PANDARIADDI 24:27 - WUKE SUSI WATTI'U AL᷊AL᷊USASSA

²⁷ Wisarane, “Paddalote Mawu, Ruata mawu'u Abraham. Mawu sidutu matul᷊idda wuṛṛu mapia su mawu'u Abraham. I tou nangehetta si ya'u watukku manga tuṛṛangnge.”

PANDARIADDI 24:27 Iomraidhean Croise

PANDARIADDI 13:8

I Abram nabbisara si Lot, “Iaddua indi sangkatuṛṛangnga, dal᷊eo amungkangngu manga taumatanu wuṛṛu manga taumata'u uatatiakka.

PANDARIADDI 14:20

Daralo su Mawu Ruata Apan Atanggaṛṛanne, apan buatte nangal᷊amatta si'o ringannu auntunganna wuassu manga seennu.” Wua'udde i Abram nangonggollu mapul᷊on kawageanganna wuassu al᷊awo'u darotongnga niaaṛṛo apan buatte niapiddi tou.

PANDARIADDI 24:12

Ana see allangnga udde niumal᷊iomanna, “Mawu, Ruata mawu'u Abraham, tul᷊ungaawe, tadea'u i ya'u maaola'a manara'u su allo indi; akkanaawe mawu'u Abraham.

PANDARIADDI 24:21

Tantal᷊anna udde allangngi Abraham sidutu mannutukka si tou ringannu tawe bisarane saran sampadi. I tou maapulu maasingkatta atanne Mawu ma'ola'a manarane pia gessine ara'e tawe.

PANDARIADDI 24:4

I'o ṛinone mabelengnga watukku wanua niasungkangangku madea'a awingngi tou wuassu wallatu manga tuṛṛangku.”

PANDARIADDI 24:42

Wuṛṛu napawe tanginna i ya'u na'omate su paṛṛihi, i ya'u niumal᷊iomanna sulal᷊ummu naungnga, ‘Ruata mawu'u Abraham, ṛinone ma'ola'a manara'u pia gessine.

PANDARIADDI 24:48

I ya'u niumal᷊intudda nassubba wuṛṛu naddalo Mawu, Ruatan mawu'u Abraham. I Tou buatte nangehetta si ya'u naddatingngu tampa indi, ringannu manga alahannu mawu'u, na'oman sara i ya'u naasomba maṛṛuala indi maola'a paren anangnge.

PANDARIADDI 32:10

I ya'u tawe su ṛinone manengkamma al᷊awo'u darangngu wuṛṛu apan buatte niapal᷊iatta'u Mawu si ya'u. Su tempo i ya'u niumamatta tinumumbe Sal᷊ukku Yordan, i ya'u tawe uaapiddu apa-apa tumbau ta'inna. Orassa i ya'u nirumantate apia ringannu ruang kawageanganna indi.

PANDARIADDI 32:11

I ya'u sumal᷊ande ringannu atonna, liuaawe i ya'u wuassu iaangku i Esau. I ya'u matta'utta aṛṛengenne i tou rumanta mamangalo wuṛṛu mamate si yami sarangkanambone, see lai wawine wuṛṛu manga ana'a.

PANDARIADDI 9:26

Paddalote Mawu, Ruatan Sem! I Kanaan sarun maola'a allangngi Sem.

2 SAMUEL 18:28

Ringannu mangngintul᷊i i Ahimaas nattabbea ratu, ana see niumal᷊intudda wuṛṛu nabbisara, “Dalo su Mawu Ruatan Tuangnga, apan buatte nanantilla si Tuangnga manga taumata apan mammangalo si Tuangku!”

DARALO 100:5

Ana waugu Mawu udde mapia; darangngu-Ne saran mal᷊annu-l᷊annu, wuṛṛu apapia-Ne sara maṛṛawa mappulunna.

DARALO 68:19

Mawu sinuma'a su tampa atanggaṛṛanne; manambo taumata niatawanna niapiddi Tou. I Tou nanengkamma sasamba wuassu wallatu taumata ewe'e lai wuassu wallatu ammul᷊annu taṛṛa pangalo; tadea'u i mangitou uawanua suadio'a ringannu Mawu Ruata.

DARALO 98:3

I Tou uanaungnga darangngu wuṛṛu apapia-Ne su Israel, al᷊aṛṛanang-Nge. Anambon walahanna su ahewallu runia naasilote Ruatan kite naauntunga.

SASABANGNGA 18:10

wuṛṛu nabbisara, “Dalo su Mawu apan nanal᷊amatta si yamiu wuassu liman datu wuṛṛu walahannu Mesir! Dalo su Mawu apan namallossu walahannu Israel wuassu patataṛṛualanga!

SASABANGNGA 2:11

Napawe i Musa umbasante, i tou inaite naisasomba manga taumata balahanna sambau. I tou naasilo ereapa i mangitou iwabbata'a mammanara masahadda. I tou naasilo lai sangkatou Mesir namate sangkatou Ibrani.

SASABANGNGA 2:13

Tiṛṛabine i Musa inaite apia, ana see i tou naasilo ruan katou taumatan Ibrani tantal᷊anna uawawul᷊o. “Anio i'o namuulla hawenu?” aiwal᷊o i Musa su taumata apan nassal᷊a udde.

SASABANGNGA 34:6

Wua'udde Mawu sinumabbi ringanni Musa wuṛṛu nabbisara, “I Ya'u Mawu, eteudde Ruata apan napenen naungnga mapia wuṛṛu darangngu. Darungngu-U nilumambalanna, i Ya'u satia wuṛṛu mal᷊iwue masa'u.

AMSAL 3:6

Pannaungke Mawu sulal᷊ummu al᷊awo'u manaranu, ne i Tou sarun mamiaṛṛangngu lal᷊annu pabbiaṛṛanna apan mapia.

AMSAL 8:20

I ya'u uatantuṛṛutta lal᷊annu atatul᷊idda, i ya'u lullempangnga su lal᷊annu apapia.

MIKHA 7:20

Su uman-Nu, papapulunni Abraham wuṛṛu Yakub, I'o sarun mapal᷊iatta'u darangngu-Nu wuṛṛu aakkan-Nu apan tawe pattaal᷊anne udde ere buatte nipa're-Nu su al᷊amonan kami tiwatta.

LUKAS 1:68

“Wette i ite maddalo Mawu, Ruatam balahannu Israel! I Tou suete nirumanta mantul᷊ungngu pabbawala-Ge wuṛṛu mamallossi mangitou.

YOHANES 1:17

Tita Mawu, nisengkammi ite wuassi Musa. Arawe darangngu wuṛṛu tatal᷊antupu Ruata niapaal᷊iatta'a sulal᷊ummi Yesus Kristus.

EFESUS 1:3

Dalo su Ruata, Iamangngu Mawun kite Yesus Kristus! I Tou nangal᷊amatta si ite ringannu al᷊awo'u al᷊amattu Ruata sulal᷊ummu surga, ana waugu i ite uaaukka ringanni Kristus.

1 TIMOTIUS 1:17

Ruata, Ratu su al᷊o'engngu tempo, ṛinone addatanna wuṛṛu siddutu raloanna, ana waugu ete i Tou punnu sal᷊amatta sarangkal᷊o'engnge, apan tawe iasilo wuṛṛu tinggassa! Amin.

RUT 4:14

Manga wawine nabbisara si Naomi, “Daralo su Mawu! i Tou buatte nangonggolu sangkatou pulunna esakka si'o su allo indi iapapadul᷊i si'o. Antimanna ana'a udde sarun tumelengnga su Israel!

1 SAMUEL 25:32

Ana see i Daud nabbisarate si tou, “Dalo su Mawu, Ruatan Israel, apan nandolokku naisasomba'u su allo indi!

1 SAMUEL 25:39

Sutempo i Daud naaringikka manungku i Nabal natete, i tou nabbisarate, “Dalo su Mawu! I Tou buatte nabbal᷊issa aal᷊uandaga apan buatte niola'i Nabal si ya'u, wuṛṛu buatte namo'a allangngu indi ma'ola'a al᷊al᷊eo. Mawu buatte nakkuumanni Nabal ana waugu al᷊al᷊eone.” Wua'udde i Daud nandolokku daroloṛṛanna iapa'onokka si Abigail maola'a awingnge.