PANDARIADDI 24:31 - WUKE SUSI WATTI'U AL᷊AL᷊USASSA

³¹ Ana see unni Laban, “Papa taumata apan nial᷊amatannu Mawu! Arie paatana'a su liudde isindi. Wette sutta'e su wal᷊en kami. I yami buatte nanahangginna wabbo'a atatiil᷊anni Papa wuṛṛu tampa manga untan Papa.”

PANDARIADDI 24:31 Iomraidhean Croise

PANDARIADDI 18:3

i tou nabbisara, “Manga Tuangnga, arie sumabbi rasangku ringannu tawe umotongnga asuene; wala'ewe i ya'u mangimbe manga Tuangnga.

PANDARIADDI 19:2

wuṛṛu nabbisara, “Manga Tuangnga, wette otonga'e asuene su wal᷊e'u. Manga Tuangnga wotongnge mangukkassa ledda wuṛṛu manaṛṛabbi su wal᷊e'u. Tiṛṛabbi wuṛṛu wotongnge, manga Tuangnga matimpu'o maruaallu atonna ana see manassukku amatanna.” Arawe itarua sinumimbakka, “Tarimakase, wala'e iambua manaṛṛabbi su leta'u mal᷊alangngu soa.”

PANDARIADDI 19:3

I Lot mangke sinumal᷊ande, wuṛṛu panginsueanne itarua sinumutta suadio'a ringanni tou sulal᷊ummu wal᷊ene. I Lot nanaddia anna matemangnga wuṛṛu nallol᷊o roti addaalle, ana see niumante i mangitou.

PANDARIADDI 26:29

manungku i'o tawe ma'ola'a al᷊al᷊eo si yami, su ereapa i yami lai tawe ma'ola'a al᷊al᷊eo su saruannu. I yami mapate si'o wuṛṛu namalanu inai ringannu paddarame. Nasemakke si yami manungku Mawu nangal᷊amatta si'o.”

PANDARIADDI 29:13

Napawe i Laban naaringikka watti'a su ola'i Yakub, ana'u wawinene udde, i tou tinumal᷊angke maisasombane. I Laban naṛṛa'uppa si Yakub wuṛṛu nangari'a, ana see niapidda sinumutta sulal᷊ummu wal᷊en. Napawe i Yakub nabbatti'a si Laban al᷊awo'u apa apan buatte nariaddi si tou,

DARALO 115:15

Antimanna i yamiu al᷊amatannu Mawu, mandariaddi langitta wuṛṛu runia!

AMSAL 17:8

Piaddu massunna roitta aonggolla wotongnge ma'ola'a al᷊aṛṛindu'a; ringannu roitta aonggolla sarangkanambone wotongnge maola'a.

AMSAL 18:16

Lal᷊antakku maawu'a lal᷊anna wuṛṛu manguntuddu taumata ringannu manga tembonanne.

MAL᷊AṚṚUUNGNGA 17:2

Su allo sambau i tou nabbisarate su inangngene, “Su inangnga niawul᷊iannu saṛiwu maṛasutta roitta sal᷊a'a, i ya'u naaringikka inangnga mantal᷊an manana'one. Indete Inangnga, roinne! Ete i ya'u nanna'o.” Inangngene sinumimbakka, “Antimanna i'o al᷊amatannu Mawu, ana'u!”

RUT 3:10

“Antimanna Mawu mangal᷊amatta si'o, ana'u,” unni Boas. “Isumandingnga ringannu sarangkanambone apan buatte niolangngu su la'ianannu, ne pallal᷊agunu orassa indi napal᷊iatta'u darangngu apan maggewal᷊anna lai. I'o mangke ta'e wotongnge maddea'a awingngu ta'e dario'a suwallatu taumata ala ara'e lai taumata asiangnga, arawe udde tawe niolangngu.