi yamiu watukku wanua apan buatte nipa'ire-U su iupungngu al᷊amonanu. Buatte lai Ta'u niapasingkatta si yamiu, ‘Pa'a'aukku pa'aire-U si yamiu tawe Ta'u wassutanna.