PANDARIADDI 24:15 - WUKE SUSI WATTI'U AL᷊AL᷊USASSA

^15-16 Su tempo i tou tantal᷊anna u'al᷊iomanna, i Ribka, sangkatou maṛṛuala apan aṛṛamahanne wuṛṛu taambe naawingnga, naranta su paṛṛihi uapassanna wowongnga su wambangnge. I tou ana'i Betuel, wuṛṛu hagurangngi Betuel eteudde i Nahor wuṛṛu i Milka; i Nahor udde iaangngi Abraham. I Ribka mattudan paṛṛihi udde wuṛṛu nalloṛṛo wowongnge, ana see napul᷊e.

PANDARIADDI 24:15 Iomraidhean Croise

PANDARIADDI 11:27

Ete indi papapulunni Terah: i Terah iamangngi Abram, i Nahor wuṛṛu i Haran. I Haran pia sangkatou ana'a esakka aranne i Lot.

PANDARIADDI 11:29

I Abram naawingngi Sarai, wuṛṛu i Nahor naawingngi Milka ana'i Haran wawine. I Haran ta'e pia ana'a esakka waine aranne i Yiska.

PANDARIADDI 21:14

Tiṛṛabbine marua allo atanna, i Abraham nangonggolu anna wuṛṛu pato'an kua'e si Hagar maola'a wal᷊unna su amatanna. I tou nangaddon ana'a udde su liuddi i Hagar, wuṛṛu nandolokku wawine udde inai. Ana see inaite i Hagar wuṛṛu namal᷊intadden wadda'u Bersyeba.

PANDARIADDI 24:14

I ya'u sarun mabbisara sangkatou suwallati mangitou, ‘Tul᷊unga'a lintuṛṛa'a wowongngu wuṛṛu i ya'u painuma'a.’ Amungkangngu i tou sumimbakka, ‘Pa'inumpe, wuṛṛu manga untan Papa sarun ta'u iapa'inumma lai!’ ete i tou apan nipile Mawu hunan Ishak allang-Ngu. Amungkangngu olangnge udde matipussa, i ya'u sarun maasingkatta manungku Mawu pia naungnga mapia su mawu'u Abraham.”

PANDARIADDI 24:24

“Iamangku i Betuel, ana'i Nahor wuṛṛu i Milka,” sasimbakku maṛṛuala udde.

PANDARIADDI 24:45

Taambe lai i ya'u nanguddussu aal᷊iomanna udde sulal᷊ummu naungnga, i Ribka nirumantate uaapiddu wowongnga papasannananna ana see nania ua'e wuassu paṛṛihi. Wua'udde i ya'u nabbisara si tou, ‘Tul᷊unga'a painuma'a i ya'u.’

PANDARIADDI 25:20

I Ishak uuke appatu pul᷊o su tonnane su tempo i tou naawingngi Ribka, tuarin Laban, ana'i Betuel, sangkatou taumatan Aram wuassu Mesopotamia.

PANDARIADDI 29:5

I Yakub naiwal᷊o apia, “I yamiu masingkatti Laban ana'i Nahor?” “Masingkatta,” sasimbakki mangitou.

PANDARIADDI 29:9

Tantal᷊anna i Yakub uahahatto mangitou, i Rahel nirumanta ringannu uaapiddu ammul᷊annu ambinga dombane.

DARALO 34:15

Pangindauten al᷊al᷊eo, pa'ola'e apapia, paddea'e paddarame ringannu anambon auatannu.

DARALO 65:2

Ṛinone i yami maddalo Si'o su Sion, oh Ruata, wuṛṛu manipussa paairen kami Si'o.

AMSAL 31:27

I tou sidutu maṛṛimadda mammanara wuṛṛu ma'ellega aurangannu lal᷊oṛṛon bal᷊ene.

YESAYA 58:9

Amungkangngu i yamiu umal᷊iomanna, i Ya'u sarun maddaringikka. Amungkangngu i yamiu ma'ilal᷊are si Ya'u, i Ya'u sarun sumimbakka. Ariete pangallangnga sansul᷊ungngu, addoa'e pasaseetta wuṛṛu aal᷊uandaga.

YESAYA 65:24

Tantal᷊anna i mangitou taambe naddorongnga, i Ya'u buatte sinumimbakka; tantal᷊anna i mangitou taambe nuddussa inumal᷊iomanna, i Ya'u buatte naddaringikka aal᷊iomanni mangitou.

RUT 2:17

I Rut sidutu mammurutta gandumma su wailla na'oman sara wawallo. Napawe i tou mammapa'e manga raen ganduma lapiddu ipamallosu watune wuassu raene, inauranna i tou napangallude iraṛṛangngo mapul᷊o su kilone.

RUT 2:2

Su allo sambau i Rut nabbisara si Naomi, “Mama, i ya'u madorongnga inai su wailla mamurutta ganduma apan asinungka manawo wuassu liman mangangitingnga. I ya'u mammendamma asinungka pia taumata apan mamala'u ma'ola'a manara udde.” “Ore, ana'a!” sasimbakki Naomi, “roote!”